Matiyut 25:5 - Ala Wone Peenok Peebi Mbanak

⁵ Wundi nogo nogogwaarik, kwe kolage nogo waga'lek elaambirik mbareegi, it komologwe nogo, nogolumok aganake mbareegi, nogo yereegwaarak.

Matiyut 25:5 ပူးပေါင်းရင်းမြစ်များ

Ndawi Iya 3:1

Oonikiya an nogo yege minggim logonet, At an niniki kunik eeke nogo, “Mandenom woramenggi?” yinuk, tokkagarak o. Niniki luunik tokkage wonagarak kwe, nowagam waga'lek aret kagarak o.

Ndawi Iya 5:2

An nogo yege logonet kwe, niniki woonik mban wonage me, Oone ari negen naruk konembunuk, “A puk! Ti an niniki kunik nogo nen tu puk-puk eeke kwa?” mbake neegak, At nen ari logonet, “Niniki kunik eekkake niriluk wae. Kat an narowe puume kwak, koba ambi aga'lek kigirikwe wonage o. An nanobak paga konaananggen luurogo pege, Oonikiya neeruwak paga miin anggen luuke, Eekerak me, tu paa'neyet o.”

Ndawi Iya 5:3

Yo'nege mbaki, an nen, “Nayum abu nggoorogo punuk nonggoti eerogo yikkolage, Niyok abu koorogo punuk, nonggoti eerogo mili eekkolage, Eeriyak mbaken?”

Abakuk 2:3

Kabinggaanggo kagandak ti, eeriyak eyom koonak nogo awo ari waga'lek kwe, Woraagin nogo ti, pilit lek abet aret woraagin o. Eeri woroorak nogo puk arigin lek abet aret woraagin me, Elaambirik woraagin, mbarugun o. Ata, kagak tokkage logot o.

Matiyut 24:48

Ndi, aap ayeloman nogo ti, obaabut abu maluk me, Nogoba elaambirik, logonuk woraagin, mbaki o, yinuk,

Matiyut 25:19

Eeppunuk, nogo apit yippunuk wonogwe me, inogoba nogo iyok paga wage nagagerik, Nawu nogo paga it mande nabenggolagaarak kaamun? yinuk, wiirage mbareegi,

Matiyut 25:4

Ndi, it iniki warak nogo nen perak, inelampu paga yigani tookkologwe, ndi, lek age kenok tooliyak ambi inom kologwe, ee'nuk wundi nogogwaarak.

Matiyut 25:6

Ndi, nogo iniki mbere eeke paga aap ambi nen oone nggwok paga ari logonet, Aap kwe kolage nogo wage yi aret me, wa'nip o.

Matiyut 26:40

Tamban eeke nagagerik, at oone waganggwi nogo inowagam wagagerak. Wage nagagerik, nogo yugwi enegen iige nagagerik, Peterut yoge logonet. “Wulaga. Kit ne ambiriluk ninom tum wako logorak meek kenok nogo yogo ogotik?

Matiyut 26:43

Tamban eeppunuk, iyok paga wage nagagerik, it aap nogo, nogo yuurak eeginake mbareegi, nogo yugwi iyareegerak.

Lukat 1:21

Ti yogwe iigak, aakumi endekem Takariya tokkogwe nogo nen yogo logonet, “Ala awi wurik me nen wundi waga'lek mban yi, nonggop aga? Ia!” yinuk, yogwe me,

Lukat 12:45

Ndi, ayeloman nogo nen iniki mbake logonet, An nogoba elaambirik logonuk woraagin mbaki o, yinuk, at ogoba ayeloman mini at oreewi ando nogo kumi aap inom yawi inooke, yi mendek ndi mendek ugun lagap mban nenet nage, amburu kumili aganakwi mendek nengge logonet, kumili kunit nage, eerit nage kenok perak, nonggop o? Lek o.

Lukat 18:8

Lek o. Mbet-mbet aret inowak loonogo inawone amburu mbanigin o, yinuk, yokkiragi. Togop aret eeginaburak kwe, an aap aret nda'nagagirak wage neenok, it aakumi nggween paga yime iniki noba panggombunuk, abet nombakwi iyaamun ilik, lek a?” yinuk, yoragagerak.

Lukat 20:9

Ti yorage nagagerik, wone eegu laarogo it aakumi apit yoragagerak nogo yi aret o. “Aap ambi nen anggur awi yake nagagerik, anggen mbanogo ando it kologwe, ando at wogogwi, eeko logowak nduk, at eyabu yarak me arum piinok, o nda time logonuk, woraakit nduk, nagagerak.

Oroma 13:11

“O yogondak eraambe abu alik negen arit wage kagi,” mba'nuk, niniki-kiniki kunik aganako logonip o. Ninagap ndariyak nogo ti, nda negen kagak abet mbareegurak kwe, yogondak perak, abu panggo yi wagaarak me, kit nogo yugwi negen wonogwe yi, kineenik ariyak eyom panggo yi wagaarak me nduk, yokkiragi o.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.

Wayu 2:25

it abet mba'nuk waganeegwaarak nogo mondok nu'lek porogo wonogwe me, An aret woraagin, yegerak o, yinuk, yoraawak nduk, yoriyak, yokkigi.