Matiyut 22:18 - Ala Wone Peenok Peebi Mbanak

¹⁸ Yogo mbareegwa, at Yetut nen it wone maluk lombok koonggwi yelok iige nagagerik, yorage, “Kit kiniki laakot logonet, yogo monggotak yi, nonggop nduk, At yemenggerak paga yilinogo puwok, mba'nuk, yo'nogo ogotik?

Matiyut 22:18 ပူးပေါင်းရင်းမြစ်များ

Matiyut 12:15

At Yetut nogo nen it wone mbanggwi yelok iige nagagerik, o time teppunuk, nage mbareegi, aakumi ambik inom nogogwaarak me, it kugi andi abok aret obeelom eeginake nagagerik, yorage logonet,

Matiyut 19:3

Obeelom eeginake me, it aap Pariti mendek ando nogo nogogwaarik, Yetut abut mbanuwok nduk, at yogo logonet, “Alom ndogop eekwi iinok, aap nen inakuwi mbo piyoorak op o, yinuk, wone yugu Muta liiru mbaneegerak ambi wonage a, lek a?”

Matiyut 22:17

aap o unde endagembogut Kayitat ake wu puurak op a, mage a? Kat kiniki nonggop mbaken?”

Matiyut 22:19

It o unde inake wu puurak mendek nenegen kaakit nduk, titi'ninip o.” Yorage mbareegi, wu nogo wogori wogo mbareegwa,

Marakut 12:5

ambokan ambi nappi wagagerak. Nappi wagagerak wage mbareegi, mondok wako mbareegwa, ti'nuk, aap apit aret nappiya wagagerak me, ando we yawi inookwi, ando mondok inookwi, eereegwaarak.

Marakut 2:8

It iniki togop mbakwi at Yetut nen yelok iige nagagerik, it yorage logonet, “Kit nonggop nduk kiniki togop mbako ogotik?

Lukat 10:25

Ti'nuk, peebi ne ambi paga aap Ala wone liiru mbanak unde ambi Yetut abut mbanikit nduk, wage nagagerik, yoge logonet, “Ngguru wae. An mondok-mondok neenik logokit nduk, nonggop eeri o?”

Lukat 20:23

Yogo mbareegwa, at Yetut nen it at ambokan laganggwi yelok iige nagagerik, yorage logonet,

Lukat 5:22

Mbakwi nogo Yetut yelok iige nagagerik, yorage logonet, “Kit nonggop nduk kiniki togop mbako ogotik?

Lukat 9:47

It iniki mbako logonet, wone wakwi nogo at Yetut yelok iige nagagerik, wulaga mbuuluk ambi waganogo eraaninu mippunuk,

Yaya 2:25

It aakumi iniki mbakwi nogo ti, Yetut eenu menggerak me, aap ambit nen at ambi eeke abok paganogo at yoriyak mondok lek aret o.

Yaya 8:6

Wone ti yoreegwaarak nogo ti, Yetut wone ambi yemenggerak paga yilumbunuk enggali wappuwok nduk, yoreegwaarak.) Yogo mbareegwa, at Yetut wone onggo yoraga'lek we ena wu'nage logonet, eenggi paga nen nggween paga liiru mbaneegerak.

Nappiigak 5:9

Yoge mbareegi, Peterut nen at yoge logonet, “Kogonggelo kimbirak wone ambit mbambogo nogotik, nonggop nduk ninogoba Aberiniki ambokan laganggotak? Kimbirak Aberiniki ambokan laganggotak me, it aap kat kogonggelo nggween taambi nagaarak nogo nen yogondak kat kunduk wokkeren noorak nduk, tungga'nggi paga unggwi wogwe yi iyet o.”

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.