Matiyut 18:35 - Ala Wone Peenok Peebi Mbanak

³⁵ Yoge nagagerik, “Kit kinoreewi maluk eeppinagagwi nogo, kinalitak lombok abet aret kinami eerogo piigwi lek kiinok, an nogoba mbogut paga mendek nen kit togop aret eekkinabigin o,” yinuk, yoragagerak.

Matiyut 18:35 ပူးပေါင်းရင်းမြစ်များ

Kini Wuppiige 21:13

It aap ineenggi lek nen inoone nggwok paga, “Yeenggwa niret o,” aap ambi yogwi nogo aruk nappatinuk wonage kenok, At kunduk oone yemenggerak kwe, onggo yorugun lek aret o.

Kini Wuppiige 21:2

Aakumi nen, “Nit eekwi abok aret op eerit nogo ogoorik o,” mbako menggaarak kwe, Aliku ALA perak, alom ngge eeruwok nduk, iniki koonggwi nogo liippiige menggerak.

Yeremiya 3:10

An nen Iterali eeppiige abok aret it ugun-ugun eekwi inawuluk Yekura nogo nen inigen iige nagagerik, iyokan neya wagagerak kwe, iniki abe paga woroolik o. Ata, neya wage yuwak wagagerak o,” yinuk, Aliku ALA nen an yo'negerak.

Takariya 7:12

Iniki yugum moolingget kwak kumbunuk, eeko logorak wone yugu inom, at Omaawi Lombok Menggerak Aliku ALA yereegerak Aberiniki nen it aap Ala yorage kagak yoraga nen yoragak yuwak nduk, o aa'nduk yorogo nogogwaarak nogo inom, nen, “Koneniyak nineebi o,” yinuk, yereegwaarak me, at Omaawi Lombok Menggerak Aliku ALA nen anini iya lombok inoba kwippiyareegerak.

Matiyut 18:34

Nawu obaane'me wo'nega'lek keegak, mondok-mondok yawi kooko logowak o, yinuk, anini nen it yawi unde menggaarak nogo wogoragagerak o,” yinuk, yoragagerak.

Matiyut 6:12

Ndi, it aap nit maluk eerogo pinanugwi nogo, ninami eerogo piigo monggo kwak, Kat nen nit ninomaluk lek eerogo pinanu o.

Marakut 11:25

Ndi, kit mi'na'nuk, tamban eeko logonet, aap ambi kinom ogoorak wonage kenok, kinogoba mbogut paga wonage nogo nen kit kinomaluk lek eerogo pinagawak nduk, at omaluk nogo kinami eeppunuk logonip o,” yinuk, yoragagerak. (

Marakut 11:26

Kit nen aap ambi omaluk kinami eerogo pugwi lek kiinok, kinogoba mbogut paga wonage nogo nen kit kinomaluk lek eerogo pinagagin lek aret o.)

Lukat 16:15

Meek agago pogo mbareegwa, at Yetut nen it yorage logonet, “Kit nen aakumi obeelom kinombaruwak nduk, kinaana'le mbanggo'net nugwi kwe, Ala nen perak, kiniki mbakwi nogo eenu menggerak. It aakumi nen, Wi! yinuk, iya mbakwi nogo at Ala eebi lombok mbake menggerak.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.

Yakobut 3:14

“Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.

Yakobut 4:8

Kit Ala owagam nogwe kiinok, at kunduk, kit kinowagam ari wage logogin o. Kit maluk eeko monggotak yi, kineenggi kookwi, ndi, kiniki mbere yi, ambit eeppunuk kinomaluk mbo pugwi, eeko logonip o.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.