Matiyut 17:5 - Ala Wone Peenok Peebi Mbanak

⁵ Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Matiyut 17:5 ပူးပေါင်းရင်းမြစ်များ

Ayup 38:1

Yoge mbareegi, o wiya nombok-kombok warit wage enggela'me at Aliku ALA nen aap Ayup yoge logonet,

Ndawi 81:7

Aaninggin kinoba age paga, “Ninagap ndaru o,” yinuk, Yo'nugwi kiinok, kinagap ndake, O ngguurubu eeke enggela'me kumaarak logonet, Wone onggo yokkirage, Niyo Meriba eneeri wungge me nen kinabut mbangge, Eereegirak o.

Wundeegwaarak 19:19

eeke kagak, enggela'me trompet oone mbuuluk eerit-eerit nggwok lombok eeke kagak, at Muta nogo Ala yoge mbareegi, Ala nen wone onggo ngguurubu eeke paga yoreegerak.

Yetaya 42:1

“An nen leenogo pateegirak niniki kunik eeke, Eerit nage kagak panggombege, Eeke minggirak nayeloman eeke logorak nogo yi aret. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Yetaya 42:21

At Aliku ALA iniki abe koonak menggerak me, “An noone yugu ti, iya, yinuk, tiyappogo logowak nduk, Ao,” mbake menggerak kwe,

Matiyut 12:18

“An nen leenogo pateegirak nayeloman niniki kunik nale'nggen ee'nake yi kaanip o. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Matiyut 17:6

Yorage nogo it Yetut oone waganggwi inaruk konenggo nogogwaarik, inagabiti ambik ogo logonet, inete wanduk nggween paga wambeegwaarak.

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Marakut 1:11

Kage mbareegi, mbogut paga nen oone ari logonet, “Kat naput niniki kunik aret me, nale'nggen ee'nake keegi o,” yoge kagagerak.

Marakut 9:7

Yoge mbareegi, ameraakot nobappiya wage nagagerik, enggela'me nogome nen oone ambi ari logonet, “An naput niniki kunik yi aret me, at oone kinaruk liirogon konenggo logonip o,” yinuk, ari koneneegwaarak.

Lukat 3:22

Aberiniki eebe towe puume pogom wiga agan at Yetut oba nabi wagagerak. Oba nabi wage mbareegi, mbogut paga nen oone ari logonet, “Napuluk niniki kunik lombok kat aret me, niniki ale'nggen ee'nake keegi o,” yinuk, yoge kagagerak.

Yaya 3:16

At Ala nen yi aap ndi aap abok inabuwa nggwok lombok mbareegerak me, at aput ambolom ndarak an aret nappani wogoragagerak. Togop me, it aakumi iniki noba panggombunuk, abet nombakwi iinok, lek eerogo piyaagin lek ineenik mondok-mondok aret logogun o.

Yaya 3:35

Ogoba nen aput iniki kunik menggerak me, yi eekak ndi eekak apit aret at eeke logowak nduk, unde eeppereegerak.

Yaya 5:37

An nogoba nappani wagagerak kunduk nabok paganogo yokkiragagerak kwe, kit at oone kinaruk konenggwi, ndi, at enete kunduk, kinigen kogwe, mondok eeka'lek aret ogotik o.

Nappiigak 1:9

Wone ti yorage nagagerik, ina nigagik iigak, wonok lagi nage mbareegi, ameraakot enggela'me nobareegerak o.

Nappiigak 7:37

Ala nen yoge kagak yoraga kit mendek ambi an kwak nappi woraagin o, yinuk, it Iterali mendek yoragagerak nogo ti, Muta mban aret.

Epetut 1:6

Ninabuwa mbake logonet, at aput iniki kunik nen wo'niragagerak nogo paga, amendek mondok alik negen ngginu-ngginu eerogo wo'nirage menggerak me, nit mondok at alut eeko logowok o.

Pelaareegerak 18:15

At Aliku kinogoba Ala nen kit kinoreewi lombok inenggela'me nen an Ala wone yokkirage minggi kwak yokkirage logowak nduk, mippege kenok, at oone aret konenggo logomunggup o.

Pelaareegerak 18:19

Ndi, at nen an nendage paga noone yorage nogo it aakumi nen liirogon inaruk konembunuk eeka'lek iinok ti, an nen, Kit nonggop nduk wone ti eeka'lek ogotik o? yinuk, aaninggin inoba kwippiyaagin o.

Pelaareegerak 5:22

Ndi, kit wonogwe abok aret puut abu'me wonogwe kiigak, kani wunuk ari, ndugwi kwak ka'luk kwit agan lagangge, o apit age, eeke enggela'me at Aliku ALA oone nggwok paga, Yogop ee'nu ndogop ee'nu, yinuk, wone yokkiragagerak koneneegutak nogo ti aret o. Alik ambi inom wonage abu lek o. Wone ti abu aret yokkirage nagagerik, yugum tabak mbere paga liiru mbanogo an wo'nereegerak nogo o.

Kolote 1:13

At o apit aago unde menggim nit keele maarak negen wonogwe me, Ala nen ninagap ndarogo at aput iniki kunik nogo abu'me pinani nage mbareegi,

Iberani 5:9

Teppege mbareegi, nit ee'ninake menggerak nogo, at abu li'luk eerogo mamunggolage nagagerik, nit at oone woppunuk, eerit nogwe nogo, abok aret nineenik mondok-mondok logowok nduk, ninagap ndake logorak alom at aret agagerak me,

Wayu 1:7

At ndugwi paga wage kenok, it aakumi o nggween paga menggaarak inanebunu lombok at wareegwaarak nogo mendek inom abok aret inalitak lombok nen inigen kogo logomenggaarik, leenggu maako logogun me, liippogo logonip o, yinuk, abet aret yokkiragi o. Amin.

Wayu 14:14

Wone ari nogo naruk konengge nagarik, wonage me, aakumi inetenggen pogom ambi nggare-nggare mendaarak mbuti emas mendek anobak paga yirik, ndi, paloowi ena yomonak ngget ambik eenggime porogo logonet, ndugwi abinak lan ari nogo paga kwi'ndak wonage nenegen kagarak.