Matiyut 19:4 - Ala Wone Peenok Peebi Mbanak

^4-5 Yogo mbareegwa, Yetut nen, “At o aa'nduk togon yi mendek ndi mendek wakkage logonet, aap wakkage, kwe wakkage, eerogo piige nagagerik, ari logonet, Togop me, aap nen agalo-ogoba teppiinok, akweeluk imbirak lambunna'nuk, it ineebe mbere kwe, ambit aret arugun o, yinuk, yereegerak liiru mbanak nogo, kit pekkaga'lek monggotak ya?

Matiyut 19:4 ပူးပေါင်းရင်းမြစ်များ

Wakkagagerak 1:27

Aakumi at etenggen pogom ogobakkigirogo piyareegerak. Ogobakkigike logonet, at etenggen pogom aap wakkage, kwe wakkage, Eereegerak.

Wakkagagerak 2:18

Yoge nagagerik, at Aliku Ala nen ari logonet, “At aap yi, alik mban logorak ti, meek aret me, ore yeenggwaage logorak at ndak-ndak kero ambi ogobakkigirikit o,” yereegerak.

Wakkagagerak 2:23

Wogoge mbareegi, at aap Aram nogo nen ari logonet, “At eebe ti, aap eebenowak mendek aret me, At eebenowak ti, an neebenowak aret. Ndi, at enggaanggum ti, an nenggaanggum aret. Togop me, at endage ti, Kwe, yogo logorak o,” yinuk, yereegerak.

Wakkagagerak 5:2

Aap inom, kwe inom, ogobakkigirinabeegerak. Ogobakkigirinake nagagerik, ale'nggen inoba piinok, inendage, Aakumi, aret tooninabeegerak.

2 Mbinineegwaarak 24:3

Eeke kagak, Yoyara nen kumi mbere waganogo at Yowat nogo akuwi wogonabuwak nduk, wogoreegerak me, apurilogwe kumi nogo inaagalogwe wologwe-komologwe ndaganabeegwaarak.

Maleyaki 2:15

At Aliku ALA nen it aap akwe imbirak ti, ineebe ambit aret eerogo piyareegerak nogo lek a? Ambit aret kunogo piyareegerak me, ineebe inom, iniki inom, ti, at unde aret o. Nonggop nduk aap akwe imbirak ambit togop aret eerogo piyareegerak? Lek o. At mendek awi wiganogo piyaawak nduk, eereegerak o. Togop me, kiniki alik age kero, arum wakkologwe, ndi, kit tawe paga kinakuwi wogonako logonet, kinom wone koonogo pereegutak nogo taganogo pugwi kiyo, liippugwi, eeko logonip o.

Matiyut 12:3

Yogo mbareegwa, Yetut nen, “At Ndawut inom nogwe nogo mbi abu aganake mbareegi, eereegwaarak nogo, Ala wone liiru mbanak paga pekkaga'lek ogotik?

Matiyut 21:42

Yogo mbareegwa, Yetut nen, “It yugum paga o wuka nen O wuko logonet, yugum ambi mbo pereegwaarak nogo, Yugum ogowa ndoonnaga o. At ninogoba nen aret eereegerak me, Mondok iya lombok eereegerak kogo nogoorik, Pi wako ogoorik o, yinuk, yereegerak liiru mbanak nogo kit pekkaga'lek ogotik ya?

Matiyut 21:6

Eerogo nappiige mbareegi, at Yetut oone waganggwi nogo, nogo nogogwaarik, Yetut yoragagerak nogo ndak-ndak aret eeko logonet,

Matiyut 22:31

Ndi, it aakumi kanggwi ineenik agago mippiyaagin nogo ti, Ala nen ari logonet, Abarakam inom, Itak inom, Yakup inom, inogoba Ala ti, an aret o, yinuk, kit aret yokkiragagerak liiru mbanak nogo, pekkaga'lek ogotik ya? At Ala ti, aakumi kambunuk lek agaatak inogoba lek o. Ata, aakumi ineenik menggaarak inogoba aret mbako logonip o,” yinuk, yoragagerak.

Marakut 12:10

It yugum paga o wuka nen, O wuko logonet, yugum ambi mbo pereegwaarak nogo, Yugum ogowa ndoonnaga o.

Marakut 12:26

It aakumi kanggwi ineenik agago mippiyaagin nogo ti, at Muta nogo eyo ku'mbanak alome kani wunuk ari kagak, wonage me, Ala nen at yoreegerak wone nogo liiru mbangge logonet, Abarakam inom, Itak inom, Yakup inom, inogoba Ala ti, an aret o, yinuk, yoreegerak liiru mbaneegerak nogo kit pekkaga'lek ogotik ya?

Marakut 2:25

Yogo mbareegwa, at Yetut nen, “At Ndawut awuri inom mbi lek me, mbi abu logonet, eereegwaarak nogo, Ala wone liiru mbanak paga kinigen liippega'lek me yogo ogotik?

Lukat 10:26

Yoge mbareegi, at Yetut nen, “Ala wone yugu liiru mbanak ti, nonggop mbanak o? Kat nonggop pekkage menggendak?”

Lukat 6:3

Yorogo mbareegwa, at Yetut nen, “At Ndawut inom, at inom nogogwaarak inom, mbi abu mbareegi, Ala awi wurik me unggwage nagagerik, roti Ala ake pugu nogo it weelek noorak lek Ala unde kenok mban nonggo logorak yugu kagak, waganogo nengge nagagerik, ando at inom nogwe wogoragagerak nogo, liiru mbanak kit pekkaga'lek ogotik?”