Matiyut 25:37 - Ala Wone Peenok Peebi Mbanak

^37-39 Yorage mbariminggi, it iniki abe koonak menggaarak nogo nen an yo'nogo logonet, Ai, ninogoba. Kat mbi abu eekkake me, mbi wokkugwi, yi abu eekkake me, tookkiri nogwe, aap nggiru me, wokkakwi, kayum yirik lek me, yippagagwi, ndi, kat andi warak keele maarak wonage me, pekkeya nogwe, eeko nogotak yo'niragandak nogo, mandenom eekkabeegurak me, yagan o.

Matiyut 25:37 ပူးပေါင်းရင်းမြစ်များ

1 Mbinineegwaarak 29:14

An inom, aakumi an napuri yi inom, niniki nen yi mendek ndi mendek ninili yuulik iya negen wokkogoorak yi, nit meek aret niigak kwe, kat wokkiruwok nduk, eerogo pinanggendak o. Yi mendek ndi mendek abok aret kat nen wo'nirage menggendak me, kat kamendek aret wokkogo o.

Kini Wuppiige 15:33

It aap Aliku ALA inagabiti mbakwi paga iniki warak logorak mamunggologwe, Ndi, iniki tebeppatiyak aa'nduk mamunggo'nok, inayuk wuriyak mendek mamunggologwe, Eeko menggaarak o.

Yetaya 64:6

Nit abok aret aap ambi pekkoorak lalam ee'ninake menggi kwak wonogwe, Nit obeelom eeko monggoorak mbakwi nogo ti, kumi tut kogwe paga inayum mili agaatak kwak wonogwe, Iri'ngga teebat agaatak kwak wonogwe, Eerak aret ogoorik o. O wiya nen eyoongga wonok nggarek ari menggi kwak, ninomaluk nen wo'niren nage menggerak o.

Matiyut 5:6

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, It iniki mbakwi ndak-ndak a'me aret arit nage kogo logogun me, Iniki ale'nggen aret mbako logowak o.

Matiyut 6:3

Kit perak, kinamendek aakumi ineenggi lek mendek wogorogo logonet, An nageerok aakumi ndogop wogoragarak o, yinuk, it kinom wonogwe nogo mbininogo yoraagup o.

1 Korindut 15:10

Togop me, at Ala nabuwa mba'nuk, eeppaneegerak nogo paga yogondak nobaabut alik eerit nage neego ogotik o. Ala nabuwa mba'nuk, eeppaneegerak nogo ti, we aanom warogo eeppanulik o. It nappiigak ando nogo ti, we mbuuluk iya negen eeko nogogwaarak kwe, an perak, mondok iya lombok eeke nagagirak. Ti eeke nagagirak nogo ti, an nen ta lek o. Ata, Ala nabuwa mba'nuk, eeppanege kagak, niniki aganggen kerek togon eeke nagagirak me yagi o.