Matiyut 2:19 - Ala Wone Peenok Peebi Mbanak

¹⁹ Ti'nuk, at Yutup nogo awo o Metit time wonage me, aap Keroret nogo kangge mbareegi, ne ambi paga Yutup abi kage logonet, Ala yonggo nappiya wage menggerak malayikat ambi nen at owagam wage nagagerik, yoge logonet,

Matiyut 2:19 ပူးပေါင်းရင်းမြစ်များ

Ndawi 139:7

Aberiniki kimbirak menggendak nogo nen An kwaa'neyokwak, nggeeme na? “At time eebe lek,” mba'nuk, nggeeme mbagani?

Ndawi 76:10

Kat kanini aakumi inoba piige nogo, Aakumi inigen kenok, kendage tiyappugwi iigak, Kanini ando nogo ti, kagabee'le kwak yikkolage menggendak o.

Yetaya 51:12

Aliku ALA nen ari logonet, “An o! Kiniki eyak wappinagage minggirak ti, an aret o. It kanggo menggaarak mendek iigak, inagabiti mbakwi, It aakumi nen ndarak iri'ngga kwak kwe, inagabiti mbakwi, Eekwi ti, taani o?

Yeremiya 30:10

“Togop me, nayeloman Yakup paga ndarak ti, inagabiti mbakwi, Iterali paga wiganak ti, inaganak wakwi, Eerugwaarik o,” yinuk, Aliku ALA nen aret yegerak me, yokkiragi o. At Aliku ALA nen ari logonet, “It o nda wonogwe me nen inagap ndake, It Yakup paga wiganak mbo piya nogogwam nen wogoren wundi wage, Eerigin o. It Yakup mendek aa'nduk o abolok lek kagak iniki ugun tayenak wonogogwa kwak togop aret logogun o. Op wonogwe me, it ambi nen iniki ma'naruwak nduk, eeppiyaagun lek o.

Yetikiyen 11:16

Aliku Itok Menggerak ALA nen wone yegerak nogo yi o, yinuk, yoroorak yo'nege kagagirak nogo yi aret. An nen yi aakumi ndi aakumi o nda time wonogwe inenggela'me nappiige, yi awi ndi awi mak eerogo piige, eereegirak kwe, nappiyareegim nogome laalu wonogwe iigak, nalut eeko menggam nawi wurik kwak ti, an neebe aret o.

Ndaniyen 11:45

Woraanuk, niyo nggwok yenggenak laut nogo peenok wonage, ndi, puut abe alik leenak nogo peenok wonage, eerak kagak, oolo time at endagembogut me, awooliya mondok iya lombok wurigin kwe, at lek ariyak eyom panggoni wage kenok, aakumi ambi nen at yeenggwaaga'lek iigak, enggaawak lek arigin o,” yinuk, yegerak o.

Ndaniyen 8:25

At pilit pugungga iyagalo aret me, oone amburu ndik-ndik ari paga at ari nogo mbeyok yaga'lek a'me age, An iya, mba'nuk, wogoppatit nage, “Nit nu'lek op wonogwe,” mbakwi iigak, aakumi ambik lek eerogo piinet nage, at agabiti mbaka'lek it aap inendagembogut Inowe Endagembogut nogo tebenogo puurak mbake, eerigin kwe, at perak, aakumi ineenggi mbaanggaga'lek iigak, alik nen aret warak wangge kaagin o.

Matiyut 1:20

“Mbo pi ilik, lek a?” yinuk, iniki awo koongge nogo yege me, abi paga Ala yonggo nappiya wage menggerak malayikat mendek ambi at owagam wage nagagerik, yoge logonet, “Kat Yutup Ndawut ombooluk yi wae. Kwe Mariya abila agaarak nogo ti, Aberiniki paga aret abila agaarak me, keebi mbarugun o. Kat kakwe ti aret kolet o.

Matiyut 2:20

“It aap elege wariyak nduk, kwaarit nagaarak nogo muk kambit nagaarak me, kat mi'na'nuk elege nogo agalo imbirak wogoret aakumi Iterali iname nak o.”

Matiyut 2:22

Ndi, “At Arikilut ogoba Keroret obaane'me at aret o Yureya aap endagembogut aga o,” yinuk, yogwe nogo, at Yutup aruk konengge nagagerik, time noorak agabiti mbake me, “O Yureya time nagun o,” yinuk, abi paga yoge mbareegi, o Nggalileya time aret nagagerak.

Matiyut 27:19

Yorage nagagerik, owak looninake menggim taati kwi'na'nuk, wonage me, aap ambi wage nagagerik, Pilatut yoge logonet, “Pilatut wae. Kat kakwe nogo, oonikiya yi paga abi kage logonet, Aap ti iniki abu koonak kagak maluk eeppugwi, kage nagarik, niniki aaninggin ambik agaarak me, nore nen maluk eeppege kero, yori nak o, yo'nege mbaki, yokkiri wagi o,” yoreegerak.

Nappiigak 5:19

Mambiyareegwaarak oonikiya nogome wonogwe me, Ala yonggo nappiya wage menggerak malayikat mendek ambi wage nagagerik, keele maarogo mambiigo menggam tu paarogo wumbiinok yorage logonet,