Matiyut 19:21 - Ala Wone Peenok Peebi Mbanak

²¹ Yoge mbareegi, Yetut nen, “Wulaga. An aap abu obeelom lombok logokit, mbake keenok, kamendek abok aret onggo mbangge logomenggendik, it inamendek lek nogo tumburira nak o. Tumburira nage keenok, kamendek abe mendek mbogut paga aret kolaamunggun o. Ti abu eeke logomenggendik perak, nimbirak nugu logowok nduk wa'nu o.”

Matiyut 19:21 ပူးပေါင်းရင်းမြစ်များ

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Wakkagagerak 6:9

Aap Nu eeke nagagerak wone yi aret. At Nu apuri ineebe kenagan nogo inendage Tem, Kam, Yapet, aret ndaganabeegerak. Ndi, it yi aakumi ndi aakumi o nggween paga wonogogwaarak nogo abok aret Ala enggaanom paga maluk mban eerit nogwe, yi awi ndi awi abok aret inanini nen ugun-ugun eerit nogwe, eekwi iigak kwe, at Nu alik perak, o ti eyom paga aakumi at inom wonogogwaarak nogo inenggela'me logonet, maluk eeke, aakumi inoone at oba pugwi, eeka'lek obeelom mban eerit nage logonet, Ala imbirak iniki kunik aret wonagagerak.

Ayup 1:1

Aap ambi endage Ayup o Ut wonagagerak. Aap ti, iniki abu koonak me, aakumi inoone at oba pega'lek aret wonagagerak. At Ala ayuk wuke, maluk kenok, “Neebi o,” yinuk, mbo pege, eeke nagagerak.

Ndawi 37:37

It aap mage mili mbangga nogo Inapuri ambik wigannarit wundi wogo menggaarak me, It aap maluk inoba lenggenggulik nogo liippiigwi, It aap iniki koonak nogo maloppiigwi, Eeko logonip o.

Matiyut 16:24

Yoge nagagerik, Yetut nen it at oone waganggwi nogo yorage logonet, “Kit an ninom nugu logorak mbakwi kenok, yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo ko'nok, ninom aret nugu logowok o.

Matiyut 19:20

Yoge mbareegi, aap tawe nogo nen, “Wone ti, abok aret liirogon eeke minggirak kwe, ambiriluk ambi ngge eeka'lek neenok, yagan o?”

Matiyut 19:22

Yoge nogo aruk konengge nagagerik, amendek ambik me, iniki puru agan ame nagagerak.

Matiyut 19:28

Yoge mbareegi, Yetut nen, “Kit an ninom nugu monggoorak yi, peebi o mbogut-nggween ngget ogobakkigike eyom paga, an aap aret nda'nagagirak nogo, tiyanak lombok wone lengganinake minggim wonage neegak, kit kunduk wone lengganinako logowam 12 nogome logonet, aap Iterali inanebunu 12 nogo inowak looninako logomunggup o.

Matiyut 4:19

Enegen iige nagagerik, “Wologwe yi wae. Ikan waganggo monggotak ti kokwak, aakumi wogonabit nugu logorak mamungginabikit nduk, ninom nawok nen woraanip o.”

Matiyut 5:48

Kit kinogoba mbogut paga mendek abu obeelom lombok menggerak nogo ndak-ndak, kit abu obeelom togop aret logonip o,” yinuk, yoragagerak.

Matiyut 8:22

Yoge mbareegi, Yetut nen, “It aakumi kambeegwaarak mendek nen inowe-inawot kanggwi nogo nggween taambiigo logowak nduk, teppiinok, an nimbirak nugu logowok o,” yinuk, yoreegerak.

Matiyut 9:9

At Yetut o time teppunuk, tu paga nage logonet, aap ambi endage Matiyut o unde inake wu kuwak eeko menggam taati kwi'ndak wonage enegen kage nagagerik, “Nimbirak nawok nduk, omok o.” Yoge mbareegi, at Matiyut nogo mi'nage nagagerik, Yetut imbirak aret nagagerak.

