Matiyut 18:31 - Ala Wone Peenok Peebi Mbanak

³¹ Keele maarogo mambiigo menggam mambereegerak nogo, oreewi nen inigen kogo nogogwaarik, iniki abu maluk a'nuk, aap eereegerak nogo inogoba mbininogo yori nogogwaarak.

Matiyut 18:31 ပူးပေါင်းရင်းမြစ်များ

Wakkagagerak 37:2

Wonage logonet, apurilogwe inom eerit nogo nogogwaarak wone yi aret. Yutup nogo wulaga awo tawe tahun 17 ari nagagerak kagak, Yakup akuwi mbere Mbilaka Tilapa imbirak inaagalogwe wologwe nogo inom inogoba aanggumi kambin-ndomba ndegeninako logonet, oweewi nogo maluk eekwi iinok, Yutup nen wone wonok ogoba yori wagagerak.

Ndawi 119:136

Koone yugu Muta liiru mbaneegerak nogo It aakumi woppunuk eeka'lek paga Niyo wu'nuk wage menggi kwak Nale togop aret wambit wage menggerak o.

Ndawi 119:158

It aap koone ineebi mbaka nen Koone yugu porogo logonet eekulik iinok, Nenegen pegiyoorak neebi mbake minggirak o.

Yeremiya 9:1

Nanobak me niyo yenggenak kwak wonage, Ndi, niyo kila-kila wundi wage menggi kwak, nenegen me nen wundi wage, Eeke logowak lak, ao! Togop aret logonetak en, it aakumi an nowe-nawot inoorak nogo liingge-oonikiya inale ari logonetak o.

Matiyut 14:9

Yoge mbareegi, aap endagembogut Keroret nogo abuwa nen iniki abu maluk agagerak kwe, it laago lakome wogogwaarak inenggaanom paga ombo owak mbaneegerak me, agabiti nen, “Yo'negerak nogo aret eeri nak o,” yinuk, aap ambi nen Yaya anobak mbanogo wogori woraawak nduk, nappereegerak.

Matiyut 18:28

Teppereegerak kwe, ayeloman nogo endekem wundi nage nagagerik, oreeluk ambi at anomat wu mbuuluk we 100 dinar wogoreegerak nogo kage nagagerik, enggaanok nggeremborogo logonet, Nawu wokkigirak nogo obaane'me wo'niru o.

Matiyut 18:30

Yoreegerak kwe, aap nogo nen, Lek o. Nawu obaane'me wo'nege kenok perak, keele piinogo pagarak o, yinuk, keele maarogo mambiigo menggam mambereegerak.

Matiyut 18:32

Yori nogo mbareegwa, inogoba nogo nen aap nogo wiireegerak wage mbareegi, yoge logonet, Kat aap maluk lombok eeke yi, koone nabek togon yo'nege mbaken, nanomat mbanak we aret teppagagirak kwe,

Marakut 3:5

“Inogogun laakot yi, ai!” yinuk, at enegen abi inoorit nage nagagerik, aap eenggi kambak nogo yoge logonet, “Keenggi nggingget o,” yoge mbareegi, ngginggage nagagerik, eenggi obeelom aret agagerak.

Lukat 14:21

Eereegwaarak nogo ayeloman nen ogoba mbininogo yori wage mbareegi, ogoba anini nen ayeloman yoge logonet, O kota yime tu andogon-andogon apit aret nage logomenggendik, aap ineenggi lek kenok, ineenggi-iniyok peenok warak peenok lek kenok, inigen mbuk kenok, endop maluk kenok, mbet-mbet wogoret wa'nu o.

Lukat 19:41

Yorage nagagerik, o kota Yerutalem panggo yi wage nagagerik, enegen kage logonet, le yereegerak.

Oroma 12:15

Ale'nggen yogwe iinok, kinom ale'nggen yogwe, it le yogwe iinok, kinom aret le yogwe, eeko logonip o.

2 Korindut 11:21

nit perak, togop eeppinagarak ninagabiti nen ninoone yanggorogon yokkirogogurak me, ninenggali aga o. It aap kumili negen ugun yogo mengga kwak, an togop yuurak neebi mbake kwe, it aakumi ando inagabiti lek, ambi eekaarak paga wogoppakwi me, an togon nagabiti lek mbuuluk wogoppatiyak mban tit mbake agarik o.

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.

Iberani 13:3

It aakumi keele maarak wonogwe nogo, “An ninom keele maarak negen wonage kagi,” yinuk, yeenggwaarogwe, ndi, aakumi nen yawi paga inookwi iinok, andi kogwe nogo, “An kunduk, togop aret noo'netak en, andi kaanetak o,” yinuk, iniki eyak wappiigwi, eeko logonip o.