It aap Ala nen yorage kagak yoraga inakuwi kwe ambi nen at Elita owagam nage nagagerik, oone nggwok paga yoge logonet, “An kayeloman nogonggelo muk kambeegerak nogo ti, Aliku ALA agabiti mbake nagagerak keenu aret kwe, at nogonggelo anomat mbanak nogo nen woraanuk, naagalogwe mbere wogoren ayeloman eeppiya noorak ari o.”
Matiyut 18:25 - Ala Wone Peenok Peebi Mbanak25 awu lek me, wogoriyak meek aret age mbareegi, aap nggwok nogo nen awuri yorage logonet, Aap yi eebe inom, akwe-apuri inom, amindik-amendek inom, abok aret aakumi kunggolaawak nduk, wogorogo logomonggotik, onggo wu wokkiramenggaarak nogo, an nawu wogoreegirak obaane'me an aret wo'niri wa'nu o. အခန်းကိုကြည့်ပါ။ |
Matiyut 18:25
9 ပူးပေါင်းရင်းမြစ်များ
“Kit ninoreewi ninamiya mogonik aret wonogwe, ndi, nit ninapurilogwe ti, kit kinapurilogwe ndak-ndak aret wonogwe, eeko monggoorak kwe, ninawu lek kenok, ninapuri wologwe-komologwe aakumi inayeloman logowak nduk, inonggo mbanggologwe, ndi, ninapuri komologwe ando nogo ti, muk aap alik inayeloman ogogwaarak me, ninanggween inom, nineyabu anggur yarak inom, ti muk aakumi alik unde eeppiigoorak me, nineenggi awiirak aret ogoorik o,” yinuk, yogwe, eekwi nogo koneneegirak o.
it nogo yorage logonet, “It aakumi alik mendek nen nit ninoreewi Yakuri mendek keele maageren piya nogogwaarak nogo nit nen wakkagak mban eeko logonet, wondet eerogo wogoren piya wogogurak kwe, an nen ambinom wondet eerogo piyaakit lak nonggop nduk, ambinom tebenogo piyoorak nduk, eeko ogotik?” Yorage mbareegi, wone onggo yo'niriyak meek aret me, inoone lek puk aret ogogwaarak.
o weeremenggerak paga waremenggerak kangge kenok perak, amiya at eenggi paga aret logogin o. Aap ambi nen aap alik amendek yogoot wagangge kenok, obaane'me awi yakkaawak o. Ndi, awi yariyak amendek lek kenok perak, aap ambi ayeloman age logomenggerik, at eebe onggo nggerenak wu nogo paga aap amendek kiraaremenggerak nogo, obaane'me awi yakkaawak o.
At Aliku ALA yegerak nogo yi aret. “Kwe yi neebi o, yinuk, wumbege logonet ninarum wonogwe inenggaanom paga liiru mbanogo kagalo wogoreegirak ngge o? Ndi, an nanomat mbanak porogo wonogwe me lek aruwak nduk, keebe waganogo ayeloman logonok nduk wogoreegirak aap ta o? Lek aret o! Kat maluk eeke keenok, aakumi inayeloman logonok nduk, keebe waganogo aakumi wogorage, Kat maluk eeke keenok, Kagalo neebi o, yinuk, mbo pege, Eereegirak o.
ကြော်ငြာတွေ