Matiyut 25:33 - Ala Wone Peenok Peebi Mbanak

³³ Leenogo piige logonet, it ndomba mendek kenok ti, neenggi abe'nggan piige, ndi, kambin mendek kenok ti, neenggi kwaare'nggan piige, eerigin o.

Matiyut 25:33 ပူးပေါင်းရင်းမြစ်များ

1 Endagembogut 2:19

Yoge nagagerik, at Mbatiyeba nen Aroniya iniki mbareegerak nogo, yorikit nduk, aap endagembogut Talomo owagam ka nage mbareegi, aap endagembogut Talomo nen agalo keyage wappikit nduk, mi'nage nagagerik, abu'me etenggen wanduk yinuk, ayuk wureegerak. Ayuk wuppunuk, at aap endagembogut logonet wone lengganogo yorage menggim nogome kwi'na'nuk, kwi'nagak ambi eenggi abe'nggan pa'nggwe agalo kwi'nariyak ake, “Pi wa'nip o,” yoragagerak pi wogo mbareegwa, agalo nogo ti paga kwi'nagagerak.

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Ndawi 110:1

Aliku ALA nen an nogoba yoge logonet, “It kinom wim mbanak mendek nogo Aan lebenogo kabu'me piiga'lek neegak, neenggi abe'nggan kwi'nari mok o,” Yinuk, yoreegerak o.

Ndawi 45:9

It kumi kake eekwi kiniki kunik aganake inenggela'me Aap inendagembogut inapurilogwe inom aret wonogwe, Ndi, keenggi abe'nggan kakwe kwe nggwok nogo Ayum mbuti emas o Opit mendek paga ogobakkigirik yirik mi'ndak wonage, Eeko agaarik o.

Ndawi 79:13

Togop eeke keenok, Kandomba ndegenninake nit kapuri yi nen, mondok-mondok, “Wa,” yokkugwi, Kabok mbininogo kendage tiyappagagwi nogo, Ninapuri nda'narit wundi nogwe iinok, mbininogo yoranet nogwe, Eeko logogun o.

Wone Alom Kibingga 10:2

Aap ambi iniki warak nen eenggi abe'nggan paga noorak koongge kagak kwe, Aap iniki lek wi negen nen perak, eenggi kwaare'nggan noorak koongge menggerak.

Marakut 16:19

Ninowe Yetut nogo wone ti yorage mbareegi, Ala nen wonok, mbogut paga pi laganeegerak. Pi lagangge mbareegi, at eenggi abe paga kwi'nagagerak.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.