Matiyut 23:4 - Ala Wone Peenok Peebi Mbanak

⁴ It nen aaninggin ambik waganogo aakumi inuum paga piinok, luwi aago nugwi iigak, yeenggwaaroorak mbaka'lek inigen pengge agan mbaganggo menggaarak.

Matiyut 23:4 ပူးပေါင်းရင်းမြစ်များ

Yetaya 46:1

Aakumi Mbaben inagugi Mben nogo tebek ari, Inagugi Nebo nogo ngginnage, Eekaarak o. It kugi ti, inogut ogobakkigirik nogo nggweendo paga kwippunuk, tapi nen wonok nogwe, Tapi ta'liila eerak iigak, inagugi inogut ti, inoba luurogo piigwi iinok, aaninggin kagak wonok nogwe, Eeko agaarik o.

Matiyut 23:23

Kit Ala wone liiru mbanak unde aap Pariti kinom kiniki laakot logonet, eeko monggotak yi, wone a'me mban koonggwi, aakumi inabuwa nen eeppiinet nugwi, kiniki liirogon eekwi, eekwi ti, Ala wone lengganak alom nggwok ti aret kagak, eeka'lek mbo punuk, we liboongga logwe, yibiingga logwe, kiinde logwe, ando we mbuuluk nibinogo Ala ake pogo monggotak nogo mban eeko monggotak me, kinabuwa! Wone alom nggwok nogo eeko logonet, mbuulogwe-mbaalogwe ti inom nabenogo eeriyak me eeko monggotak o.

Matiyut 23:3

it nen, Yogop ee'nu, ndogop ee'nu, yokkirogwe iinok, liippunuk, eeko logorak op aret kwe, it eeka'lek logonet, yokkirogo menggaarak nogo ti, maluk aret me, kit togop eeko logogup o.

Lukat 11:46

Yoge mbareegi, Yetut nen, “Kit aap Ala wone liiru mbanak unde kunduk, aaninggin woorak meek nogo mendek kagak, aakumi inuum paga nggimbunuk, luwi aago nugwi iigak, yeenggwaaroorak mbaka'lek, kinigen pengge agan mbaganggo monggotak me, kinabuwa o!

Nappiigak 15:10

Togop me, nit inom, ninombomini inom, eyo aaninggin tapi inuut paga pogo mengga kwak ninoba luurogo pinaneegwaarak aaninggin abu meek kogo nogogurak wone nogo, kit yogondak nonggop nduk wone ti, it Yetut oone waganggwi inoba luurogo piinok, Ala nonggop eeppinanege kaamun? yinuk, abut mbanuwok nduk yogo ogotik?

Nappiigak 15:28

Aberiniki ninom nen kit eeko logorak mbakoorak nogo ti, aaninggin mendek ambinom kinoba luurogo pinagaga'lek, we, eeriyak mendek kenok mban eeko logorak mbakoorak nogo yi aret o.

Nggalatiya 6:13

It inagabolo mbanak nogo nen wone Muta yoreegerak nogo ndak-ndak eeka'lek logonet kwe, kit mban eeko logobagip nduk, yokkirogwe nogo ti, “Nit ninapuri ambik aga o,” yinuk, wogoppatuwok nduk, yokkirogo menggaarak.

1 Yaya 5:3

At Ala niniki kunik eekwi nogo ti, at nen, “Yogop ee'nu, ndogop ee'nu,” yinuk, wone yo'nirage eekwi nogo ti aret. Ndi, at Ala nen wone, “Yogop ee'nu, ndogop ee'nu,” yo'nirage nogo ti, aaninggin lek aret o.

Wayu 2:24

Ndi, it ando o Tiyatira wonogwe nogo, kwe ti, oone inom, Tile eeke menggerak kote kumaarak yogo menggaarak wone nogo inom, it mugurok naga'lek mbo pereegwaarak me, an nen aaninggin mendek ambi inoba piyoorak mbarulik kwe,