Matiyut 22:4 - Ala Wone Peenok Peebi Mbanak

⁴ Puk ogo mbareegwa, at aap nogo nen, Nerapi inom, nerapi-lembu amok warak lombok inom, warogo lake nagarik, noorak nduk yi mendek ndi mendek abu pipuk eerogo pigirak me, ninom noorak yoragarak nogo, mbet-mbet woraawak nduk, yora nanip o, yinuk, ayeloman mini alik ambi yonggo nappiyareegerak.

Matiyut 22:4 ပူးပေါင်းရင်းမြစ်များ

Nekemiya 9:17

Koneniyak nineebi o, yinuk, it inenggela'me iya tit eeke nagagindak nogo mari eerogo mbo pugwi, ndi, inanobak yugum pogom a'nuk, Ala nen yo'nirage logorak nineebi o, yinuk, O Metit niniyokan nanuk, aakumi inayeloman ari noorak wo'niren nawak nduk, aap ambi mippuwok o, yinuk, yogwe, eereegwaarak kwe, kat Ala nen, Inomaluk nogo mbo nappikit lak, ao, mbake, kiniki yanggorogon teppiige, inabuwa mbake, kaan aganggenggwi lek yungguppunuk eeppiige, kat kiniki kunik aganake nogo, nggaruk yaga'lek kunik aret wonage, eeke menggendak me, it mbo piyoolik o.

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Kini Wuppiige 15:17

It aap niniki-kiniki kunik logonet, mbi-mbiingga mban nunggo logorak ti obeelom aret kwe, Neebi-keebi yogo logonet, inaanggo amok warak wappunuk larogo nugwi ti perak, maluk aret o.

Ndawi Iya 5:1

Niriluk o. Noreeluk o. An neyabu me unggwi nage, Namendek obari abe kaga kuwak eeke logonet, nggami inom kuwak eerogo pege, Nanggiin ta'mbanak inom, nanggiin amburu inom, nengge, Nanggur amburu inom, nayilak amburu inom, nengge, Eekirak o. Togop me, niniri-ninore yi wae. Mbi nunggwi, anggur amburu nunggwi, ee'nip o. Amburu ndonggorogon nenok, inale'nggen aganake menggi kwak, niniki-kiniki kunik logonet, kinoba ndonggo yuwak nduk eerit nogo logonip o.

Matiyut 21:36

Eeginako mbareegwa, aa'nduk at awuri mbereeret nappiya wagagerak kwe, ti'nuk, apit togon nappiya wagagerak nogo wogo mbareegwa, it kunduk, togop aret eeginabeegwaarak.

Matiyut 22:5

Yonggo nappiyareegerak yora nogo mbareegwa, it aap nogo nen liikot-laakot yogo logonet, it ando yabu eeri nogwe, it ando yi mendek ndi mendek onggo kero, awone warit nugwi, eereegwaarak.

Matiyut 22:8

Eekwi iigak, at aap nogo nen ayeloman mini yorage logonet, Naput akwe kolage me, laago abu larogo pigirak kwe, it inayonggo pigirak nogo, Nineebi, mbakaarak paga it na woroorak mondok lek aret mbakirak me,

Lukat 14:17

Inayonggo pege nagagerik, lappunuk, ayeloman ambi yoge logonet, Laago larak yi, abu pelaariyak eeke me, noorak aap inayonggo pigirak nogo woraawak nduk, yoranet nak o, yinuk, nappereegerak.

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 13:46

Miyuk-meya eerogo pugwi iigak, it Pawulut Mbaranabat inagabiti lek yorogo logonet, “Ala wone kit aa'nduk yokkiroorak agaarak kwe, Nit nineenik logorak wone ti, woorak ndak lek o, yinuk, nineebi, yogotak me, kit lambembinaganuk, it endekem mendek nogo aret yora nogo ogoorik o.

Oroma 8:32

At Ala aput ambolom aret kwe, ili yuulik nit abok ninake waruwak nduk wuppi wagagerak nogo nen aput wo'niragagerak nogo ndak-ndak, yi mendek ndi mendek ngginu-ngginu eerogo wo'niraagin lek nduk yogo ogotik?