Matiyut 19:12 - Ala Wone Peenok Peebi Mbanak

¹² Aap ando inagalo inikime nen inakuwi wogonaburak lek, iniitok ndarak wonogwe o. Ndi, ando aakumi nen eeginabeegwaarak paga inakuwi wogonaka'lek aret menggaarak o. Ndi, it ando yogo logonet, Nit nen aakumi at mbogut paga mendek abu'me piigo logorak me, ninakuwi wogonaburak lek o, yinuk, miikkologwe paga inakuwi wogonaka'lek aret wonogwe me, wone yi woorak kenok, wanip o,” yinuk, yoragagerak.

Matiyut 19:12 ပူးပေါင်းရင်းမြစ်များ

Yetaya 39:7

ndi, kat kapuri-kombowologwe ndaganabemenggaarak ando wogonakwi, ee'nuk, o Mbaben piya nanuk, aap kenok inooli waganogo aap Mbaben inowe endagembogut awi o nggwok abe wurik me ake eeko logowak nduk, piyaagin o, yinuk, Aliku ALA nen ari kenok yokkigi o.”

Matiyut 19:11

Yogo mbareegwa, at Yetut nen, “Aakumi abok aret wone yi waagun lek o. Ata, Ala nen, Woorak, kooneegerak mban aret waagun o.

Matiyut 19:13

Ti'nuk, it aakumi nen at Yetut elege-aabologwe eenggi inanobak tebembiinok, tamban eeginabuwak nduk, wogoret at owagam wogo mbareegwa, at oone waganggwi nen aakumi nogo mberirogogwaarak.

1 Korindut 9:15

Koonogo pereegerak kwe, “Kinamendek ambi wo'ninip o,” yinuk, an yokkirage logolik o. Ndi, yogondak kunduk, kit ambi eeppanubagip nduk, liiru yi mbanggirage lek mban. An kambuurak op aret mbake kwe, “An Ala ake pugu waagin abu lek o,” ari minggirak ti, iya lombok mbake me, aakumi nen lek eerogo paniyak lek aret o.

1 Korindut 9:5

It aap nappiigak mendek ando inom, at ninowe awurilogwe ambokan ndarak inom, Peterut inom, Ala wone wonok nugu logonet, inakuwi wogoren nugu menggaarak nogo ndak-ndak, nit togon togop eeriyak meek mbakop?

Wayu 14:4

It aap ti, kumi wogonakulik me, kumi inom mondok lambunulik aret menggaarak. Yi mendek ndi mendek aa'nduk mendek Ala ake pogo mengga kwak, aakumi ando iigak, it nogo mban Ala inom, at Ndomba Aagaluk inom, inake leenak logowak nduk, inonggo mbanogo inagap ndareegerak me, Ndomba Aagaluk nogo mban inom nugu menggaarak.