Matiyut 22:5 - Ala Wone Peenok Peebi Mbanak

⁵ Yonggo nappiyareegerak yora nogo mbareegwa, it aap nogo nen liikot-laakot yogo logonet, it ando yabu eeri nogwe, it ando yi mendek ndi mendek onggo kero, awone warit nugwi, eereegwaarak.

Matiyut 22:5 ပူးပေါင်းရင်းမြစ်များ

Wakkagagerak 19:14

Yogo mbareegwa, at Lot nogo yonggo at apuri komologwe mbere koloorak nduk eekwi at arumini nogo, yora nage nagagerik, “O yime Ala nen mondok pup eerogo pigin me, mbo punuk mbet mbaganinip o,” yinuk, yoragagerak kwe, it iniki nen, “Lot ti, pilit agan nege agaarik,” mba'nuk, mbaganulik puk ogogwaarak.

Wakkagagerak 25:34

“E o,” ari mbareegi, at Yakup nen oroti worareegerak inom, kela anggen lareegerak nogo inom, waganogo Etawu wogoreegerak. Wogoge mbareegi, at Etawu nogo mbi nengge, niyo nengge, eeke nagagerik, nagagerak. Ndi, at Etawu nen manggu ndarak kenok wone at kiliririyak nogo kwe, “Yi iya lek o,” mba'nuk, awuluk wogoreegerak wone nogo ti aret.

Kini Wuppiige 1:7

It aap iniki warak mamunggolaawok nduk eekwi ti, Aliku ALA inagabiti mbakwi ti aret kwe, Aap iniki lek wi nen perak, iniki warak ogwe, inaruk wakwi, eekwi ti, miyuk-meya eerogo pogo menggaarak o.

Matiyut 13:22

Ndi, iri'ngga alok-palok me wambit nagagerak nogo ti, it wone inaruk konenggwi kwe, nggween paga mendek mban iniki aberit nugwi, inamendek lek ariyak kagak, inikilom mbarit nugwi, eekwi nogo paga nen Ala wone waganeegwaarak nogo mbanogo wuppugwi me, anggen abe yegeelik nogo aret o.

Matiyut 22:4

Puk ogo mbareegwa, at aap nogo nen, Nerapi inom, nerapi-lembu amok warak lombok inom, warogo lake nagarik, noorak nduk yi mendek ndi mendek abu pipuk eerogo pigirak me, ninom noorak yoragarak nogo, mbet-mbet woraawak nduk, yora nanip o, yinuk, ayeloman mini alik ambi yonggo nappiyareegerak.

Matiyut 22:6

Ndi, it ando nen perak, at ayeloman mini yonggo nappiyareegerak nogo, ineebe pigogo inenggali wappiinok, inooreegwaarak.

Yaya 2:16

Eeke nagagerik, it towe puume onggo mbanggwi nogo yorage logonet, “Towe yi apit aret wogoret nanip o. Kit an nogoba awi wurik me yime, yi mendek ndi mendek kunggo menggam negen eerogo pogotak me, neebi a,” yinuk, yoragagerak.

Nappiigak 2:13

it ando nen, “Lek o. It anggur amburu nonggo nagaarik, kumili-kumili negen agan nugwi, ha!” yinuk, inagi'ndok kambeegwaarak.

Nappiigak 24:25

Ndi, at Pawulut nen obeelom eeko logorak wone inom, iniki nen eeriyak eeginake kwe, tebenogo puurak wone inom, peebi nen owak looninaburak wone nogo inom, yorage mbareegi, at Pelikit nogo agabiti age nagagerik, “Abu yogoorak me, nak o. Ne ambi paga yuurak nanonggwan age kenok, woraanok nduk kayonggo pege neyaamunggun o,” yinuk, yoreegerak.

Oroma 2:4

At Ala nen onggo mbet-mbet maluk eeppinagaga'lek kinabuwa nen iniki yanggoppunuk, puk aret wonage me, “At oone ti meek aret,” mbako ogotik? Kit maluk eekwi kiniki koombunuk, mbo pubagip nduk, kinabuwa nen tokkiige yi, kaga'lek me, yogo ogotik?

Oroma 8:6

It aakumi iniki maan mendek nen eeriyak aganake kenok mban eerit nugwi nogo, Ala inom ogoorak aret me, iniki maan mendek nen yorage nogo mban eekwi iinok, kambugun aret kwe, Aberiniki nen yorage kenok mban eerit nugwi iinok perak, ineenik mondok mendek kologwe, ndi, Ala inom kunik me, iniki tayenak ale'nggen aret kogwe, eeko logogun o. Iniki maan mendek nen, “Eeriyak,” yorage nogo nen Ala wone yugu, “Eeruwok o,” yinuk, Ala abu'me tebe yaga'lek me, wone yugu nogo eeriyak meek o.

2 Timotiyut 3:4

aakumi inambokan laganggwi, iniki koongga'lek ugun eerit nugwi, “An mban iya,” mbarit nugwi, Ala inikilom mbaka'lek iniki nengge kenok mugurok noorak mban inikilom mbakwi, ti mendek mban eerit nogo logogun o.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.