Matiyut 2:13 - Ala Wone Peenok Peebi Mbanak

¹³ Iname nogwe iigak, Yutup abi paga Ala yonggo nappiya wage menggerak malayikat ambi nen at owagam wage nagagerik, yoge logonet, “At Keroret nen elege yi wariyak nduk kwaari woraagin me, mi'na'nuk, elege yi agalo imbirak wogoret o Metit time kole nanip o. Namonggotak time wonogwe me, an awo yokkira waga'lek neenok, o taati aret logonu o,” yinuk, yoge kagagerak.

Matiyut 2:13 ပူးပေါင်းရင်းမြစ်များ

1 Endagembogut 11:17

Inoorogo piinet nogwe iigak, at Karat nogo awo wulaga mbuuluk me, it aap at ogoba inom eeko menggaarak nogo o Metit nen o wunarok kole nogwe me,

1 Endagembogut 3:5

Kumbunuk o Nggibeyon nogome awo wonage logonet, ne ambi paga oonikiya nogo yege me, at Aliku ALA eebe aap Talomo nikka wage nagagerik, abinggaanggo paga yoge logonet, “Talomo wae. Kat nen, An nano mendek wo'niriyak, nombake kenok, wokkirikit nduk, nggino yo'niru o.”

Ayup 33:15

Ne ambi abi paga yorage, Ne ambi paga oonikiya nogo yogo menggam nogo nggaruk togon yugwi me, Inabinggaanggo paga yorage, Eeke menggerak me,

Wundeegwaarak 1:22

It Iterali mendek togop aret wigannarit nogo mbareegwa, at Pirawun nen at apuri aakumi Metit mendek apit aret yorage logonet, “Kumi Iberani mendek nen aap ndaganakwi iinok, yi nggwok Nin inikime mbo piya nogwe, ndi, kumi nda'nogwe iinok, ineenik teppiigwi, eeko logonu o,” yinuk, wone lengganogo yoragagerak.

Matiyut 1:20

“Mbo pi ilik, lek a?” yinuk, iniki awo koongge nogo yege me, abi paga Ala yonggo nappiya wage menggerak malayikat mendek ambi at owagam wage nagagerik, yoge logonet, “Kat Yutup Ndawut ombooluk yi wae. Kwe Mariya abila agaarak nogo ti, Aberiniki paga aret abila agaarak me, keebi mbarugun o. Kat kakwe ti aret kolet o.

Matiyut 10:23

O kota ambime nen piyak-payak eekkinakwi iinok, kole mbaganit o kota alik ambime namunggup o. Kole mbaganit aap Iterali iname kota-kota ando awo unggwit naga'lek kiigak, an aap aret nda'nagagirak nogo, woraagin aret o, yinuk, abet aret yokkiragi o.

Matiyut 2:12

Wogo'nuk, nogo yugwi me, at Ala nen, “Aap Keroret wonage me tu kiniyok paga nagup o,” inabi paga kurumbi yorage mbareegi, it nogo tu alik paga iname nogogwaarak.

Matiyut 2:14

Abi paga yoge mbareegi, at Yutup nogo oonikiya aret mi'na'nuk, elege nogo agalo imbirak wogoret o Metit nage nagagerik,

Matiyut 2:16

At Keroret nogo nen, “It aap wone mbiningga nogo nambokan laganggaarak iigi o,” yinuk, anini wu agan nage logonet, it aap wone mbiningga nen, “Laaluguragan o ti eyom paga aret kin age kogoorak o,” yinuk, liirogon yoreegwaarak me, at awuri nen o Mbe'lekem enaagan-ambokan nogome wologwe mbuulogwe ndarak iigak, tahun mbere aago inom, eeka'lek inom, tigitogon inoorit nawak nduk, nappiyareegerak.

Matiyut 2:22

Ndi, “At Arikilut ogoba Keroret obaane'me at aret o Yureya aap endagembogut aga o,” yinuk, yogwe nogo, at Yutup aruk konengge nagagerik, time noorak agabiti mbake me, “O Yureya time nagun o,” yinuk, abi paga yoge mbareegi, o Nggalileya time aret nagagerak.

