Matiyut 21:4 - Ala Wone Peenok Peebi Mbanak

^4-5 Ti eerogo nappiyareegerak nogo ti, at Ala nen yoge kagak yoraga nogo nen ari logonet, “Kinowe endagembogut keledai amborowak paga kwi'ndak kinowagam wage o. At iniki yanggonak logonet, yokkirage menggerak nogo, Keledai aagaluk amborowak paga kwi'na'nuk, wage ti kaanip o, yinuk, O Tiyon aagalogwe nogo yoraanip o,” yinuk, yoragagerak nogo a'me lik yuwak nduk, eerogo nappiyareegerak.

Matiyut 21:4 ပူးပေါင်းရင်းမြစ်များ

Takariya 9:9

O Tiyon aagalogwe kit yi wae. Kinale'nggen nen lubuk yogwe. O Yerutalem aagalogwe kit yi wae. Kinale'nggen nen kina'mit piyanggogwe, Eeko logonip o. A'me nggelok eeppinagit nage, kinagap ndake, Iniki yanggonak logonet yokkirage, Eeke menggerak kinowe endagembogut nogo keledai awo ndarak amborowak paga kwi'ndak kiya wage ti, kinigen kaanip o.

Matiyut 1:22

Ti yoge kagagerak nogo ti, aap Ala yoge kagak yoraga nen yorage logonet, “At kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret yogo logogun o,” yinuk, yoragagerak nogo, a'me lik yuwak nduk, yoge kagagerak. Endage Imanuwen nogo ti, nit ninoone paga, “Ala Ninom Wonage o,” yogo monggoorak.

Matiyut 21:3

Ndi, aap ambi nen, Kit nonggop nduk eeko ogotik? yokkirage kenok, kit nen yogo logonet, Ninogoba keledai lek me, Wa nanip o, yo'nirage mbaki, wa wogo o, yogwi kiinok, at nen, Ti kenok, mbet-mbet wonok nanip o, yokkirage kenok, wonok woraamunggup o,” yinuk, eerogo nappiyareegerak.

Matiyut 26:56

it Ala yorage kagak yoraga nen liiru mbaneegwaarak nogo a'me lik yuwak nduk, an ee'nabi wogotak me, op aret o.” Yorage mbareegi, at oone waganggwi nogo nen Yetut teppunuk, kole mbaganeegwaarak.

Marakut 11:7

Keledai nogo wonok Yetut owagam wogo nogogwaarik, inayum nggoorogo keledai amborowak paga lenggembogo mbareegwa, at Yetut nogo ti paga kwi'nagagerak.

Lukat 19:35

wonok Yetut owagam pi wogogwaarak. Pi wogo nogogwaarik, inambogoyum endekem mendek nggoorogo keledai amborowak paga lenggembogo nogogwaarik, Yetut nogo keledai amborowak paga kwippereegwaarak.

Yaya 12:12

Ko'lu it aakumi apit laago lakome kuwak ogogwaarak nogo nen Yetut o Yerutalem wage konenggo nogogwaarik,