Matiyut 23:34 - Ala Wone Peenok Peebi Mbanak

³⁴ Ti kenok, an nen it aap Ala nen yorage kagak yoraga inom, aap iniki warak mendek inom, aap Ala wone liiru mbanak unde inom, kinowagam nappiya woraminggirak ando eyo karo-karo paga nabenogo inookwi, ando kit tamban eeko monggo'nom time ya'mbiran nggora eerogo inookwi, ando muguret-magaret eerogo mappiigwi, eeginabumunggup o.

Matiyut 23:34 ပူးပေါင်းရင်းမြစ်များ

2 Endagembogut 21:10

Togop eeko mbareegwa, at Aliku ALA nen at oone yorage kagak yoraga ayeloman mini nogo yorage logonet,

2 Mbinineegwaarak 24:21

Wone ti yoragagerak paga, “Waruwok o,” yinuk, iniki ambit eeppunuk, aap endagembogut yogo mbareegwa, “Wariyak aret o,” yorage mbareegi, Aliku ALA awi wurik oore'nggam taati aret yugum paga warogo pereegwaarak.

Kini Wuppiige 11:30

Aakumi iniki abe koonak eekwi onggo ti, eyo ki menggi kwak it mondok ineenik aret wonogwe, It aap Ala apuri aruwak nduk, eeginabit nogwe iinok, iniki warak aret wonogwe, Eeko menggaarak.

Yeremiya 26:8

Aliku ALA nen, “Yoret,” yoreegerak nogo abok aret it aakumi apit aret yorage mbareegi, it aap Ala unde inom, it Ala nen yorage kagak yoraga inom, it aakumi abok aret inom, nen pippunuk, mba yogo logonet, “Kat mondok koorugun aret o!

Yeremiya 36:26

At aap endagembogut nogo nen it yogwi, nogo inoone konembunuk, puk ariyak op kwe, kagak aret, at aput endage warak Yera'meen nogo inom, Atiriyen aput Teraya inom, Aberen aput Telemiya inom, nen aap liiru mbangga Mbaruk kunduk, Ala yoge kagak yoraga Yeremiya kunduk, imbirak piginabi nawak nduk, yoragagerak kwe, Aliku ALA nen it aap ti, ineebe kumaappiyareegerak me, kwaariyoolik aret.

Matiyut 10:23

O kota ambime nen piyak-payak eekkinakwi iinok, kole mbaganit o kota alik ambime namunggup o. Kole mbaganit aap Iterali iname kota-kota ando awo unggwit naga'lek kiigak, an aap aret nda'nagagirak nogo, woraagin aret o, yinuk, abet aret yokkiragi o.

Matiyut 13:52

Yogo mbareegwa, at Yetut nen, “Ti kenok, it Ala wone liiru mbanak unde abok aret at mbogut paga abu'me piyoorak wone nogo waganggwi iinok ti, aap inowe ambi nen awuri yabu eeko logowak nduk, amendek iniki kunik ngget mendek inom, maan mendek inom, pege menggim nen waganogo wumbege menggerak nogo pogom aret o,” yinuk, yoragagerak.

Matiyut 23:31

yogwe nogo paga, it Ala yorage kagak yoraga inooreegwaarak inombowologwe nogo, Nit aret ogoorik o, yinuk, paganggo monggotak me, kinabuwa o.

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Yaya 16:2

It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Yaya 20:21

Inale'nggen ambik mbakwi iigak, Yetut nen ambinom yorage logonet, “Noreewi o. Kiniki kwippinip o. An nogoba nappani wagagerak nogo kwak, an nen kit nappinagage agarik o.”

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 11:27

Time mamunirogwe iigak, it Ala nen yorage kagak yoraga mendek ando o Yerutalem nen o Andiyokiya lagi nogogwaarak.

Nappiigak 12:2

“At Yaya owe Yakobut nogo, tege wooluwak paga wa'nip o,” yinuk, yoragagerak wako mbareegwa, kambeegerak.

