Matiyut 20:30 - Ala Wone Peenok Peebi Mbanak

³⁰ aap mbere inigen mbuk tu nggwok ambet paga kwi'ndak logonet, “Yetut tu yi paga wage,” inaruk konenggo nogogwaarik, inoone nggwok togon yogo logonet, “Ninogoba wae. Kat Ndawut ombooluk yi, ninabuwa mbaru o,” yinuk, yogwi iigak,

Matiyut 20:30 ပူးပေါင်းရင်းမြစ်များ

Ndawi 146:8

Aliku ALA nen aap inigen mbuk kenok, Inigen obeelom eerogo piige, Aliku ALA nen aap inuut wandunik wonogwe nogo inuut pilanogo piige, Aliku ALA nen aap iniki abe koonak kenok, Iniki kunik aganake,

Yetaya 29:18

Ne ti eyom paga mbuku pirik-perek mbanak nogo lunggwi iinok, it aap inaruk logu nen inaruk konenggwi, Ndi, it aap inigen mbuk o yumaak apit aagome wonogwe nogo inigen kogwe, Eerugun o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 42:18

Aliku ALA nen ari logonet, “It aap inaruk logu ti, inaruk liirogon konenggwi, It aap inigen mbuk ti, inigen kaawak nduk pekkogwe, Eeruwak o.

Yetaya 59:10

Aap enegen mbuk kwak tu liinggwi agan nogwe, Ninigen wonage kwe, aakumi inigen mbuk kwak yanduk-ndanduk agan nugwi, O liingge aret kwe, o apit paga iniyok lik ari menggi kwak niniyok liinggologwe, Aap ineenik wonogwe inenggela'me aap kambak kwak wonogwe, Eeko ogoorik o.

Matiyut 13:4

yumbunit nage kagak, ando tu paga wambit nagagerak. Tu paga wambit nagagerak nogo ti, towe wogo logonet, abok aret nenet nogogwaarak.

Matiyut 15:22

Nage mbareegi, kwe Kanan mendek ambi o time nen wundi wage nagagerik, oone nggwok paga at yoge logonet, “Ai, nogoba, Ndawut ombooluk wae! An naagaluk kolaga kugi inikime unggwage nagagerik, abu maluk eeppereegerak me, nabuwa mbaru o.”

Matiyut 20:31

it aakumi nen aap nogo inoone puk aruwak nduk, mberirogogwaarak kwe, kagak, abunuk inoone nggwok nabenak mban yogo logonet, “Ninogoba wae. Kat Ndawut ombooluk yi, ninabuwa mbaru o.”

Matiyut 21:14

Yorage nagagerik, it inigen mbuk mendek inom, inendop maluk mendek inom, Ala awi wurik me Yetut owagam wogo mbareegwa, at nen obeelom eeginabeegerak.

Matiyut 21:9

eeko mbareegwa, nogo paga wage kagak, it ando inaa'nduk wogwe, it ando ambo'me wogwe, eeko logonet, “Ndawut ombooluk yi, Otana, yuwok o. Ninogoba Ala endage paga wage yi, wogoppuwok o. It mbogut irimbaga menggaarak kunduk, Otana, yuwak o,” yinuk, keekok agan wogogwaarak.

Matiyut 22:42

“Ala nen leenogo mippereegerak Mesias nogo ti, kit nen nonggop mbakop? At ta ombooluk mbakop?” Yorage mbareegi, it nen, “Mesias ti, Ndawut ombooluk aret mbako o.”

Marakut 10:46

Wone nogo yorage nagagerik, o Yeriko ari wogogwaarak. Yetut at oone waganggwi nogo inom, it aakumi ambik kuwak ogogwaarak nogo inom, o Yeriko nogome nen endekem wundi wogwe me, at Timeyut aput Mbaratimeyut enegen mbuk me, tu nggwok ambet paga kwi'ndak ambe nggino ari wonage logonet,

Lukat 4:18

“It aakumi tebenogo piinok wonogwe nogo wone obeelom wone yorage logokit nduk, amburu eerogo mippaneegerak me, Nogoba Ala Aberiniki noba panegerak wonage agaarik o. It aakumi keele maarak wonogwe nogo, Muk wondet eerogo pinagagerak o, yinuk, yorage, Inigen mbuk nogo, Kinigen obeelom eekkinaburak op aret o, yinuk, yoranet nage, It aakumi tebembiirogo wonogwe nogo wondet eerogo piige,

Lukat 7:21

Ti eyom paga at Yetut nen aakumi apit kugi andi kunik inom, kugi andi yagan warit nugwi inom, kugi ogole warak mendek inikime unggwagagerak inom, obeelom eeginake, inigen mbuk nogo apit aret obeelom eeppiige, eeke me, nogogwaarak.

Nappiigak 2:30

At Ndawut nogo ti, Ala nen yorage kagak yoraga mendek aret me, Ala nen wone kumbuk mbangge logonet, Ndawut yoge, Ndawut wae. Kat kombowologwe ambi wone lengganogo yorage mengge'nom kobaane'me logowak nduk an nen mippigin o, yinuk, yoreegerak wone nogo eenu wonagagerak me,