Matiyut 24:16 - Ala Wone Peenok Peebi Mbanak

^16-18 it o Yureya iname ugun wonogwe nogo nen inamendek tilaabaga kola laganggwi, ineyabu me wonogwe nogo nen inayum iname kola wogwe, eerugwaarik o. Ata, time nen aret kole mbaganit puurom paga kumaa'nari nawak o.

Matiyut 24:16 ပူးပေါင်းရင်းမြစ်များ

Kini Wuppiige 22:3

Aap iniki penenak nen maluk at oba ariyak mbet-mbet yelok kage nagaatik, eebe op logokit nduk, kumaa'nage menggerak kwe, Aap iniki yuundurak kenok perak, ugun eerit nage me, aaninggin oba kwippake menggerak.

Yeremiya 44:29

Aliku ALA ari logonet, It o yime wonogwe iigak aaninggin eeppiyoorak yagarak nogo, abet aret arigin ineenu aruwak nduk, ineenu agak eeppiyoorak nogo yi aret.

Yeremiya 6:1

Aliku ALA nen ari logonet, “It aap Mbeniyamin mendek ti, owunarok mbaganggwi, O Yerutalem teppunuk, mbaganggwi, Eeruwak o. O omarip paga pa'nggwe nen aaninggin inoba ari wage, Maluk mondok iya lombok inoba kwi'narikit nduk wage, Eeke me, O Tekowa paga nen oone nggwok eeka trompet oone pu eekwi, O Mbet-Kerem irimbaga nen kani ka'luk eekwi, Eeruwak o.

Matiyut 2:1

Aap Keroret endagembogut wonage kagak, Yetut o Yureya tini Mbe'lekem aret nda'nagagerak wonage me, it aap wone mbiningga oonegen lagi wage menggim nen o Yerutalem wogo nogogwaarik, kin waganggo logonet,

Matiyut 24:15

Kit liiru mbanak pekkogwe yi, kiniki liippinip o. “At Ala nen yoge kagak yoraga Ndaniyen nogo nen, ari logonet, maluk eerogo puurak mendek ogole warak lombok woraagin o, yinuk, abok yereegerak nogo, Ala ake leenak menggim taati mi'nari wage kinigen kamonggotak ti eyom paga,

Iberani 11:7

Aap Nu kunduk, peebi eeriyak awo kin kaga'lek kagak, Ala nen kurumbi yoge mbareegi, “Yi abet aret eeriyak yo'nege kagi,” yinuk, ayuk wuke logonet, akwe-apuri inom inagap ndaruwak nduk, o yiiro wureegerak. Ala nen at yoreegerak nogo abet mba'nuk, yiiro wureegerak ti paga, “Kit aakumi maluk eekwi onggo niyo paga kinoorigin o,” yinuk, ineenu eeppiyareegerak me, nit abet mbakwi paga at Ala nen, “Aap yi, iniki abe koonak aret o,” yinuk, yo'nirage nogo ndak-ndak, at Nu iniki abet mbareegerak paga, “Aap yi, iniki abe koonak o,” yinuk, yereegerak.