Matiyut 19:28 - Ala Wone Peenok Peebi Mbanak

²⁸ Yoge mbareegi, Yetut nen, “Kit an ninom nugu monggoorak yi, peebi o mbogut-nggween ngget ogobakkigike eyom paga, an aap aret nda'nagagirak nogo, tiyanak lombok wone lengganinake minggim wonage neegak, kit kunduk wone lengganinako logowam 12 nogome logonet, aap Iterali inanebunu 12 nogo inowak looninako logomunggup o.

Matiyut 19:28 ပူးပေါင်းရင်းမြစ်များ

1 Endagembogut 18:31

at Aliku ALA nen, “Kat kendage Iterali aret yokkogo logogun o,” yoreegerak aap Yakup apuri inanebunu ndak-ndak yugum 12 waganogo

2 Mbinineegwaarak 9:19

ndi, iyok pit laganggak 6 nappugu nogo, irip aru-ogwe singa ogut 12 eerogo pit lagangge, eereegerak. At Talomo ti eereegerak nogo aap inendagembogut inabu'me piigo menggam togop ambi wonageelik mendek aret eereegerak.

Etara 6:17

Ala awi wurik leenogo puurak ake ti, lembu ngguunok 100 inom, kambin-ndomba ngguunok dua ratus inom, ndomba inaagalogwe ngguunok empat ratus inom, warogo wogogwi, ndi, it Iterali inomaluk lek eerogo piyoorak nduk, Iterali inanebunu ndak-ndak inake kambin ngguunok 12 warogo wogogwi,

Wundeegwaarak 15:27

Yorage mbareegi, it nogo o Elim niyo nggween kabunik 12 inom, eyo nggabu 70 inom, wonage me nogome ari wogo nogogwaarik, niyo nggween kabunik ambet paga taati aret inawooliya wukko'net nogogwaarak.

Wundeegwaarak 24:4

Yogo mbareegwa, at Muta nen Aliku ALA yoreegerak nogo tigitogon aret liiru mbaneegerak. Liiru mbangge nagagerik, ko'lu kuubondendok eenik a'nuk puut abu'me taa'nogo aret Ala ake warogo kani kunggak yuwak nduk, yugum logonogo pege, ndi, it Iterali inanebunu 12 nogo ndak-ndak yugum 12 kuli aret mippege, eerogo pereegerak.

Wundeegwaarak 28:21

Yugum 12 koonogo pemenggaarak ti paga aap Iterali apuri 12 nogo inendage ambitak mban cap negen eerogo inendage ayo waganogo puwak o.

Yetaya 65:17

At Aliku ALA nen ari logonet, “An nen mbogut ngget mendek ogobakkigirogo pege, Nggween ngget mendek ogobakkigirogo pege, Eerigin o. Aa'nduk lombok eerit wogo nogogutak nogo ambinom niniki abe'nage, Ninikime nen ambi koonnage, Eerigin abu lek o.

Yetaya 66:22

Aliku ALA nen ari logonet, “Mbogut ngget mendek eerogo pege, nggween ngget mendek eerogo pege, eerigin nogo ti, lek arigin lek mondok-mondok nenggaanom paga logogin ti kwak, kit paga wiganak mondok-mondok wonogwe, ndi, kit kinendage mondok-mondok ki aret wonage, eerak logogin,” yegerak o.

Ala Unde 24:5

Yoge nagagerik, “It aap an neebe unde nen gandum anggen abu obeelom yigirik aaninggin 12 wakkagak waganogo oroti 12 longgo warogo worappunuk,

Matiyut 16:27

An aap aret nda'nagagirak yi, an nogoba amindik-amendek li'luk eekko'nok, malayikat ninom wogo logomonggoorik, yi aap ndi aap eeko menggaarak onggo ndak-ndak aret wogora woraagun o.

Matiyut 19:27

Yorage mbareegi, at Peterut nen, “Nit yi mendek ndi mendek abok aret mbo punuk, kat ninom nugwi me, nano mendek kolamun a?”

Matiyut 20:21

Yoge mbareegi, at Yetut nen, “Kat kiniki mbakendak yu o.” Yoge mbareegi, kwe nogo nen, “An naagalogwe mbere yi, kat kabu'me piyaawam time kat keebe peenok-peenok logorak yoraanok nduk, yokkigi o.”

Matiyut 25:31

Yetut wone ambinom yorage logonet, “An aap aret nda'nagagirak nobanggi-nobangge li'luk eekko'nok, it malayikat abok aret ninom wage logominggirik, an wone lengganinake minggim tiyanak nogome neegak,

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Marakut 10:37

Yorage mbareegi, it nogo nen, “Kat peebi kamendek li'luk eekko'nok wage keenok, kat keraaninu peenok-peenok kwippinanenok nduk yokkogo,” yoreegwaarak.

