Matiyut 20:21 - Ala Wone Peenok Peebi Mbanak

²¹ Yoge mbareegi, at Yetut nen, “Kat kiniki mbakendak yu o.” Yoge mbareegi, kwe nogo nen, “An naagalogwe mbere yi, kat kabu'me piyaawam time kat keebe peenok-peenok logorak yoraanok nduk, yokkigi o.”

Matiyut 20:21 ပူးပေါင်းရင်းမြစ်များ

1 Endagembogut 2:19

Yoge nagagerik, at Mbatiyeba nen Aroniya iniki mbareegerak nogo, yorikit nduk, aap endagembogut Talomo owagam ka nage mbareegi, aap endagembogut Talomo nen agalo keyage wappikit nduk, mi'nage nagagerik, abu'me etenggen wanduk yinuk, ayuk wureegerak. Ayuk wuppunuk, at aap endagembogut logonet wone lengganogo yorage menggim nogome kwi'na'nuk, kwi'nagak ambi eenggi abe'nggan pa'nggwe agalo kwi'nariyak ake, “Pi wa'nip o,” yoragagerak pi wogo mbareegwa, agalo nogo ti paga kwi'nagagerak.

1 Endagembogut 3:5

Kumbunuk o Nggibeyon nogome awo wonage logonet, ne ambi paga oonikiya nogo yege me, at Aliku ALA eebe aap Talomo nikka wage nagagerik, abinggaanggo paga yoge logonet, “Talomo wae. Kat nen, An nano mendek wo'niriyak, nombake kenok, wokkirikit nduk, nggino yo'niru o.”

Etet 5:3

Mbaanggage mbareegi, aap endagembogut nen, kwe Etet nogo yoge, “Etet yi wae. Kat kwe nggwok aret me, nano uugwe mba'nuk wagan o? Kat uugwe mba'nuk wagandak nogo yo'nege keenok, an teppatigin lek abok wokkege logonet, o an unde minggim yi togon mogonogo wokkirigin aret me, yo'niru o.”

Ndawi 110:1

Aliku ALA nen an nogoba yoge logonet, “It kinom wim mbanak mendek nogo Aan lebenogo kabu'me piiga'lek neegak, neenggi abe'nggan kwi'nari mok o,” Yinuk, yoreegerak o.

Ndawi 45:9

It kumi kake eekwi kiniki kunik aganake inenggela'me Aap inendagembogut inapurilogwe inom aret wonogwe, Ndi, keenggi abe'nggan kakwe kwe nggwok nogo Ayum mbuti emas o Opit mendek paga ogobakkigirik yirik mi'ndak wonage, Eeko agaarik o.

Yeremiya 45:5

nonggop nduk, An mban obeelom logokit, mbake agaarik? At togop mbarugurik o. Yi aakumi ndi aakumi abok aret aaninggin lombok inoba piyaminggirak kwe, at perak, yi o ndi o nege me, wakwi iyo, eebe ili eerak logowak nduk, ndegengge logogin o, yinuk, Aliku ALA nen yegerak me, yokkigi o,” yinuk, yoreegerak ti aret.

Matiyut 18:1

O ti eyom paga at oone waganggwi nogo nen Yetut owagam wogo nogogwaarik, yogo logonet, “At mbogut paga mendek abu'me piige menggim mondok nggwok lombok logorak ta o?”

Matiyut 19:28

Yoge mbareegi, Yetut nen, “Kit an ninom nugu monggoorak yi, peebi o mbogut-nggween ngget ogobakkigike eyom paga, an aap aret nda'nagagirak nogo, tiyanak lombok wone lengganinake minggim wonage neegak, kit kunduk wone lengganinako logowam 12 nogome logonet, aap Iterali inanebunu 12 nogo inowak looninako logomunggup o.

Matiyut 20:22

Yoge mbareegi, at Yetut nen, “Kit nggino yo'nugwi ti, kineenggo'lek logonet, nggino yo'nogo ogotik o. An nagi toolak nagin nogo ti, kit noorak op mbakop?” Yorage mbareegi, it nen, “E o. Nit noorak op aret o.”

Matiyut 20:32

Yogwi nogo at Yetut aruk konengge nagagerik, yungguk togon puk a'nuk, yorage logonet, “Nonggop eekkinaburak mba'nuk yogo ogotik o?”

Marakut 10:51

At owagam nage mbareegi, at Yetut nen, “An kat nonggop eekkaburak mba'nuk ari agandik?” Yoge mbareegi, at enegen mbuk nogo nen, “Nogoba Ngguru o. Nenegen obeelom ee'nabenok nduk yokkigi o.”

Marakut 16:19

Ninowe Yetut nogo wone ti yorage mbareegi, Ala nen wonok, mbogut paga pi laganeegerak. Pi lagangge mbareegi, at eenggi abe paga kwi'nagagerak.

Marakut 6:22

at Keroriyat aagaluk nogo unggwage nagagerik, kwirabik-kwirabok ari kenok, at Keroret oreewi inayonggo nappiyareegerak wogogwaarak nogo inom nen, “Kwe yi ari, iya!” yinuk, pi wako mbareegwa, at aap endagembogut nen kwe tawe nogo yoge logonet, “Kat nano mendek ambi uugwe mba'nuk nggino yo'nege keenok, wokkirigin o,”

Lukat 18:41

“Kat an nonggop eekkaburak mba'nuk, ari agandik?” Yoge mbareegi, aap nogo nen, “Nogoba o. Nenegen obeelom ee'naburak nduk, yokkigi o.”

Lukat 19:11

It aakumi nogo inaruk konenit wogwe iigak, at Yetut nen wone yoranet inom o Yerutalem wok yi wambi wogo nogogwaarik, it aakumi nen Ala abu'me piige menggim mbet-mbet tena'me ariyak mbakwi yelok iige nagagerik, wone eegu laarogo ambi yorage logonet,

Lukat 22:24

Kin wat-wat yogo nogogwaarik, ti'nuk, “An iya, kat iya,” yogo logonet, wone wako nogogwaarak.

Yaya 15:7

Kit an ninom kunik logonet, an noone kinikime wonage kenok, Nit ndi mendek wo'niraawak, mba'nuk, nggino yo'nugwi kiinok, ti aret wokkirage neyaamunggup o.

Nappiigak 1:6

It nogo Yetut inom kuwak eeppunuk logonet, at yogwi, “Ninogoba wae. Aa'nduk nit Iterali mendek ninoweewi nen inabu'me pinaninuk wonogogwa kwak nit yogondak togop logowok nduk eeppinanumunggun ilik?” yinuk, yoreegwaarak.

Oroma 12:10

Kinowe-kinawot kiniki kunik eeginako monggotak kwak, kinoreewi kinom niniki-kiniki kunik eeko logonip o. Nabu'me-kabu'me logonet, at ambi tiyappegak eeko logonip o.

Oroma 8:34

Ndi, Ala nen, “Kit maluk o,” yinuk, yo'niraga'lek kagak, aap ta nen, “Kit maluk eekotak me, onggo pinip o,” yinuk, yo'niraagin mbakop? Lek aret o. At kangge mbareegi, Ala nen eenik eerogo mippereegerak yogondak Ala eenggi abe paga logonet, ninili ari menggerak ti, Keritut Yetut aret o.

Kolote 3:1

Keritut eenik agago mippege logonet, kinom kineenik agago mippinagareegerak me, Keritut Ala eenggi abe'nggan paga kwi'ndak menggim mbogut paga eeko menggaarak wone nogo mban kiniki panggombunuk, logonip o.