Matiyut 18:7 - Ala Wone Peenok Peebi Mbanak

⁷ Kit o nggween paga yime maluk eerumunggup nduk, eekkinake ti, wonage aret me, kinabuwa o. Maluk eeriyak eekkinake nogo ti, logogin aret kwe, it aap nen kit maluk eerumunggup nduk eekkinakwi iinok perak, inabuwa o.

Matiyut 18:7 ပူးပေါင်းရင်းမြစ်များ

Wakkagagerak 13:7

Abaram aanggumi ndegeninaka inom, Lot aanggumi ndegeninaka inom, wone wako nogogwaarak. Ndi, ti eyom paga it aap inanebunu Kanan mendek inom, Perit mendek inom, time aret wonogogwaarak.

2 Tamuwen 12:14

kat eekendak paga at Aliku ALA awim nen, At Aliku ALA ti, meek aret kogoo, yinuk, agi'ndok kanggwi me, kapuluk kobaane'me pakendak nogo ti, kambigin areto,” yinuk, yoreegerak.

Matiyut 16:23

Yoge mbareegi, at Yetut ena logurogon pekkage logonet, Peterut yoge, “Kat Ibilit negen ari yi, Ala iniki mbake nogo eeriyak mba'nuk ari lek o. Ata, aakumi iniki mbakwi nogo eeriyak mbake logonet, an non mbambanege me, mondok nak o,” yoreegerak.

Matiyut 26:24

An aap aret nda'nagagirak yi, an eeriminggirak nabok wone liiru mbanak ndak-ndak eeri nagin kwe, at aap it aakumi neebe nooruwak nduk yoramenggerak ti perak, abuwa o. At nda'nariyak lek mendek aret nda'nagagerak o.”

Marakut 13:7

Wim nggaganggwi, wim nambukwi, eekwi abok kinaruk konenggo logomonggotak kwe, kiniki lek arubok o. Ti arit woramenggerak kwe, Yi o age yobok ari wage logonet, eeke, mbarubok o.

Lukat 17:1

Yorage nagagerik, Yetut nen at oone waganggwi nogo yorage logonet, “Kit maluk eerubagip nduk, kinikime mambinagi woramenggerak kwe, at kinikime mambinagi wage nogo perak, abuwa o.

Yaya 17:12

It wo'nereegindak nogo an ninom logonet, kat komaawi eeppaneegindak nogo paga ndegeninake nagarak o. Ndegeninake neegak, ambi kobak arulik kwe, at ambi kobak ariyak nduk nda'nagagerak nogo perak, Ala wone yugu liiru mbaneegerak nogo a'me lik yuwak nduk, kobak agaarak o.

Nappiigak 1:16

yorage logonet, “Nowe-nawot o. At Yurat ninom Yetut oone woppunuk, at eyabu eeko logowok nduk leenogo mippinaneegerak kwe, at eeriyak wone o aa'nduk togon Aberiniki nen Ndawut yoge kagak yereegerak Ala wone liiru mbanak nogo, a'me lik yuwak nduk, at Yurat nen yorage mbaki, Yetut eebe pigaganggaarak o,” yinuk, yoragagerak. (

1 Korindut 11:19

Kit wone-wone yogo logonetak lek en, taani nen wone liippunuk agan nugwi nogo, alom kin a'netak lek kwe, wone-wone yogo monggotak nogo paga alom kenom aga o.

1 Timotiyut 6:1

Ala endage inom, nit wone mamunirogwe nogo inom, miyuk-meya eerogo pukwak, it aakumi inayeloman nen, “Ninogobamini aret o,” yinuk, inoone konenggo logonet, inayuk wuko logowak o.

Titut 2:8

Ata, kayuk warak logonet, yorage kenok, it aap koone woorak, “Nineebi,” mbakwi nogo nen wone maluk ambi yoramenggendak paga yilunogo punuk, nit tebembinaniyak lek me, it inenggali aruwak nduk, wone koleewak wone kenggali wappagarak lek nogo mendek mban yorage logot o.

1 Tamuwen 2:17

It Eli apuri mbere nen togop eeriyak inayeloman yogo nogogwaarak nogo ti, Aliku ALA ake warogo wogogwi abu meek mba'nuk, yogo nogogwaarak me, Aliku ALA enegen kagak maluk nggwok lombok eeko nogogwaarak.