Matiyut 22:37 - Ala Wone Peenok Peebi Mbanak

³⁷ Yoge mbareegi, Yetut nen, “Kiniki paga inom, kineebe paga inom, koonggwi alom paga inom, abok aret kinogoba Ala mban kiniki kunik eeko logonip o.

Matiyut 22:37 ပူးပေါင်းရင်းမြစ်များ

Matiyut 22:36

“Ngguru wae. At Ala nen, Yogop ee'nu, ndogop ee'nu, yereegerak Muta liiru mbaneegerak nogo, wone alom ambi iya lombok ti, ngge kagandak o?”

Matiyut 22:38

Wone iyagalo iya lombok ti aret,

Marakut 12:33

Ndi, nit niniki inom, nineebe inom, ninomaawi inom, abok aret ninogoba Ala mban niniki kunik logorak. Ndi, nit nineebe niniki kunik eekkologo monggo kwak, ninom wonogwe nogo togop aret niniki kunik aganako logorak ti, nggwok aret o. Ndi, Ala ake warogo apit kani nawak nduk kumbugwi, Ala ake pugwi, eekwi ti, abok mbuuluk me, abet aret yagan o, nogoba.”

Lukat 10:27

Yoge mbareegi, aap nogo nen, “Kiniki inom, kineebe inom, kinomaawi inom, abok aret kinogoba Ala mban kiniki kunik eeko logonip o,” ndi, ambi, “It ineebe iniki kunik eekkologo menggaarak ti kwak, it aakumi inom menggaarak ti, togop aret iniki kunik aganako logowak o,” yinuk, yoreegerak.

Pelaareegerak 10:12

Yorage nagagerik, ambi yorage logonet, “Togop aret me, kit nowe-nawot Iterali mendek yi wae. At Aliku kinogoba Ala nen kit eeko logorak kinombake nogo ti, at Aliku kinogoba Ala kinagabiti ombako logonet, Eeriyak, kinombake nogo mugurok nogwe, at kiniki kunik eekwi, kiniki inom, kineebe inom, abok aret at Aliku kinogoba Ala mban wogo'nuk, ake eekwi,

Pelaareegerak 30:6

Eerogo pinagage kenok, kit kineenik wonogo logonet, kiniki kineebe abok aret at Aliku kinogoba Ala kiniki kunik logomunggup nduk, at Aliku ALA nen kit inom, kinapuri-kinombowologwe inom, aakumi inagabolo mbanggo mengga kwak kiniki omaawi wonage nogo lek eerogo mbo pege,

Pelaareegerak 6:4

Kit nowe-nawot aakumi Iterali mendek yi wae! Kinaruk liirogon konenggo logonip o. At Aliku ti, ambit aret o. Ndi, at Aliku nogo ti, ninogoba Ala aret.

Pelaareegerak 6:5

Togop aret me, kiniki inom, kineebe inom, kinomaawi inom, abok aret at Aliku kinogoba Ala mban kiniki kunik eeko logonip o.

1 Yaya 4:21

At Ala nen ari logonet, “Kit an kiniki kunik ee'nakwi kiinok, kinoreewi kunduk inabuwa mbako logonet, kiniki kunik aganako logonip o,” yinuk, wone lengganogo yo'niragagerak nogo ti aret.