Matiyut 23:16 - Ala Wone Peenok Peebi Mbanak

¹⁶ Kinigen mbuk logonet, aakumi tu nigiigo monggotak yi, kit nen yogo logonet, Ninoone abet mbaruwak nduk, Ala awi wurik endage kunogo aakumi yorogwe niinok ti, we aret agan nugwi kwe, mbuti emas Ala awi wurik me nabenak wonage nogo endage kunogo aakumi yorogwe niinok ti perak, ninoone yogwe nogo mondok-mondok eeko logorak nduk, yogwe me, ti iya o, yinuk, yogo monggotak me, kinabuwa o!

Matiyut 23:16 ပူးပေါင်းရင်းမြစ်များ

Yetaya 9:16

It aap, “Yogop-ndogop,” mamuninaka ti nen aakumi yi, tu kobak eerogo piigwi, It mamuninakwi ti kunduk, tu kobak aret ogwe, Eeko agaarik o.

Matiyut 15:14

It aap inigen mbuk mban-mban ineenggi pit-pit aago nogwe iinok ti, it imbirak aret yigeebu wambugun me, inigen mbuk logonet, tu niigiigwi iinok ti, inobaalombok me, teppiyaanip o.”

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Matiyut 23:17

Kiniki lek kinigen mbuk yi, kit nen mbuti emas iya ilik, mbuti emas Ala awi wurik me pi unggwogwe paga Ala ake leennage menggerak me, awi wurik ti, iya a?

Matiyut 23:19

Kinigen mbuk yi, Ala ake pugu ti, iya ilik, Ala ake pugu nogo kani kunggo menggam kani kuni wage paga Ala ake leennage menggerak me, kani kunggo menggam ti, iya a?

Matiyut 23:24

Kit kinigen mbuk logonet, aakumi tu nigiigo monggotak yi, niyo nonggo logonet, laami mbuulogwe kinambe me unggwage kenok, kilirogo mbo nappogo monggotak kwe, tapi niyowa'na yonggolak kagak niyo nunggwi kenok, luk togon kinikime wangge menggerak kiigi o.

Matiyut 23:26

Kit aap Pariti kinigen mbuk yi, kinagiiwak akenggwe aa'nduk kookkologwe kiinok, endekem inom koorak aret kaamunggup o.

Nggalatiya 5:3

Kit kinagabolo mbaniyak mbakwi kenok, wone, “Yogop ee'nu, ndogop ee'nu,” yugu liiru mbanak nogo, ambiriluk ambi eeriyak lek ti lek mondok tigitogon eeko logorak ariyak me, mbo pubagip nduk, muk yokkiragagirak me, ne ambinom yokkiragi o, noreewi.

Yakobut 5:12

Togop me, nowe-nawot o. Ala endage we lek me ugun yuurak mage o. Mbogut endage inom, nggween endage inom, yi mendek ndi mendek endage abok aret kumbunuk, “Yokkiragi o,” yinuk, yoroorak mage o. Kit maluk yogwe paga Ala nen aaninggin kinoba pinagage kero, “E o,” mbakwi kiinok, “E o,” aret yuurak. Ndi, “Lek o,” mbakwi kiinok, “Lek aret o,” yuurak. Wone iya lombok nogo ti aret yokkiragi o.