Matiyut 25:14 - Ala Wone Peenok Peebi Mbanak

¹⁴ Yetut nen wone ambinom yorage logonet, “An woraagin nogo ti, aap ambi o ambi me noorak nduk eeke logonet, at ayeloman wiirage mbareegi, wogogwaarak me, amindik-amendek unde logowak nduk, wogoragagerak nogo pogom aret o.

Matiyut 25:14 ပူးပေါင်းရင်းမြစ်များ

Matiyut 21:33

Yorage nagagerik, ambinom yorage logonet, “Wone eegu laarak ambi yokkirage me, kinaruk liirogon konenggo logonip o. Aap ambi nggween unde nen anggur awi yappunuk, yagat wuke, amburu mburunogo wuraburak tenggap mendaake, ndi, tum wakak eyo tiyarogon ndoongge, eeke nagagerik, anggen mbanak nogo ando it kologwe, ando at wogogwi, eeko logowak nduk, aap at eyabu aago me arum piinok, o alik me nagagerak.

Marakut 13:34

Ndi eyom woroorak nogo ti, aap ambi nen aakumi inawi naakit nduk, at ayeloman mini nogo nen at awi arum logonet, eeko logowak nduk inalitik-inalitak punogo piige, ndi, at tungga unde menggerak nogo tu ndogon me logowak nduk yoge, eerogo piinok, nage menggi kwak, aret o.

Lukat 20:9

Ti yorage nagagerik, wone eegu laarogo it aakumi apit yoragagerak nogo yi aret o. “Aap ambi nen anggur awi yake nagagerik, anggen mbanogo ando it kologwe, ando at wogogwi, eeko logowak nduk, at eyabu yarak me arum piinok, o nda time logonuk, woraakit nduk, nagagerak.

1 Korindut 12:4

Aberiniki nen ninalitak lombok unde eeppinanege menggerak nogo ti, ambik wonage kwe, at eebe perak, ambit nen aret tumbu'nirage menggerak.

1 Korindut 3:5

An Pawulut kunduk, at Apolot kunduk, nit taani nduk, yogo ogotik? Lek o. At nimbirak ti, Ala ayeloman mban aret me, ninowe nen eeriyak ninalitak lombok mban yo'nirage kenok, yokkira wogogurak paga kit abet mbareegutak nogo o.

Epetut 4:11

At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.