Matiyut 21:26 - Ala Wone Peenok Peebi Mbanak

²⁶ Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, it aakumi abok aret, At Yaya ti, Ala nen yoge kagak yoraga mendek aret o, yogwe me, ninagabiti o,” yinuk,

Matiyut 21:26 ပူးပေါင်းရင်းမြစ်များ

Yetaya 57:11

It ta paga inagabiti mbakwi, inaganak wake, eeko logonet, an mbo paninuk alik mugurok nogwe, Noba abe'nakwi lek kobak eerogo panugwi, An ndogop eeke yi, iya! yinuk, iniki liippega'lek wonogwe, Eeko agaarik? An wone yoraga'lek puk wonage neenok, nayuk wuka'lek agaarik ya?

Matiyut 11:9

Ndi, nonggop nduk nogotak? Aap Ala nen yorage kagak yoraga mendek ambi kaawok nduk, nogotak mbakop? Wologwe! Kit kogotak nogo ti, Ala nen yorage kagak yoraga mendek aret kwe, it ti, tebenak iigak, at ti perak, mondok tiyanak lombok aret kogotak o, yinuk, yokkiragi o.

Matiyut 21:11

Yogo mbareegwa, it aakumi kuwak aago nogo nen, “Aap yi, Ala nen yoge kagak yo'niraga o Nggalileya awi Nataret mendek Yetut nogo aret o,” yinuk, yorogogwaarak.

Matiyut 21:25

Yorage nagagerik, it yorage logonet, “At Yiime Wuppiiga Yaya nogo ti, ta nen yoreegerak paga wuppiige nagagerak? Mbogut paga nen yoreegerak paga wuppiige nagagerak a, aakumi nen yoreegwaarak paga wuppiige nagagerak a? Kit yinip nda!” Yorage mbareegi, it-it wone mbanggo logonet, “Nit nen, Mbogut paga nen yoreegerak paga yiime wuppiige nagagerak o, yogwi niinok, at nen, Ndi, ti kenok, kit kiniki at abet mbaka'lek nonggop nduk wonogotak, yinuk, yo'niraagin o.

Matiyut 21:27

Yetut yogo logonet, “Nit nineenggo'lek o,” yoreegwaarak. Yogo mbareegwa, at nen, “Ndi, ti kenok, an kunduk, an eeke yi, ta nen yo'nereegerak paga eeke minggirak ti, yokkiraagin lek o,” yinuk, yoragagerak.

Matiyut 21:46

pigaawok nduk, eereegwaarak mendek, aakumi ambik nen, “Aap yi, Ala nen yoge kagak yo'niraga nogo mendek at aret kogo o,” yinuk, yogwe me, inagabiti nen puk ogogwaarak.

Marakut 11:32

Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, Ia! It aakumi abok aret, at Yaya ti, Ala nen yoge kagak yoraga mendek aret, mbakwi me,” yinuk, aakumi inagabiti nen

Marakut 12:12

Yorage mbareegi, it nogo nen, “Wone eegu laarogo ti, nit niinok, ari,” yinuk, yelok kogo nogogwaarik, pigaawok nduk eereegwaarak mendek, aakumi ambik mbareegwa, inagabiti nen teppunuk nogogwaarak.

Lukat 20:19

It Ala wone liiru mbanak unde inom, it aap Ala unde inoweewi inom, nen, “Wone eegu laarogo yegerak ti, nit niinok yigi o,” yinuk, yelok kogo nogogwaarik, ne ti eyom lombok Yetut pigaawok nduk, eereegwaarak kwe, aakumi inagabiti nen puk ogogwaarak.

Lukat 20:6

Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, Ia! It aakumi abok aret, At Yaya ti, Ala nen yoge kagak yoraga mendek mbakwi me, yugum paga ninoorugun o,”

Lukat 22:2

it Ala unde inoweewi inom, it aap Ala wone liiru mbanak unde inom, nen aakumi inagabiti nen, “Yetut nonggop agago waruwi o?” yinuk, koonit nugu nogogwaarak.

Yaya 5:35

Aap Yaya ti, ndi wuninik abinak ambik eeke menggi kwak wonagagerak me, eya eekkinake kwak yokkirage nagagerak paga kiniki ale'nggen ne ambiriluk mbakotak kwe,

Yaya 9:22

Yorogogwaarak nogo ti, it aap Yakuri mendek nen koonggo logonet, “Aakumi nen, Aap ti, Ala nen leenogo mippereegerak Keritut aret o, yinuk paganggwi iinok, nit Yakuri tamban eeko menggam nen wumbiyaawok o,” yinuk, kooneegwaarak me, aap nogo agalo-ogoba aap Yakuri mendek inagabiti nen, “Nit nineenggo'lek o.

Nappiigak 5:26

Yorage mbareegi, aap Ala awi wurik inarum menggaarak inowe awuri inom nen it nappiigak nogo wogonabi nogo nogogwaarik, “Aakumi nogo nen yugum paga ninookwi iyo,” nduk, inagabiti nen inoorulik enaani aret wogoren wogogwaarak.