Nappiigak 3:21

O maan togon at Ala nen, Togop eerigin o, yinuk, at oone yoraga abu alik leenak nogo, yorage kagak yorogo nogogwaarak nogo, a'me lik yuwak nduk, at Ala nen yi mendek ndi mendek abok aret alik ngget mendek awo eeka'lek logonet, at Yetut mbogut paga time aret logogin o.

2 Timotiyut 2:12

Maluk eeppinanugwi iigak, ninogogumbuk logonet, waganggwi niinok, at ninom tiyanak logonet, aakumi inarum logogun o. Nit nen at mbo pugwi niinok, at kunduk nit mbo pinanigin o.

Yotuwa 3:12

kit Iterali kinanebunu ambitak nggigik 12 aret leenogo piyaamunggup o.

2 Peterut 3:13

At Ala nen, “Mbogut-nggween ngget mendek ogobakkigirogo punuk, aakumi obeelom eeko menggaarak kenok mban time logowak nduk, unde eeppiyaagin o,” yinuk, abok yo'niragagerak nogo unde eeppinanuwak nduk, tokkogo ogoorik o.

Wayu 11:16

Yogo mbaka, nenegen neegak, it mbogut paga wonogwe inoweewi ineebe 24 wone lengganogo yorogo menggam eyo ndoonak paga Ala abu'me kwi'ndak menggaarak nogo nen inetenggen wanduk Ala abu'me ngginnari nogo nagaarik, alut eeko logonet,

Wayu 12:1

Eeke kage nagarik, mbogut paga time eerubok mendek mondok iya lombok ambi eeke kagarak. Kage logonet, kwe ambi tut eebe paga mi'ndak wonage me, ambogoyum negen ti, oonegen aret yirik, ndi, anobak paga nggare-nggare mendaarak enggela'me laaluguragan 12 nabenak wonage kagarak.

Wayu 20:4

Pege mbaki, wone lengganogo yorogo menggam eyo ndoonogo pit nagaarak nogo kage nagarik, it ti paga kwi'ndak wonogwe nogo aakumi inowak loonggo logowak nduk, unde eeppiige kagarak. Ti kage nagarik, it Ala wone mugurok nogo logonet, Yetut wone paganogo yoragagerak nogo abet mba'nuk, yoranet nogwe iigak, inenggaanok mbanogo piyareegwaarak inogoma nogo iigirak. It ti nen, “At nggeewo aa'nduk lagi wagaarak eebe inom, ogut ogobakkigirik nogo inom, nit alut eerugun lek o. Ndi, nggeewo endage nogo ti, nit ninenggaawak paga inom, nineenggi paga inom, ti kunduk, liiru mbanogo puurak lek mban o,” yinuk, yogwi iinok, inenggaanok mbanogo piyareegwaarak inogoma nogo ineenik a'nuk Keritut inom tiyanak logonet, wone lengganogo yorogwe iigak, tahun seribu aret age kagarak.

Wayu 21:5

Ari naruk konembunuk, wonage me, at wone lengganogo yorage menggim eyo ndoonak paga kwi'ndak wonage nogo nen an yo'nege logonet, “Wone yi, liirogon karuk konengge logot o. An nen yi mendek ndi mendek abok aret ngget ogobakkigirogo pege yi, abet aret a'me nggelok yigin me, liiru mbanu o.”

Wayu 22:5

Time o kiip age, o weege, eeka'lek o liingge mban wonage kagak, it aakumi nen Ala eya paga nugu logogun me, nugu logonet, “O eya aruwak nduk, oonegen wundi wage, ndi, ndi wuninggwi, eeruwak lak ao,” mbaka'lek it aap inendagembogut negen logonet, mondok-mondok wone lengganogo yorogo logogun o.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.

Wayu 4:4

it mbogut paga wonogwe inoweewi ineebe 24 nen inayum yanggwi negen yirikwi, mbuti emas paga nggare-nggare mendaarak inanobak paga yirikwi, eeppunuk, wone lengganogo yorage menggim oolo kagak, it wone lengganogo yorogo menggam eyo ndoonak 24 wanggerak wonage nogo paga inoweewi 24 nogo ti paga kwi'ndak wonogwe iigirak.

Wayu 7:4

“It Iterali paga wiganak inanebunu lombok abok ineebe lambuk togon seratus empat puluh empat ribu leenogo piya o,” yinuk, ari naruk konengge nagarik,