Matiyut 25:21 - Ala Wone Peenok Peebi Mbanak

²¹ Yoge mbareegi, ogoba nogo nen, Naput wa. Kat nayeloman liirogon obeelom eeke menggendak yi, mondok op aret eekendak o. Kamendek mbuuluk paga liippunuk unde wonagandak me, nggwok apit unde logonok nduk, mippagaminggirak logonet, an kogoba nale'nggen kage minggirak nimbirak ndak-ndak kage logonok nduk, mok o.

Matiyut 25:21 ပူးပေါင်းရင်းမြစ်များ

Kini Wuppiige 14:35

Aap endagembogut nen awot ambi iniki warak wonage kenok, iniki ale'nggen mbake menggerak kwe, Eerit nage paga enggali eerogo pege kenok perak, anini oba pege menggerak.

Kini Wuppiige 28:20

Aap ambi li'lak mban eeke kenok, aakumi inale'nggen nen obeelom mban eeppit nugu menggaarak kwe, Aap ambi nen, “An mbet-mbet neenggi warak eekkolaakit,” mbake kenok perak, aaninggin oba arigin lek lek oba arigin aret o.

Matiyut 24:45

Wone ambinom yorage logonet, “Ti kenok, aap nggwok ayeloman ambi nen at ogoba apuri inarum logonet, inambi noorak wogorage logowak nduk, mippereegerak iniki warak yabu li'lak eeke menggerak nogo ta o?

Matiyut 24:47

Ogoba nen at amendek abok aret ayeloman nogo unde logowak nduk, mippigin o, yinuk, abet aret yokkiragi o.

Matiyut 25:23

Yoge mbareegi, ogoba nogo nen, Naput wa. Kat nayeloman liirogon obeelom eeke menggendak yi, mondok op aret eekendak o. Kamendek mbuuluk paga liippunuk unde wonagandak me, nggwok apit unde logonok nduk, mippagaminggirak logonet, an kogoba nale'nggen kage minggirak nogo nimbirak ndak-ndak kage logonok nduk, mok o.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.

Lukat 12:44

Ogoba nen ayeloman nogo togop eeke me ka wage kenok, amendek abok aret at unde logowak nduk, mippigin o, yinuk, abet aret yokkirage agarik o.

Lukat 16:10

Aap ambi nen mbuuluk eeriyak mendek liirogon aret eeke kenok, nggwok eeriyak mendek ndak-ndak liirogon aret eeke logogin o. Ndi, aap ambi nen mbuuluk eeriyak mendek abe eeka'lek kenok, nggwok eeriyak mendek ndak-ndak abe eerigin lek aret o.

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.

Oroma 2:29

“It Yakuri mendek aret o,” yogwe nogo ti, Muta yoreegerak wone waganggwi paga lek o. Ata, inagabolo mbanggo mengga kwak, at Ala nen Aberiniki paga iniki yanggonogo pege ti perak, abe Yakuri mendek ti aret o. It aakumi iniki togop Ala nen yanggonogo pege ti, it aakumi nen wogoppiyoorak lek o. Ala nen mban aret wogoppiyaagin o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

2 Korindut 10:18

Aakumi eerit nugwi paga wogoppakwi kenok ti, iya lek o. Ata, Ala nen wogoppiige kenok perak, abu iya o.

2 Korindut 5:9

Togop me, ninagabolo yi, nggonengga'lek logonet, maluk-obeelom eeko nogogurak nogo, Keritut nen ninowak loonogo onggo ndak-ndak wo'niraawak nduk, nit abok aret at owagam kuwak agago pinanigin me, ninagabolo yi, nggonengga'lek kagak, nggonenak kagak, Ala inikilom ninombaruwak nduk mban eerit noorak mbakoorak me, niniki ale'nggen mban ogoorik o.

Pilipi 1:23

An Keritut nimbirak logorak ti, op lombok mbake logonet, nggween paga yime mbo punuk, ka noorak, “Ao,” mbake kwe, kit ninom logonet eeppinagarak ambi wonage mban me, niniki abu mbere ee'nake o, noreewi.

1 Timotiyut 3:13

It aap yeenggwaaragak eerit nugu menggaarak nogo abe koonak eekwi iinok, inendage warak aret logogun o. Ndi, nit niniki Keritut Yetut oba panggombunuk abet mbakwi wone nogo, it inagabiti mbaka'lek logonet, yoranet nugu logogun aret o.

2 Timotiyut 2:12

Maluk eeppinanugwi iigak, ninogogumbuk logonet, waganggwi niinok, at ninom tiyanak logonet, aakumi inarum logogun o. Nit nen at mbo pugwi niinok, at kunduk nit mbo pinanigin o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.

Wayu 21:7

It an noone mbo pega'lek inogogumbuk logonet, liirogon mugurok nogwe iinok, ineyate wogorogo mengga kwak, eeginaburak wone karuk konenggendak nogo eeginake logominggirik, an inogoba Ala aret age, ndi, it an napuri aret ogwe, eeko logogun kwe,

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.