Matiyut 21:19 - Ala Wone Peenok Peebi Mbanak

¹⁹ eyo wuli ambi tu paga wonage enegen kage nagagerik, alome panggo yi nanuk, eyo nogo anggen yugu lek we engga mban wonage kage nagagerik, eyo eebe nogo yoge logonet, “Kat eyo yi, kanggen abu yega'lek aret logomunggun o.” Yoge mbareegi, eyo wuli nogo, o ti eyom aret mbuk agagerak.

Matiyut 21:19 ပူးပေါင်းရင်းမြစ်များ

Yetaya 5:2

Yarikit nduk nggween kabungge, yugum nggiginogo nappege, Anggur awi obeelom mendek mban leenogo yake, Arum logorak oolo time eyo ndoonogo pi lagangge, Anggur anggen aambiranggo logowam yugum nenaarogo pege, Eerogo punuk, Anggen abe yuwak nduk tokkage nagagerak kwe, anggen abe mendek yuulik ale mendek mban yereegerak o.

Yeremiya 8:13

Aliku ALA nen ari logonet, “It an napuri nogo yabume anggen mbanogo kuwak eeko mengga kwak, kuwak eeppiyoorak kwe, Eyo anggur agaro paga anggen yega'lek wonage, Eyo wuli agaro paga anggen yugu lek wonage, Engga mbuk eerogo pit nagaarak wonage, Eerak wonage pogom napuri togop aret wonogwe me, Inanggween wogoragagirak nogo it aap inambik nen ndinogo unde eekkolaagun,” yegerak o.

Matiyut 21:20

Mbuk age it Yetut oone waganggwi nogo inigen kogo nogogwaarik, “Wi,” yinuk, pi wako logonet, “Eyo wuli yi, nonggop togon mbet-mbet mbuk aga?”

Marakut 11:14

Engga mban enegen kage nagagerik, eyo eebe nogo yoge logonet, “Kat kanggen aakumi ambi nonggo logogun mondok lek o,” yoreegerak. Ndi, yoge nogo, at oone waganggwi inaruk koneneegwaarak.

Marakut 11:20

Wundi nogo nogogwaarik, taati nogo yinuk, ko'lu kuuben tu paga nogo logonet, eyo wuli nogo omanggen inom abok aret mbuk agagerak kogogwaarak.

Lukat 3:9

Ye eyo alom muk kundugu agaarak me, yi eyo ndi eyo anggen abe mendek yege lek kenok, muurogo kani kunik me mambigin o,” yinuk, yoragagerak.

Yaya 15:2

Eyo eno'mbak ambi an nimbirak kunik logonet, anggen yegeelik kenok, nogoba nen mbanogo mbo nappege, ndi, eyo eno'mbak paga anggen yege kenok, ambinom yi'nage logowak nduk, mbeenogo teppege, eeke menggerak.

Yaya 15:6

Eno'mbak mbanogo mbo nappegaatak mbuk age kenok, aakumi nen kuwak eerogo kani kunik me mbo mambugwi iinok, kani nen nengge menggi kwak, kit an ninom kunik lek kiinok, togop aret eeppinagagin o.

2 Timotiyut 3:5

Ndi, ti eerit nugu logonet, Ala wone abet mba'nuk mugurok nogwe inetenggen negen eekkolamenggaarak kwe, iniki perak, “Ala nen obeelom eeppinaniyak nineebi,” mba'nuk, eerit nogo logogun o. It aap ti eekwi iinok, inogole nen mbagangge logonu o.

Titut 1:16

It aap ti nen yogo logonet, “Ala nineenu o,” yogo menggaarak kwe, it eerit nugwi paga nen perak, “Ala nineebi,” mbako logonet, yogwe yelok iigo monggoorak. Ala wone konengga'lek taganogo pit nogo logonet, obeelom ambi eekulik maluk mban eekwi me, inogole warak aret iigo monggoorak o.

Yurat 1:12

Niniki-kiniki kunik paga mbi nawok nduk, kuwak eekwi me, it aap ti, inageerok abe mendek ko'nok wa'nuk, it ando abu iigak, inagabiti mbaka'lek inalik mban nonggo menggaarak me, yum abu laambu kwe, oololuk mili eerak menggi kwak logonet, eeko menggaarak o. Mayu ndugwi paga luurik lek me, ndugwi o wiya nen wonok nage, eyoonggen abe yuwak nduk, awi yakaatak kwe, anggen abe yega'lek kanenep age kenok, kinogo pegaatak me, mondok mbuk age,

Wayu 22:11

Yoranet nege keegak kwe, it maluk eeko logorak mbakwi kenok, maluk aret eekwi, ndi, eeriyak lek mendek kagak ugun-ugun eerit nogo logorak mbakwi kenok, ugun aret eerit nogwe, ndi, it ando maluk eeka'lek obeelom mban eeko logorak mbakwi kenok, obeelom mban eerit nogwe, ndi, it ando kikak naka'lek Ala ake mban leenak logorak mbakwi kenok, Ala ake leenak wonogwe, eekkologo logowak o,” yinuk, yo'nege kagarak.