Matiyut 23:26 - Ala Wone Peenok Peebi Mbanak

²⁶ Kit aap Pariti kinigen mbuk yi, kinagiiwak akenggwe aa'nduk kookkologwe kiinok, endekem inom koorak aret kaamunggup o.

Matiyut 23:26 ပူးပေါင်းရင်းမြစ်များ

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yeremiya 13:27

At mbabilu eekko'net nage, Iniki aganggen nen, Ee'nabinip o, agan nage, Enggali mbaka'lek, Ee'nabinip, mban aap ugun-ugun yoranet nage, Eyoongga ku'mbanak me inom, yabu nggulaame inom, ogole warak lombok eerit nage nogo abok aret kagaarak me, At Yerutalem ti, abuwa o! Yiluk-maluk eerak kagak, ne mande logogin o?” yinuk, Aliku ALA nen yegerak me, yokkigi o.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yetikiyen 18:31

It Iterali mendek ti, nonggop nduk kambuwok, mbako agaarik? Noone yugu taganogo punuk maluk eerit nugwi nogo mbo punuk, iniki inom, inobaabut inom, alik ngget mendek eerogo pako logowak o.

Matiyut 12:33

Yetut nen wone ambinom yorage logonet, “Eyo anggen obeelom yugu kogwe kenok ti, Ero obeelom paga aret yegerak, mbakwi, ndi, eyo anggen maluk yugu kogwe kenok ti, Ero maluk paga aret yegerak, mbakwi, eeko logonip o. Eyo ti, anggen yi'nage nogo paga kineenu arumunggup o.

Matiyut 14:8

Yoge mbareegi, agalo nen wone aagaluk inikime muk pereegerak me, kolaga nogo nen, “Aap Yiime Wuppiiga Yaya anobak tenggap paga ndoonogo wo'niri mok o.”

Lukat 11:39

Mbake mbareegi, at ninogoba Yetut nogo nen, “Kit Pariti mendek nen aakumi inamendek yumbu-lambu agago kologwe inom, yi maluk ndi maluk eekwi inom, kinikime apit yagabit aago kagak, kinagiiwak-kinarenggap agabolo endekem mban kooko monggotak.

Lukat 6:45

Aap abe mendek inikime yugu abe mendek nogo paga obeelom mban eeke menggerak. Ndi, aap maluk mendek inikime yugu maluk mendek nogo paga maluk mban eeke menggerak. Inikime uum kilu-kilu wungge logonet, ambe paga nen ari menggerak o,” yoragagerak.

2 Korindut 7:1

Togop me, noreewi o. Kit an niniki kunik me, Ala nen wone yereegerak ti, nit niinok aret yo'niragagerak me, ninikime nen maluk eeriyak koonggwi, eebe aret eekwi, eeko monggoorak nogo abok aret mbo punuk, Ala ninagabiti mbako logonet, maluk eeka'lek at ake leenak obeelom mban eekwi niyaawak nduk, eeko logowok o.

Iberani 10:22

niyo abe mili-mili paga ninabin koorogo pinanege, ndi, maluk eeko nogogurak ninikime aberak logokwak, lek eerogo pinanikit nduk, at amiya paga werenogo pinanege, eereegerak me, “Abet aret panggo yi ungguurak, yegerak,” mba'nuk, niniki mondok abe paga at owagam panggo yi ungguwok o.

Yakobut 4:8

Kit Ala owagam nogwe kiinok, at kunduk, kit kinowagam ari wage logogin o. Kit maluk eeko monggotak yi, kineenggi kookwi, ndi, kiniki mbere yi, ambit eeppunuk kinomaluk mbo pugwi, eeko logonip o.