Matiyut 21:25 - Ala Wone Peenok Peebi Mbanak

²⁵ Yorage nagagerik, it yorage logonet, “At Yiime Wuppiiga Yaya nogo ti, ta nen yoreegerak paga wuppiige nagagerak? Mbogut paga nen yoreegerak paga wuppiige nagagerak a, aakumi nen yoreegwaarak paga wuppiige nagagerak a? Kit yinip nda!” Yorage mbareegi, it-it wone mbanggo logonet, “Nit nen, Mbogut paga nen yoreegerak paga yiime wuppiige nagagerak o, yogwi niinok, at nen, Ndi, ti kenok, kit kiniki at abet mbaka'lek nonggop nduk wonogotak, yinuk, yo'niraagin o.

Matiyut 21:25 ပူးပေါင်းရင်းမြစ်များ

Matiyut 16:7

Yorage mbareegi, it nogo ambi yagak ambi yagak yogo logonet, “Roti wonok woroolik kenok yo'nirage kogo o,” yinuk, yogwe

Matiyut 21:24

Yogo mbareegwa, Yetut nen, “An kunduk, wone ambi kin wokkiyaminggirak onggo yo'nugwi kiinok, an eerit nage yi, ta oone paga eeke minggirak nogo ti, paganogo yokkiraagin o.”

Matiyut 21:26

Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, it aakumi abok aret, At Yaya ti, Ala nen yoge kagak yoraga mendek aret o, yogwe me, ninagabiti o,” yinuk,

Lukat 14:4

Yorage mbareegi, it apit inoone abu lek puk ogogwaarak. Puk ogo mbareegwa, at Yetut nen aap nogo eenggi pigogo obeelom eeppege nagagerik, nappereegerak.

Lukat 20:5

Yorage mbareegi, it-it wone mbanggo logonet, “Nit nen, Mbogut paga nen yoreegerak paga yiime wuppiige nagagerak o, yogwi niinok, at nen, Ndi, ti kenok, kit kiniki at oba panggombunuk, abet mbaka'lek nonggop nduk, wonogotak? yo'niraagin o.

Yaya 1:15

At Yaya nen oone nggwok paga at nogo abok paganogo yorage logonet, “Aap ambi nambokan woraagin nogo, an nda'naga'lek neegak, at aa'nduk togon wonagagerak me, an ta mbuuluk. Ndi, at mondok nggwok aret o, yinuk, yokkirage nagagirak nogo eebe yi aret o,” yinuk, yorage nagagerak.

Yaya 1:6

Ala nen aap ambi endage Yaya aret nappi wagagerak.

Yaya 3:18

It aakumi iniki an noba panggombunuk, abet nombakwi iinok, Ala nen inowak loonogo maluk onggo inoba piyaagin lek kwe, it iniki an noba panggombunuk, abet nombaka'lek iinok perak, it iniki Ala aput ambolom ndarak an nogo noba panggombunuk, abet nombaka'lek me, muk inowak loonogo maluk onggo inoba piigerak wonogo agaarik o.