Matiyut 23:3 - Ala Wone Peenok Peebi Mbanak

³ it nen, Yogop ee'nu, ndogop ee'nu, yokkirogwe iinok, liippunuk, eeko logorak op aret kwe, it eeka'lek logonet, yokkirogo menggaarak nogo ti, maluk aret me, kit togop eeko logogup o.

Matiyut 23:3 ပူးပေါင်းရင်းမြစ်များ

2 Mbinineegwaarak 30:12

Ndi, at endagembogut inom, at inom eeko menggaarak inom, nen, “Aliku ALA togop yegerak o,” yinuk, wone lengganogo yoragagerak nogo, ndak-ndak eeko logowak nduk, at Ala nen it o Yekura wonogwe nogo iniki ambit eerogo piyareegerak.

Wundeegwaarak 18:23

At Ala nen, Yogop eeru o, yokkege kagak, inowak looninake me, yabu nogo aaninggin lek teeluk aret eeke keenok, iniki ale'nggen mbakak iname aret nogo logogun o,” yinuk, yoreegerak.

Matiyut 21:30

Ti'nuk, ogoba nogo nen awot ambo'me mendek nogo owagam nage nagagerik, togop aret yoge mbareegi, at nen, Neebi o, yoreegerak kwe, ti'nuk, iniki yunggu yinuk, eeri nagagerak.

Matiyut 23:2

“It Ala wone liiru mbanak unde inom, aap Pariti mendek inom, nen, Muta yorage nagagerak obaane'me nit aret yorogo logowok o, yinuk, yogwe me,

Matiyut 23:4

It nen aaninggin ambik waganogo aakumi inuum paga piinok, luwi aago nugwi iigak, yeenggwaaroorak mbaka'lek inigen pengge agan mbaganggo menggaarak.

Nappiigak 5:29

Yorage mbareegi, at Peterut inom, it nappiigak ando nogo inom, nen wone onggo yorogo logonet, “Ninogobamini o. Aakumi nen yo'nirogwe ti, nit koneniyak lek o. Ala nen yo'nirage kenok mban koneniyak o.

Oroma 13:1

It yi aap ndi aap wone lengganogo yorogo menggaarak nogo ti, Ala nen koonogo mippiige lek kenok, mi'ndak wonogolik me, it pemerintah kinarum wonogwe nogo ti, Ala nen aret koonogo mippiyareegerak me, wone lengganogo yokkirogwe iinok, kit abok aret liirogon konenggo logonip o.

Pelaareegerak 4:5

Kit o peebi nggween unde a'nuk, logowam time unggwi nogo logomonggotik, wonogo logonet, mugurok nogo logomunggup nduk, wone lengganak inom, eeko logorak wone yugu inom, at Aliku nogoba Ala nen wone lengganogo an yo'nereegerak nogo ndak-ndak aret mamunggirage nagagirak nogo abeko logonip o.

Pelaareegerak 5:27

Lek aret me, kat Muta mban at Aliku ninogoba Ala oone ari abok aret konengge logomenggendik, yokkege nogo nit yo'nirage kenok, nit konenggwi, eebe aret eekwi, eerugun me, kat kalik aret at owagam nage logot o, yinuk, an yo'nereegutak nogo o.

2 Timotiyut 3:5

Ndi, ti eerit nugu logonet, Ala wone abet mba'nuk mugurok nogwe inetenggen negen eekkolamenggaarak kwe, iniki perak, “Ala nen obeelom eeppinaniyak nineebi,” mba'nuk, eerit nogo logogun o. It aap ti eekwi iinok, inogole nen mbagangge logonu o.

Titut 1:16

It aap ti nen yogo logonet, “Ala nineenu o,” yogo menggaarak kwe, it eerit nugwi paga nen perak, “Ala nineebi,” mbako logonet, yogwe yelok iigo monggoorak. Ala wone konengga'lek taganogo pit nogo logonet, obeelom ambi eekulik maluk mban eekwi me, inogole warak aret iigo monggoorak o.