Matiyut 20:24 - Ala Wone Peenok Peebi Mbanak

²⁴ Yoragagerak it ando 10 nogo nen inaruk konenggo nogogwaarik, it owe-awot imbirak nogo inanini agaket eeginabeegwaarak.

Matiyut 20:24 ပူးပေါင်းရင်းမြစ်များ

Kini Wuppiige 13:10

Aap iniki tiyappakwi paga nen ndugwi ineenggime piigo menggaarak kwe, Inaruk wakwi konenggo menggaarak nogo perak, iniki warak aret iigo menggaarak.

Matiyut 20:23

Yogo mbareegwa, Yetut nen, “An nagi toolak kit noorak op aret kwe, neebe peenok-peenok pinagarak ti perak, an nen eeppinagarak lek o. Nogoba nen punogo piyareegerak nogo mban aret piyaagin o.”

Matiyut 20:25

Eeginako mbareegwa, at Yetut nen wiiragagerak wogo mbareegwa, yorage logonet, “It aakumi endekem mendek inarum menggaarak ti, inoone omaawi paga lengganinakwi, ndi, it inogobamini aap nggwok nen inapuri eerit nugu logowak nduk, inoone omaawi paga yorogwe, eeko menggaarak kineenu kwe,

Marakut 10:14

Mberirogwe nogo Yetut iige nagagerik, anini ambik age logonet, “Ala abu'me logorak ti, it elege-aabologwe yogop yi kwak aret me, an nowagam woraawam non mbambiigwi ti mage o. Op aret, yoraanip o.

Marakut 10:41

Yorage it ando 10 nogo konenggo nogogwaarik, Yakobut Yaya imbirak inanini agaket eeppiyareegwaarak.

Lukat 13:14

Ti eeke mbareegi, aap Yakuri tamban eeko menggam unde nogo it tamban eekwi paga Yetut nen kwe nogo obeelom eekerak kage nagagerik, anini nen aakumi apit yorage logonet, “Yabu eeriyak nduk nogo 6 kuli yuurak wonage me, nogo 6 kuli yuurak ti paga ugun andi obeelom eekkinabuwak nduk, wogo logomunggup o. Nit tamban eekwi yi paga wagak yuurak lek o.”

1 Korindut 13:4

It aakumi inabuwa mbako logonet eekwi nogo ti, wone onggo mbet-mbet yoraga'lek puk wonogwe, inobaabut yanggonak wonogwe, eeko menggaarak. Ti eeko logonet neebi-keebi yogwe, iniki wogoppakwi, an iya mbakwi,

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

Yakobut 3:14

“Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.