Marakut 10:21

Yoge mbareegi, at Yetut ena nomorogon enegen pekkage nagagerik, abuwa mbake logonet, “Wone ti abok aret eeke menggendak kwe, ambiriluk perak, awo eeka'lek keegirak nogo yokkiri o. Kat kamindik-kamendek onggo nggerembunuk, it aap inamendek lek kenok tumburira nak o. Tumburira nage keenok, kamendek abe mendek mbogut paga time kolaamunggun o. Ti eeke logomenggendik, nimbirak nugu logowok nduk wa'nu o,”

Marakut 2:14

Wone mamunirage nagagerik, tu paga nage logonet, at Alepeyut aput Lewi nogo, it o unde inake wu kuwak eeko menggam kwi'ndak wonage enegen kagagerak. Enegen kage nagagerik, “Nimbirak nawok nduk, omok o,” yoge mbareegi, mi'nage nagagerik, Yetut imbirak nagagerak.

Marakut 8:34

Mberege mbareegi, it aakumi kuwak aago inom, at oone waganggwi nogo inom, wiiragagerak wogo mbareegwa, yorage logonet, “Kit an ninom nugu logorak mbakwi kenok, kit yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo, ko'nok an ninom aret nugu logowok o.

Lukat 12:33

Kinamendek paga wu kunggo logomonggotik, aap ineenggi lek kenok, wogoraanip o. It aap yogoot iyagalo kiraari unggwage, yininuwo nibini unggwage, eekeelik menggim mbogut paga time kinamendek abe, lek ariyak lek nogo mendek yonggolak logowak nduk, yumunggok awi nibik yuurak lek nogo mendek yirikkologo logonip o.

Lukat 14:33

Ti eeko mengga kwak, kit ambi kinamindik-kinamendek apit aret mbo pega'lek kagak an noone waganggwi mendek arumunggup lek o,” yoragagerak.

Lukat 16:9

Nggween paga mendek aakumi ineenggi warak eekkologo menggaarak nogo paga aakumi yeenggwaaranet nogo logonet, lek age kenok, o mondok obeelom menggim time nen keyage warogo wokkinabuwak nduk, nggween paga mendek nogo paga kinoreewi kinom kunik eeginabit nugu logonip o, yinuk, yokkirage agarik o.

Lukat 18:22

Yoge nogo at Yetut konengge nagagerik, “Wone ti abok aret eeke menggendak kwe, ambiriluk perak, eeka'lek keegirak nogo yokkiri o. Kat kamendek abok aret onggo mbanogo it aap inamendek lek nogo tumburira nak o. Tumburira nage keenok, kamendek abe mendek mbogut paga wonage kaamunggun o. Ti eeke logomenggendik, nimbirak nugu logowok nduk, wa'nu o,” yinuk, yoreegerak.

Lukat 5:27

Ti eeppunuk, at Yetut endekem wundi nage nagagerik, aap o unde inake wu kuwak eeka mendek ambi endage Lewi wu kuwak eeko menggam kwi'ndak wonage kagagerak. Kage nagagerik, Yetut nen at yoge logonet, “Nimbirak nawok nduk, mok o.”

Lukat 6:40

It wone mamuniraga nogo tebenak iigak, wone mamunggolaga nogo tiyanak wonogolik o. It mamunggolaga nogo abu mamunggologo logomenggaarik perak, it mamuniraga ndak-ndak aret logogun o.

Lukat 9:23

Yorage nagagerik, it apit aret yorage logonet, “An ninom nugu logorak mbakwi kenok, kit yi eekak ndi eekak eeriyak mbakwi nogo mbo punuk, ko'lu-kii'me eyo karo-karo paga nabembinagarak nogo, ko'nok an ninom aret nugu logowok o.

Yaya 10:27

An nandomba ti, an noone konenggo menggaarak. An nen it neenu minggirak me, it nen an mu'neren wogo menggaarak.

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Nappiigak 2:45

it inamindik-inamendek nogo, onggo nggerembunuk, it ambi inamendek lek kenok, tumburirogo nogogwaarak.

Iberani 10:34

Kinoreewi ando keele maarak wonogwe nogo, inabuwa mbako logonet, yeenggwaarogwe, ndi, kinamendek ndinggola unggwogwe iigak, “Namendek abe mondok logorak mendek alik ambime wonage aret me, op aret kolaga o,” yinuk, kiniki ale'nggen mbakwi, eeko nogogutak me,