Matiyut 25:45 - Ala Wone Peenok Peebi Mbanak

⁴⁵ Yo'nogo mbaremengga, an nen it yorage logonet, Lek o. Kit nen it aap maluk-malak mendek yi, togop eeginaka'lek wonogogutak nogo ti, an aret ee'naka'lek wonogogutak o, yinuk,

Matiyut 25:45 ပူးပေါင်းရင်းမြစ်များ

Wakkagagerak 12:3

It aakumi nen kat obeelom eeppagagwi iinok, An nen it obeelom eerogo piige, Ndi, it aakumi nen kat pulunogo pagagwi iinok, An nen it pulunogo piige, Eeke logogin o. Yi aakumi ndi aakumi o nggween paga yime abok aret Kat paga inale'nggen ambik kogo logogun o,” yinuk, yoreegerak.

Ndawi 105:15

“It aap an nen leenogo piinok, amburu kilippiyareegirak yi, kineenggi mbaaniigwi, It aap an yorage neegak yoraga yi, Maluk eerogo piigwi, eerugup o,” yinuk, yorage, Eereegerak.

Kini Wuppiige 14:31

Aap ambi nen aap ineenggi lek nogo tebenogo piige kenok, at ogobakkigirogo piyareegerak nogo aret meek eerogo pege menggerak kwe, Aap ambi nen it aap eekkoloorak meek nogo inabuwa mbake kenok perak, Ala aret ayuk wuke menggerak.

Kini Wuppiige 17:5

Aap ambi nen aap ineenggi lek mendek nogo miyuk-meya eerogo piige kenok, at ogobakkigirogo piyareegerak nogo aret meek eerogo pege menggerak. Aap ambi nen aakumi maluk inoba aremenggerak me, “Op togon eeki,” yinuk, ale'nggen mbake kenok, at yemenggerak onggo oba arigin lek ti lek, oba arigin aret o.

Kini Wuppiige 21:13

It aap ineenggi lek nen inoone nggwok paga, “Yeenggwa niret o,” aap ambi yogwi nogo aruk nappatinuk wonage kenok, At kunduk oone yemenggerak kwe, onggo yorugun lek aret o.

Takariya 2:8

At Omaawi Lombok Menggerak Aliku ALA nen yegerak nogo yi aret. “Aakumi nen it an napuri mbaaniigwi iinok, an nenegen aret ndaganggwi, yegerak me, at Abu Tiyanak Menggerak nogoba nen it yi aakumi ndi aakumi tebenogo pinagareegwaarak nogo, maluk eerogo piyaakit nduk, nappani wagaarak o.

Linggineegwaarak 24:9

Singa ngguunok iyok yunggumbunuk, pogonik wonage, Ndi, singa kooli ugun windak wonage, Eekwi me, Aap ambi ta nen iniki teeluk a'nuk mbaaniigeelik kokwak It aakumi ti, togop aret menggaarak o. It aakumi nen kat Iterali obeelom eeppagagwi iinok, It togon obeelom eeppiigwi, Ndi, it aakumi nen kat pulunogo pagagwi iinok, It kunduk, pulunik aret wonogwe, Eeko logogun o,” yinuk, yereegerak o.

Matiyut 10:41

Kit nen, Aap yi, Ala nen yoge kagak yo'niraga me, yinuk, aap ti, waganggwi kiinok ti, it aap Ala nen yoge kagak, yoraga onggo waagun nogo ndak-ndak aret kolaamunggup o. Ndi, Aap yi, iniki abe koonak mendek me, yinuk, aap ti waganggwi kiinok ti, it iniki abe koonak mendek onggo waagun nogo ndak-ndak aret kolaamunggup o.

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 25:44

Yorage mbariminggi, it nen an yo'nogo logonet, Ai, ninogoba. Mbi abu eekkake, yi abu eekkake, aap nggiru nage, kayum yirik lek nege, andi warak keele maarak wonage, eeke keegak, mandenom ninigen keego nogogurik, yeenggwaagirulik teppagareegurak me yagan o?

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.

Nappiigak 9:5

“Ai, nogoba, kat ta o?” Yoge mbareegi, “Lek o. Kat keebi-keeba agago noorit nage menggendak Yetut nogo, an aret o.

1 Korindut 8:12

Ti eerumonggotak paga iniki warogo piigo logonet, Keritut kunduk inom aret maluk eeppumunggup o.