Nappiigak 10:22

Yorage mbareegi, it nogo nen, “Lek o. Aap yigin unde inowe Koreneliyut nogo nen nappinani waga o. At nogo iniki abe koonak Ala agabiti mbaka kenok, it Yakuri mendek abok aret wogoppugwi me, Ala ake leenak malayikat ambi wage nagaarik, at Koreneliyut yoge logonet, Peterut nen wone yokkiri woraawak nduk, yonggo nappiyet o, yoge mbaki, yonggo nappinani wagaarak mukkeren wogo o,” yinuk,

Nappiigak 10:7

At malayikat wone yoreegerak nogo nage kagak, at Koreneliyut ayeloman mini mbere inom, at awot yigin unde Ala agabiti mbake logonet, Ala wone liirogon eeka mendek ambi inom, “Woraawak o,” yinuk, wiiragagerak wogo mbareegwa,

Nappiigak 12:11

Lek age mbareegi, at Peterut nogo iniki liippege nagagerik, “Ie!” yinuk, “It Yakuri mendek inom, Keroret nogo inom, ee'naburak mbakaarak nogo abok aret awo ee'naka'lek iigak, at Ala yonggo nappiya wage menggerak malayikat ambi nappi wage nagaarik, nagap ndakerak abet aret kagi o,” yinuk, mbareegerak.

Nappiigak 12:7

Ala yonggo nappiya wage menggerak malayikat ambi ko ogoorak it wonogwe me nogome, aberak lek me mi'nari unggunuk, eya abinak pindanggage nagagerik, uum paga eenggi puk-puk eeke logonet, “Peterut wae. Mbet-mbet mi'naru o,” yinuk, awo yoge kagak, eenggi mbuti keele paga maarak nogo piyok togon wambeegerak.

Nappiigak 16:36

Nappiya wogogwaarak yori wogo mbareegwa, aap keele maarak mambiigo menggam arum waka nen Pawulut yoge logonet, “Ninoweewi o kota unde nogo nen Pawulut Tilat imbirak keele piinogo wumbiyet o, yinuk, yo'niri wagaarak me, wundi nogo logomonggotik, kinikiigun aret nanip o.”

Nappiigak 5:19

Mambiyareegwaarak oonikiya nogome wonogwe me, Ala yonggo nappiya wage menggerak malayikat mendek ambi wage nagagerik, keele maarogo mambiigo menggam tu paarogo wumbiinok yorage logonet,

Nappiigak 7:19

Mi'nage nagagerik, ninombomini inambokan lagangge logonet, ale-pale eeginake, Elege nda'nogwe iinok, kambuwak nduk, endekem mbo piigak eeko logonu o, yinuk, yorage, eeke nagagerak.

Yotuwa 3:13

At o yi unde menggerak Aliku ALA awone yugu aloobut mbanak me yonggolak eewu'nuk wonok nogo menggaarak it aap Ala unde nogo nen aloobut mbanak piyaninuk yi Yoraran inikime awo iniyok mbaangga unggwogwe iigak, niyo nage nogo ogu mogonogo wuppege, ndi, agi mogonogo nippege, eeke kaamunggup o,” yinuk, yoragagerak.

Yotuwa 3:17

Porok ari mbareegi, it aap Ala unde wone yugu Aliku ALA aloobut mbanak me yonggolak piyaninuk nogo menggaarak nogo, niyo Yoraran inikime nggween kin eerogo pereegerak paga unggunuk, mi'ndak wonogwe iigak, it aakumi Iterali nogo abok aret nggween woloonak paga o Yeriko pa'nggwe yibaga wunda wogogwa-wogogwa age yobok togon aret wunda wogogwaarak.

Wayu 12:14

wake kero, o at logowam ogobakkigirogo pereegim karume nogome nawak nduk, Ala nen towe wu a'naabit kokwak, kwe nogo, a'naabit warak eeppege mbaki, wuga agan o nogome namenggerak wonage me, Ala nen arum wonage kagak, tahun kenagan eeppunuk, ambi oolo eeruwak nduk, nage kagarak.

Wayu 12:4

At waalo nogo age paga laaluguragan mbogut paga wonage nogo ando iigak, ando sepertiga nogo pelenogo nggween paga mbo wuppit wage kagarak. Kage nagarik, waalo nggwok nogo nen, “Kwe nogo aagaluk ndake kenok, naakit o,” yinuk, kwe nogo owagam enaarak wonage kagak,

Wayu 12:6

Pi lagangge mbaki, agalo nogo, logowam Ala nen ogobakkigirogo pereegim karume aakumi lek me time kole nagaarak wonage me, Ala nen arum wonage kagak, nogo seribu dua ratus enam puluh yit nage kagarak o.