Matiyut 26:33 - Ala Wone Peenok Peebi Mbanak

³³ Yorage mbareegi, at Peterut nogo nen, “Lek o. It abok aret, Yetut nineenggo'lek o, yinuk, teppaganuk mbaganggwi iigak kwe, an nalik perak, teppaganuk mbaganigin mondok lek o.”

Matiyut 26:33 ပူးပေါင်းရင်းမြစ်များ

Ndawi 17:5

Kat kiyok mugurok mban nage minggirak me, An niyok eraabin perak togon noolik o.

Kini Wuppiige 20:6

Aakumi apit nen, “Nit mbo pinagagun lek o. Niniki mondok kunik eekkinako logogun o,” yogo menggaarak kwe, Aap ambiriluk ambi nen oreeluk mbo pegeelik iniki kundugu lombok eeke menggerak kenok ti, iya aret me, aap ti mendek ta nen kwaakkoorak op mbakop?

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Matiyut 26:32

An neenik agago mippanege kenok perak, kit naga'lek kiigak, an naa'nduk o Nggalileya time nagin o,” yoragagerak.

Matiyut 26:34

Yoge mbareegi, at Yetut nen, “Yogondak oonikiya yi paga ayam oone awo yaga'lek kagak, kat ne kenagan paga, Yetut ti, neenggo'lek, yumunggun o, yinuk, abet aret yokkigi o.”

Marakut 14:29

Yorage mbareegi, at Peterut nogo nen, “Lek o. It abok aret, Yetut nineenggo'lek o, yinuk, teppaganuk mbaganggwi iigak kwe, an nalik perak, teppaganuk mbaganigin mondok lek o.”

Lukat 22:33

Yoge mbareegi, at Timon nen, “Nogoba o. Keele maarogo mambiigo menggam mambagagwi, mondok kookwi, eekwi iinok, an nimbirak ee'naburak op aret mbakirak o.”

Yaya 21:15

Mbi nonggo mbareegwa, at Yetut nen Timon Peterut nogo yoge logonet, “Yaya aput Timon wae! Kat koreewi yi, mbuuluk iniki kunik ee'nakwi iigak, kat nggwok togon kiniki kunik ee'nake ilik, lek a?” Yoge mbareegi, at Peterut nen, “E o, nogoba. An niniki kunik eekkake nogo, kat keenu aret o.” Yoge mbareegi, at Yetut nen, “An nandomba mbuulogwe ndegeninake logot o.”

Oroma 12:10

Kinowe-kinawot kiniki kunik eeginako monggotak kwak, kinoreewi kinom niniki-kiniki kunik eeko logonip o. Nabu'me-kabu'me logonet, at ambi tiyappegak eeko logonip o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.