Matiyut 21:38 - Ala Wone Peenok Peebi Mbanak

³⁸ Aput nappi wagagerak nogo, at awi yareegerak tum wonogwe nogo nen inigen kogo nogogwaarik, it-it wone mbanggo logonet, Eyate koloorak yi aret me, mondok wappunuk, eyate nit aret kolaawok o.

Matiyut 21:38 ပူးပေါင်းရင်းမြစ်များ

2 Tamuwen 14:7

Ndi, yogondak at wulaga kanggerak owe-awot abok aret an kayeloman ineebi nomba'nuk yo'nogo logonet, Wulaga wakerak ti nen, ogoba eyate kolookwak awuluk ane'me warogo puwok nduk, wo'niret o, yinuk, yo'nogo agaarik o. Yo'nugwi nogo kani kunik ambiriluk kere ari wonage nogo, wogoraminggirak nogonogo pugwi iinok, nogonggelo endage inom, it ndarak inom, o nggween paga yime inendage ki logorak nogo lek ariyak me, nonggop eeriyak o?”

1 Endagembogut 1:12

Togop aret me, kat kagap ndakkolage, ndi, kaagaluk Talomo agap ndake, eerenok nduk, an nen wone yi yokkiri o.

Matiyut 21:34

Nage nagagerik, time logonet, anggur anggen yugu nogo mbaniyak eyom panggo ari kagak, Anggen mbanak an wo'niriyak nogo, wo'niri woraawak o, yinuk, at nagagim arum wonogwe nogome awuri inowagam nappiya wagagerak.

Matiyut 21:37

Eeginako mbareegwa, peebi aap nogo nen, Napuluk yi perak, ayuk wuko logonet, keyage warogo waagun o, yinuk, aput lombok aret nappi wagagerak.

Matiyut 21:39

Yogo nogogwaarik, eebe pigogo anggur awi yarak me nen yagat endekem wumbogo nogogwaarik, mondok wareegwaarak.

Lukat 20:14

Nappi wagagerak wage mbareegi, it aap at eyabu yarak arum wonogwe nogo nen aput wage inigen kogo nogogwaarik, it-it wone mbanggo logonet, Aput eyate koloorak yi aret me, eyate nit aret kolaawam, aput yi mondok waruwok o, yinuk,

Iberani 1:2

o yogondak irip paga perak, ninenggela'me logonet, ogoba oone yo'nirage logowak nduk, aput lombok nappi wagagerak o. “Naput mban yi mendek ndi mendek unde logowak o,” yinuk, mippege nagagerik, ogoba nen, “Yogop ee'nu, ndogop ee'nu,” yoge kagak, aput nogo nen mbogut-nggween yi mendek ndi mendek abok aret wakkagagerak.