Matiyut 20:34 - Ala Wone Peenok Peebi Mbanak

³⁴ Yogo mbareegwa, at Yetut nen inabuwa mbake nagagerik, inigen eenggi awo mbaaniige kagak, inigen nogo pagak yogo nogogwaarik, Yetut inom wogogwaarak.

Matiyut 20:34 ပူးပေါင်းရင်းမြစ်များ

Ndawi 119:67

An aaninggin awo noba kwi'naga'lek kagak, Koone mbo punuk nomoninuk nagagirak kwe, yogondak perak, Koone yugu nogo liirogon aret eerit nage agarik o.

Ndawi 119:71

Koone lengganak an mamunggolaakit nduk, Aaninggin noba paneegindak nogo ti, Op aret mbake agarik o.

Ndawi 145:8

At Aliku ALA ti, Aakumi inabuwa mbaka, Inabuwa nen iniki yanggonak paga eeppiiga, Anini mbet-mbet wungga'lek iniki yanggoppunuk wonaga, Aakumi iniki kunik nggwok lombok aganaka, Aret menggerak o.

Matiyut 14:14

at Yetut yiiro paga nen wundi nage logonet, aakumi ambik kuwak aago enegen iige nagagerik, inabuwa lombok mbake logonet, it kugi andi warak inenggela'me nogogwaarak nogo obeelom eeginabeegerak.

Matiyut 15:32

Ala wogoppogo mbareegwa, Yetut nen at oone waganggwi nogo wiiragagerak wogo mbareegwa, yorage logonet, “Wologwe wae. It aakumi ambik yi, ninom nogo kenagan yogo logonet, inambi abu lek agaarak me, inabuwa mbaki o. Mbi nengga'lek tu paga nogo logonet, inambuluk piyoorak me, mbi abu kagak, an nen iname nappiyoorak meek o.”

Matiyut 20:33

Yorage mbareegi, it nen, “Ai, ninogoba. Ninigen mbuk yi, obeelom ee'ninabenok nduk, yokkogo o.”

Matiyut 21:1

It Yetut inom wogogwaarak nogo, o Yerutalem panggo yi wogo logonet, o Mbetapage puurom Tayitun paga ari wogo nogogwaarik, nogome logonet, Yetut nen at oone waganggwi mbere nappiige logonet,

Matiyut 8:15

eenggi pigagangge mbareegi, andi nogo lek a'nuk, kwe nogo mi'nage nagagerik, at ake eeke nagagerak.

Matiyut 9:29

Yogo mbareegwa, at Yetut eenggi inigen paga mbaaniige logonet, “Kiniki abet nombakotak nogo ndak-ndak aret eeppinagagi o,” yinuk,

Matiyut 9:36

Eerit nege logonet, ndomba ndegeninaka eebe lek me, mbaganit nogo logonet, ineeruwak yini'nggin-piini'nggin aago tat warit nogo mengga kwak, it aakumi ambik at mugurok nugwi nogo togop aret aago enegen iige nagagerik, inabuwa lombok mbareegerak.

Marakut 7:33

Yogo mbareegwa, it aakumi ambik aago nogo teppiinok, at aruk logu nogo mban, “Omok o,” yo'nuk, imbirak inalik nomorogon nanuk, aruk me eenggi mambege logonet, awoori waganogo amili paga nabembege nagagerik,

Lukat 18:43

Nogo awo yoge kagak, at enegen pagak yereegerak. Enegen pagak ari mbareegi, Yetut imbirak wage logonet, Ala endage wogoppit wagagerak. Ndi, Yetut eereegerak nogo it aakumi abok aret kogo nogogwaarik, Ala alut eereegwaarak.

Lukat 22:51

Tabok togon nappege mbareegi, at Yetut nen, “Togop eeriyak mage o,” yinuk, wulaga nogo aruk eenggi pigagangge nagagerik, obeelom eeppereegerak.

Lukat 7:13

Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Iberani 2:17

nit aakumi maluk eekwi niinok, Ala anini ninombake nogo, iniki yanggo yuwak nduk, Ala unde inowe nggwok logonet, ninabuwa nen puk aga'lek ko'lu-kii'me ninake eeke logowak nen, nit ee'ninake menggerak nogo, abok aret at ndak-ndak eeriyak age mbareegi, aa'nduk at awuri nit pogom aret eekkolagagerak.

1 Peterut 3:8

At Ala nen ari logonet, “Kit kineenik logorak kinikilom mbakwi, Nit obeelom aret wonogwe me, li a'nuk, kambuurak op aret, mbakwi, Eekwi ti, Taamini nen togop mbako ogotik? Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakkologwe, Maluk mendek mbo punuk, obeelom mendek kenok mban eerit nugwi, Nonggop agago niniki ambit lambunik logorak koonggwi, Abu koombunuk, ti aret kinomaawirogon mugurok nogwe, Eeko logonip o. Aap iniki koonak menggaarak nogo, Ala enegen wogoren nege, Tamban eekwi iinok, at aruk liirogon konengge, Eeke menggerak kwe, Aap maluk eeko menggaarak perak, Ala enggaawak omaawi paga lek eerogo piige menggerak o,” yinuk, yereegerak liiru mbanak ndak-ndak, kit togon Ala ale'nggen kinoba pinagakit nduk, kinayonggo pinagareegerak me, kit nen maluk onggo-onggo eekwi, ambi nen ambi meek eeppegak eekwi, eeko logogup o. Ata, it maluk eeppinagagwi nogo obeelom eeppiigo logonet, kinom kiniki ambit eeppunuk wone mbanggwi, kiniki eyak wat-wat eekkologwe, nore-kore yogwe, nabuwa-kabuwa mbakwi, kiniki tebenak nugwi, eeko logonip o, yinuk, eeko logorak irip paga ambi yokkiraakit mbakirak nogo ti aret yokkiragi o.