Matiyut 26:11 - Ala Wone Peenok Peebi Mbanak

¹¹ It inamendek lek ti, kinom mondok logomunggup kwe, an perak, kit ninom mondok logogin lek o.

Matiyut 26:11 ပူးပေါင်းရင်းမြစ်များ

Matiyut 26:10

Yogwe nogo Yetut yelok iige nagagerik, it yorage logonet, “Kwe yi nen abu obeelom ee'nakerak me, nonggop nduk, mberogo ogotik?

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Marakut 14:7

It aap inamendek lek ti, kinom mondok logomunggup me, yi mendek ndi mendek wogoroorak mba'nuk, wogoroorak ti op aret kwe, an perak, kit ninom mondok logogin lek me, kwe yi, an ee'naburak iniki abu koombunuk ee'nakerak kagi o. An kambiminggirak ndoome mambaniyak me, awo mambanega'lek iigak, amburu obari abe mendek yi, kilippanegerak me, kwe yi, teppinip o.

Yaya 13:33

Ai, napuri o! An ne ambiriluk ninom logominggirik, nagin me, kit kwaa'nabit namonggotak kwe, An nawam time kit noorak meek o, yinuk, it aap Yakuri mendek yoragagirak nogo ndak-ndak, kit togop aret yokkirage agarik o.

Yaya 14:19

An ne ambiriluk logonuk nagin me, it aakumi o nggween paga yime menggaarak ambinom neyaagun lek kwe, kit perak, neego logomunggup aret o. An neenik wonage me, kit kunduk kineenik logomunggup.

Yaya 16:28

An nogoba wonage me nen o nggween paga yime wambi wagagirak. Ndi, yogondak an o nggween paga yime mbo punuk, nogoba ka nage agarik o,” yinuk, yoragagerak.

Yaya 16:5

yogondak perak, at nappani wagagerak nogo ka nage logonet, yokkirage neegak kwe, kit ambi nen, Kat nggeeme nage agandik o? yinuk, yo'nega'lek ogotik o.

Yaya 17:11

An o nggween paga yime ambinom logogin lek o. Yogondak an keya wage kwe, it kapuri yi perak, o yime aret logogun o. Ai, nogoba! Kat kikak nakeelik mondok alik leenak menggendak o. Kat nimbirak niniki ambit monggoorak nogo ndak-ndak, it kat nen wo'nereegindak nogo iniki ambit aret logowak o. Kat kendage nggwok logonet, komaawi lombok eeppaneegindak nogo paga kapuri yi, ndegeninake logot o.

Nappiigak 3:21

O maan togon at Ala nen, Togop eerigin o, yinuk, at oone yoraga abu alik leenak nogo, yorage kagak yorogo nogogwaarak nogo, a'me lik yuwak nduk, at Ala nen yi mendek ndi mendek abok aret alik ngget mendek awo eeka'lek logonet, at Yetut mbogut paga time aret logogin o.

Nggalatiya 2:10

Nappinani wogo logonet, “It aakumi ineenggi lek tebenak wonogwe nogo, inabuwa mbako logonip o,” yinuk, ti mban yo'nirogo mbareegwa, an kunduk ti, niniki lunik logonet, eerit nage minggirak me, “Op aret yo'niraga o,” mbakak wogogurak.

Pelaareegerak 15:11

O kit logowam time aap ineenggi lek, ti mendek lek arugun lek mondok aret wonogo logogun aret me, it aap kinoreewi ineenggi lek logonet, Nit ndi mendek lek me, yeenggwa niraanip o, yokkirogwe iinok, kiniki ndoobu paga aret wogorogo logonu o, yinuk, eeko logorak wone lengganogo yokkirage ti aret o,” yinuk, yoragagerak.

1 Yaya 3:17

Aap ambi eenggi warak nen ore aaninggin oba agaarak enegen kage kwe, abuwa mbaka'lek, “Obaalombok o,” yinuk, mbo pege kenok, Ala nen aakumi inabuwa mbake menggerak nogo mendek inikime wonage abu lek aret mbako logowok o.