Matiyut 26:36 - Ala Wone Peenok Peebi Mbanak

³⁶ Ti'nuk, Yetut at oone waganggwi nogo inom o endage Nggetemani ari nogo nogogwaarik, Yetut nen at oone waganggwi nogo yorage logonet, “An iru time tamban eeri nage me, kit yayi logonip o.”

Matiyut 26:36 ပူးပေါင်းရင်းမြစ်များ

Matiyut 26:39

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Matiyut 26:42

Yoge nagagerik, ne ambi teppiinok nage nagagerik, Ala yoge logonet, “Ai, nogoba. An ee'naburak amburu toolak kwak yi, nengga'lek me teppaniyak meek kenok, kat kiniki mbake aret eerigin o,” yinuk, tamban eereegerak.

Matiyut 6:6

Kit nen tamban eeriyak mbakwi kiinok, kiname unggwogo logomonggotik, tu nappunuk, kinogoba nobara'me menggerak nogo nggino yogo logonip o. Ndi, nggino yogwi kiinok, at kote eekwi enegen kage menggerak nogo nen onggo wokkiraagin o.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,