Matiyut 17:2 - Ala Wone Peenok Peebi Mbanak

² inenggaanom paga at eebe alik negen age logonet, enete oonegen pogom pindanggage, ndi, ayum o eya pogom laambu lombok age, eeke kagak,

Matiyut 17:2 ပူးပေါင်းရင်းမြစ်များ

Ndawi 104:2

Kabinak paga keebe lenggembatinuk wonage, Yum tabak paga ooliya lenggenogo punuk mengga kwak, Kat togop aret mbogut mbiganogo punuk wonage,

Ndawi Iya 6:10

O kilim nagake menggi kwak, tut penengge menggi kwak, oonegen komeninuk lagi wage menggi kwak, Laaluguragan tek kunggun arit nage kenok, pi wako mengga kwak, wage ti ta mbaken o?

Matiyut 17:1

Yorage nagagerik, ti'nuk, nogo 6 yippunuk, ko'lu at Yetut nen Peterut inom, Yakobut inom, ndi, Yakobut awot Yaya inom, wogoret puurom ambi nggorek paga lagi nage nagagerik, inalik time wonogwe me,

Matiyut 17:3

it Muta Eliya imbirak Yetut inom wone mbanggwi mban inigen iyareegwaarak.

Matiyut 28:3

Malayikat nogo enete abinak o yabok pogom pindanggage, ayum abinak yanggwi pogom lan agago pege, eeke me,

Marakut 9:3

Enete alik lombok age nagagerik, ambogoyum laambu abinak ndelenak-welenak eereegerak. It mbogoyum laambu abinak aruwak nduk kooko mengga kwak ti lek o. Ata, abinak abu alik negen laambu lombok age mbareegi,

Lukat 9:29

Nogo nogogwaarik, Yetut tamban eeke me, at enete alik lombok age nagagerik, ambogoyum abinak mondok yanggwi negen lan ari kagak,

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.

Oroma 12:2

It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

Wayu 10:1

Eekwi nogo iige nagarik, ti'nuk, malayikat alilaakwi ambi, ndugwi nogo ayum negen pirik-perek eerak mbogut paga nen wambi wage kagarak. Anobak paga liware negen nggare-nggare yirik logonet, etenggen ti, oonegen pogom, ndi, iyok ti, eyo yinik paga kani wunuk ari nogo pogom logonet,

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.