Matiyut 24:46 - Ala Wone Peenok Peebi Mbanak

⁴⁶ Ogoba nen ayeloman togop eeke me ka wage kenok, ayeloman iniki ale'nggen arigin o.

Matiyut 24:46 ပူးပေါင်းရင်းမြစ်များ

Matiyut 24:45

Wone ambinom yorage logonet, “Ti kenok, aap nggwok ayeloman ambi nen at ogoba apuri inarum logonet, inambi noorak wogorage logowak nduk, mippereegerak iniki warak yabu li'lak eeke menggerak nogo ta o?

Matiyut 24:47

Ogoba nen at amendek abok aret ayeloman nogo unde logowak nduk, mippigin o, yinuk, abet aret yokkiragi o.

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Lukat 12:37

Inogoba nen ayeloman mini nogo ineenik logonet, tum wakwi me iya wage kenok, inale'nggen inombarigin o. Tum wakwi wonogwe me iya wage kenok, ogoba nen ayumunggok nggooppunuk, at ayeloman mini inanoniya larak nawak nduk, ambime kwippiinok, inake eeke logogin o, yinuk, abet aret yokkirage agarik o.

Lukat 12:43

Ogoba nen ayeloman ambi togop eeke me ka wage kenok, ayeloman nogo iniki ale'nggen arigin o.

Wayu 16:15

Ti'nuk, at oone yo'nege menggerak nogo nen, ambinom yo'nege logonet, “An aap yogoot wagangga pogom abera'lek me woraagin me, aakumi inenggaanom nggwok paga kinagap mbelanak nogwe kiinok, kinenggali ogwe kiyo, liippogo logonip o. Kinayum abu ndigik-ndegek eerogo patinuk, kinagaket paga wonogwe me, an wage neenok, kiniki ale'nggen eekkinake kaamunggup o,” yinuk, yo'nege kagarak.

Wayu 2:19

it Ala apuri o Tiyatira eerit nogo menggaarak nogo an neenu aret o. It aakumi iniki kunik aganakwi, abet mba'nuk iniki noba panggombanugwi, inoreewi yeenggwaaranet nugwi, aaninggin-paaninggin eeppiigwi iigak, inogogumbuk logonet waganggwi, eerit nogwe nogo abok neenu aret o. Ndi, aa'nduk we mbuuluk eeko nogogwaarak kwe, yogondak nggwok togon eerit nogwe ti, neenu mban aret kwe,