Matiyut 24:28 - Ala Wone Peenok Peebi Mbanak

²⁸ Wam pili agaatak wonage me nogome aret towe enggaanggum nengga ninggiko menggaarak o,” yinuk, yoragagerak.

Matiyut 24:28 ပူးပေါင်းရင်းမြစ်များ

Yeremiya 16:16

At Aliku Ala nen ari logonet, “It aap yikwe wagangga ambik woraawak nduk yonggo piyaminggirak wogo logomenggaarik, it aap ti, piginabit nogo logogun o. Ti'nuk, towe warit nega ambik woraawak nduk, yonggo piyaminggirak wogo logomenggaarik, it aap ti, puut-puut tiyarogon wonogwe, puut-puut teberogon wonogwe, yugum ambe nggaganak me wonogwe, eerak wonogwe iinok, inooko logogun o.

Yetikiyen 39:17

Aakumi nen ndarak yi wae. Naliku Nitok Minggirak an ALA nen yagarak yoroorak nogo yi aret. Towe anebunu lombok inom, ndiimbu-nggwiya inom, abok aret woraawak nduk koone nggwok paga yoret o. An Naliku ALA nen inake warogo pipuk eerogo piige, Iterali wonogo menggam puut-puut paga inake pipuk eerogo piige, eeke me, yi o ndi o nen kuwak eeri woraawak o. Wogo logomenggaarik, it nen enggaanggum inom, amiya inom, nonggo logogun o.

Abakuk 1:8

Nggeewo inogowa ti, iya negen kwe, it inaguda inogowa perak, abu iya lombok wonogwe, Oonikiya paga mba'ngge noorak abu nen inanini ambik menggaarak kwe, It inaguda perak, inanini abu iya lombok wonogwe, Eeko menggaarak o. It inaguda paga kwi'na'nuk ineebe apit aago me o nda nen iniyok oone mbogu-mbogu wogwe, Towe nggindooni at nengge menggerak wariyak nduk, nabuk togon wangge menggi kwak, it togop aret wogwe, Eeko menggaarak.

Lukat 17:37

Yorage mbareegi, at oone waganggwi nen, “Ninogoba o. Ti nggeeme eeriyak yagan o?” Yogo mbareegwa, at Yetut nen, “Wam pili agaatak wonage me nogome aret towe enggaanggum nengga ninggiko menggaarak o,” yinuk, yoragagerak.

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,