Nappiigak 13:1

O Andiyokiya time it Ala apuri kuwak eekugak inenggela'me it ando nen Ala wone yorogwe, ando nen wone mamunirogwe, eeko nogogwaarak inendage ti, Mbaranabat inom, Timeyon endage ambi toonak Niget inom, aap awi Kirene mendek Lukiyut inom, inowe endagembogut Keroret ogoba nen at imbirak tawe eeginabeegerak endage Menakem inom, Tawulut inom, it nogo nen aret eeko nogogwaarak.

Nappiigak 14:19

Teppogo mbareegwa, it aap Yakuri mendek o Andiyokiya inom, o Ikoniyum inom, nen wogo nogogwaarik, it inom aruwok nduk, aakumi inikime manabi nogo mbareegwa, it aakumi nogo nen Pawulut yugum toguurit wappogo nogogwaarik, “Abu kanggi o,” yinuk, niigogo o kota endekem nggwe mbo wumbereegwaarak.

Nappiigak 15:32

It Yurat Tilat imbirak Ala nen yorage kagak yoraga mendek me, it inoreewi Ala apuri time nogo yi wone ndi wone ambik yorogo logonet, iniki eyak wappiigwi, iniki kole eeginakwi, eereegwaarak.

Nappiigak 5:40

Yorage mbareegi, it wone amburu mbangga nen, “Abet aret yigi,” yinuk, it nappiigak nogo, wiirogogwaarak wogo mbareegwa, yorogo logonet, “Yetut endage aakumi yoranet noorak mondok mage o,” yinuk, yawi inoorogo wumbiyareegwaarak.

1 Korindut 2:6

It aap iniki kole kenok perak, wone nit nineenu nogo yorogo monggoorak aret kwe, wone nit nineenu logonet, yorogwe nogo ti, nggween paga wone nogo mendek lek o. Ndi, it aap inayuk warak nggween paga yime menggaarak yogondak lek arit nogwe nogo, wone ineenu logonet, yorogwe nogo mendek lek mban.

1 Korindut 3:10

Ndi, an eerit nage logokit nduk, Ala iniki kunik nen unde eeppaneegerak nogo ndak-ndak eerit nage logonet, aap eenggi paalo aago o wuke menggi kwak, an o eyak liirogon wuppit nagagirak nogo paga, it aap alik nen eebe aret wukwi me, it inalitak eebe wukwi nogo nen ugun-ugun wukwi iyo, an eyak wuppereegirak nogo paga mban iniki liippunuk, eebe aret wuko logowak o.

Kolote 1:28

Togop me, noreewi o. Kit ninapuri abok aret Keritut kinom kunik logonet, kiniki muk kole agaarak kenok, “Ala owagam wokkiren pinagi nawok,” mba'nuk, Keritut eeke nagagerak wone yokkirogo logonet, kinaruk wakwi, niniki abu kwippunuk, eekkinake mugurok mamunggirogwe, eerit nogo ogoorik o.

1 Tetalonika 2:16

It aakumi endekem mendek Ala nen inagap ndariyak wone, “Kit yorogo logorak lek o,” yinuk, non mbambinanogo menggaarak me, it maluk ambi nabek mban eerit wogoga, wogoga, “Ti kuli ari nawak,” koonak nogo paga ari nage kenok Ala anini inoba piige menggerak nogo ndak-ndak, yogondak anini mondok it inoba piige agaarik o.

Iberani 11:37

it ando yugum paga iniki togu eerogo inookwi, ando nggege paga inobate mbanogo piigwi, ando tege wooluwak paga inookwi, ando inayum abu lek kenok, ndomba-kambin inagabolo mbelanogo inayum yirippunuk, mbi abu nugwi iigak, “Aap maluk me,” nduk, inogole yogo logonet, maluk eerogo piigwi, eeko nogogwaarak.

Wayu 11:10

Ndi, it aakumi nggween paga wonogwe nogo abok nen, It aap Ala wone yaga mbere yi nen inoone yogo nagaarak paga nit andi-pandi mondok alik negen eeppinanit nugu nagaarak me, Kayik a! Op kangga o, yinuk, inale'nggen mbako logonet laago lakwi, inamendek tumbut-tumbut eekkologwe, eerugun o,” yinuk, yo'nege kagarak.