Matiyut 18:33 - Ala Wone Peenok Peebi Mbanak

³³ an nen kat kabuwa mbakirak pogom koreeluk abuwa mbakembok eekendak ti, nonggop nduk eekendak o?

Matiyut 18:33 ပူးပေါင်းရင်းမြစ်များ

Matiyut 18:32

Yori nogo mbareegwa, inogoba nogo nen aap nogo wiireegerak wage mbareegi, yoge logonet, Kat aap maluk lombok eeke yi, koone nabek togon yo'nege mbaken, nanomat mbanak we aret teppagagirak kwe,

Matiyut 18:34

Nawu obaane'me wo'nega'lek keegak, mondok-mondok yawi kooko logowak o, yinuk, anini nen it yawi unde menggaarak nogo wogoragagerak o,” yinuk, yoragagerak.

Matiyut 5:7

It aakumi inoreewi inabuwa nen eeppiigo menggaarak nogo ti, Ala nen it kunduk inabuwa nen eeppiyaagin me, Iniki ale'nggen aret mbako logowak o.

Matiyut 6:12

Ndi, it aap nit maluk eerogo pinanugwi nogo, ninami eerogo piigo monggo kwak, Kat nen nit ninomaluk lek eerogo pinanu o.

Epetut 4:32

Mbo punuk, kinom nabuwa-kabuwa eeko logonet, kiniki yanggonak paga at ambi obeelom eeppegak eeko logonip o. Keritut eereegerak nogo paga Ala nen kit kinomaluk lek eerogo pereegerak nogo ndak-ndak, kit-kit aret maluk eekkologomonggotak nogo, mari eerogo mbo pogo logonip o.

Kolote 3:13

yeenggwa-yeenggwa eekwi, eeko logonet, at ambi nen at ambi omaluk mari eerogo pegak eeko logonip o. Kit kinore ambi nen maluk eeppinagage kenok, ninowe nen kit kinomaluk mondok lek eerogo pereegerak nogo ndak-ndak, kit togop aret at maluk eeppinagage nogo, mari eerogo mbo pogo logonip o.