Matiyut 22:24 - Ala Wone Peenok Peebi Mbanak

²⁴ “Ngguru wae. At Muta nen, Aap ambi akwe woppunuk, apuluk ndaka'lek kagak kangge kenok, owe obaane'me apuri ndagaruwak nduk, awot nen at owe nanu nogo aret kolaawak o, yinuk, yo'niragagerak.

Matiyut 22:24 ပူးပေါင်းရင်းမြစ်များ

Wakkagagerak 38:11

Wake mbareegi, at Yekura nen, “An napuri imbirak inookerak kokwak, naput peebi ndarak Tiyela yi, togop aret warukwak,” mbake nagagerik, ayinggelo Tamat nogo yoge logonet, “Kwe yi wae. An naput Tiyela tawe age tokkage logonet, we togwe aret kagalo-kogoba wonogwe me kinom a nak o.” Yoge mbareegi, at Tamat nogo agalo-ogoba wonogwe me iya nagagerak.

Wakkagagerak 38:8

Kangge mbareegi, at Yekura nen at Et awuluk Onan nogo yoge logonet, “Kat koweeluk Et nogo obaane'me pugu lek aret kanggerak me, endage ki logowak nduk, koweeluk togwe pegerak kwe Tamat ti, kolage logomenggendik, kimbirak nogo yu o.”

Matiyut 22:16

Wone mbanggo nogogwaarik, it inoone waganggwi ando inom, it Keroriyan mendek inom, Yetut owagam nappiya wogogwaarak wogo nogogwaarik, Yetut yogo logonet, “Ngguru wae. Kat nen, Aap ambi iya, ndi, ambi meek, mbake logonet, ninete liippinaninuk yo'nirageelik, nit eekwi paga Ala ari menggerak wone mondok pagak togon yo'nirage menggendak nineenu me,

Matiyut 22:25

Togop me, niname yime aap ambi apuri ineebe 7 ndarak me, at manggu ndarak nogo nen kwe wagangge nagagerik, apuluk ndaka'lek kagak kangge mbareegi, awot at ambo'me mendek nen waganeegerak.

Matiyut 22:36

“Ngguru wae. At Ala nen, Yogop ee'nu, ndogop ee'nu, yereegerak Muta liiru mbaneegerak nogo, wone alom ambi iya lombok ti, ngge kagandak o?”

Matiyut 7:21

Yorage nagagerik, wone ambinom yorage logonet, “It aakumi inoone paga nen mban, Ai, ninogoba. Ai, ninogoba. Yo'nogo menggaarak nogo abok tigitogon at mbogut paga mendek abu'me piyaagin mondok lek o. An nogoba mbogut paga mendek iniki mbake nogo ndak-ndak eeko menggaarak kenok mban at abu'me piyaagin o.

Marakut 12:19

“Ngguru wae. At Muta nen, Aap ambi kwe woppunuk apuluk ndaka'lek kagak kangge kenok, owe obaane'me apuri ndagaruwak nduk, awot nen at owe nanu nogo aret kolaawak o, yinuk, liiru mbaneegerak me, nit wone ambi kin wakkeyawi o.

Lukat 20:28

at kin wokkogo logonet, “Ngguru wae. At Muta nen, Aap ambi kwe woppunuk, apuluk ndaka'lek kagak kangge kenok, owe obaane'me apuri ndagaruwak nduk, awot nen at owe nanu nogo kolaawak o, yinuk, liiru mbanniragagerak me,

Lukat 20:33

It aap ineebe 7 nogo nen kwe nogo waganggwi-kanggwi eeko nogogwaarak me, peebi aakumi kanggwi ineenik agago mippiyoorak eyom nogo paga kwe ti, aap ta akwe arigin mbaken o?” yinuk, yoreegwaarak.

Lukat 6:46

Yorage nagagerik, ambinom yorage logonet, “Kit an yokkirage minggirak nogo eeka'lek logonet, nonggop nduk, Ai, nogoba! Ai, nogoba! mban yo'nogo ogotik?

Urut 1:11

Yoreegwaarak kwe, Nawomi nen it yorage logonet, “Neenggelomini o. Nonggop nduk ninom noorak yo'nogo ogotik? Kit kinogonggelomini kolaamunggup nduk, naagalogwe peebi ambi ndariyak nomba'nuk, yogo ogotik?

Urut 3:13

Togop me, oonikiya yogondak yi paga yime logot o. Ndi, ko'lu kuubondendok at nen, An nen aret onggo pikit o, ari kenok, at nen puurak op aret me, kineebe-kinanggween onggo puwak o. Ndi, at nen, An puurak neebi, ari kenok perak, An nen aret pikit o, yinuk, Aliku ALA eenik menggerak endage paga yokkege me, o awo wigangga'lek me, nogo ambinom yu o.”

Urut 4:5

Yoge mbareegi, at Mbowat nen ari logonet, “Kwe Nawomi nggween kungge nogo ti, kwe Mowap mendek Urut ogonggelo kambeegerak nogo anggween aret kungge me, ogonggelo kambeegerak endage ki logowak nduk, anggween kunggolage logonet, akwe ti inom onggo puurak ariyak me, nonggop eerumunggun o?”