Matiyut 17:17 - Ala Wone Peenok Peebi Mbanak

¹⁷ Yoge mbareegi, at Yetut nen, “Wologwe! Kit aakumi yogondak wonogwe kiniki noba panggombunuk, abet nombaka'lek lambek nugu monggotak yi, an ne mande ninom logonuk name nagin kwe? Ne mande niniki yanggo yinuk, kit ninom logogin kwe? Wulaga ti, wonok wa'nip o.”

Matiyut 17:17 ပူးပေါင်းရင်းမြစ်များ

Ndawi 95:10

It ti eyom ndarak nogo anini nen mberirage kagak Tahun 40 aret eereegwaarak. Mberirage logonet, “An yokkirage eeka'lek logonet, Kiniki mondok worokot-linik monggotak yi, Neebi a! yinuk, An yonggonggolage minggim Kit ninom yonggonggola ungguurak abu lek o, yinuk, Nanini nen nowak mbanogo wone ti abu aret yagi o,” Yinuk, yereegerak o.

Wundeegwaarak 10:3

Nappege mbareegi, Muta Karun imbirak Pirawun owagam nogo nogogwaarik, at yogo logonet, “Aakumi Iberani inogoba Aliku Ala nen ari logonet, At Pirawun wogoppake logonet, eewa yaga'lek ti, ne mande logonuk, an nabu'me iniki tebeppatinuk logogin o? An napuri aakumi Iterali mendek ti, nalut eeri nawak nduk teppiyaawak o.

Wundeegwaarak 16:28

Lek aret kogo mbareegwa, Aliku ALA nen Muta yoge, “An nen, Yogop ee'nu ndogop ee'nu, wone yugu inom, wone lengganogo yokkirage inom, Nineebi o, yinuk, eeka'lek kiigak, ne mande logomunggup o?

Kini Wuppiige 1:22

Iniki warak nen ari logonet, “Aap kiniki yuundurak yi wae. Kiniki koongga'lek ugun wonogwe, Kit meek eerogo piiga nen aakumi meek eerogo piyoorak kinikilom mbakwi, Kit kiniki lek wi negen nen wone nineenu ariyak, Nineebi o, mbakwi, Eekwi kiigak, Ne mande ari nagin o.

Kini Wuppiige 6:9

Aap eenggi tanep yi wae. Kat windak mban wonage, mi'naga'lek nogo mban yege, Eeke keegak, Ne mande ari nagin o?

Yetaya 19:14

At Aliku ALA nen iniki wi eerogo piiga inikime mambiyareegerak kenok, Naalop-kaalop koonit nogwe paga Aap ambi kumili aganaka amburu nenok, peyak wuke nagaatik, peyak wurik paga lagak-mbagak ari menggi kwak, It aap ti nogo nen it o Metit mendek togop eeko logowak nduk, eerogo pigaarak me,

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Linggineegwaarak 14:11

Kogwe iigak, at Aliku ALA nen Muta yoge logonet, “It aakumi Iterali yi, inenggela'me eerubok mendek iya tit eerit wagagirak kwe, it iniki abet nombariyak, Nineebi o, yinuk, miyuk-kayuk eerogo panugwi iigak, ne mande logogun?

Linggineegwaarak 14:27

“It aakumi abu maluk mendek yi nen ineebi-ineeba yo'nugwi yi, ne mande paga yo'nogo logogun o. It ineebi-ineeba yo'nugwi an abu konenggirak me,

Matiyut 13:58

Ndi, it aap Nataret mendek nen Yetut abet ombaka'lek wonogo mbareegwa, o time eerubok mendek ambitak mban eeke nagagerak.

Matiyut 16:8

at Yetut yelok iige nagagerik, “Kit kiniki liirogon abet nombaka'lek yi, roti lek kenok nonggop nduk kiniki piirik logonet, wone yogo ogotik?

Matiyut 17:18

Yinuk, yoragagerak wonok wogo mbareegwa, at Yetut nen kugi nogo mberege mbareegi, kugi nogo wulaga inikime nen wundi nage kagak, wulaga nogo ti eyom obeelom aret agagerak.

Matiyut 6:30

Iri'ngga-kale'ngga endekem mendek yogondak ki lagangge, ndi, ko'lu tekkani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki Ala liirogon abet ombaka'lek mendek yi, mondok iya negen eeppinagage, eerigin lek mbakop?

Matiyut 8:26

Yogo mbareegwa, Yetut nen, “Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagerik, mi'na'nuk, o wiya inom, yi kilaarak-mogonik eeke inom, mberege mbareegi, abolok abu lek puk aret agagerak.

Marakut 16:14

Ti'nuk, peebi nen at oone waganggwi 11 nogo mbi nunggwi me, “Neyaawak o,” yinuk, nigiya wagagerak. Nigiya wage nagagerik, at eenik a'nuk mi'nagagerak inigen kenok, yora wogogwaarak kwe, inogogumbuk logonet, iniki abet mbaka'lek iinok, mberiragagerak.

Marakut 9:19

Yoge mbareegi, at Yetut nen, “Kit aakumi yogondak wonogwe kiniki noba panggombunuk abet nombaka'lek nugu monggotak yi, wologwe! An ne mande ninom logonuk, name nagin kwe? Ne mande niniki yanggo yinuk kit ninom logogin kwe?” yorage nagagerik, “Wulaga ti, wonok wa'nip o.”

Lukat 24:25

Yogo mbareegwa, at Yetut nen it yorage logonet, “Kit wi kiniki yunduurak aret kiigi o. It aap Ala nen yorage kagak yoraga nen wone yokkirogo nogogwaarak nogo abok aret mbet-mbet abet mbarulik nonggop nduk wonogotak?

Lukat 9:41

Yoge mbareegi, at Yetut nen, “Kit aakumi yogondak wonogwe yi, kiniki noba panggombunuk, abet mbaka'lek lambek nugu monggotak yi, wologwe! An ne mande ninom logonuk name nagin kwe? Ne mande niniki yanggo yinuk, kit ninom logogin kwe?” yinuk, yorage nagagerik, aap aput andi nogo yoge logonet, “Kaput wonok omok o.”

Yaya 20:27

Yorage nagagerik, Tomat nogo yoge logonet, “Tomat wae. Keenggi an neenggi yi, pi'nake logonet, nawinobam pekkage, ndi, kobaak ngginogo nobate pelenak me keenggi mambege, ee'nake logomenggendik, kiniki yungguppegak eeke logonet, abet nombaka'lek logorak ti mage o. Ata, kiniki noba panggombunuk, abet nombake logot o,” yinuk, yoreegerak.

Nappiigak 13:18

O karume aakumi lek me nogome logonet, inobaabut maluk eerit nogwe iigak kwe, iniki yanggo yinuk, wonage kagak, tahun 40 aret eereegerak.

Nappiigak 2:40

Yorage nagagerik, wone ando ambik aret yorage logonet, “It aap o yogondak ndarak maluk eekwi ti, kinom maluk eekkinabukwak kinagap ndakkolaabagip nduk, kinom mondok ogoorak logonip o,” yinuk, inaruk wake, oone nabek togon yorage, eeke nagagerak.

2 Korindut 11:1

An aap kumili-kumili negen logonet, wone yi yokkirage kwe, kagak konenggo logobagip nduk, yokkiragi o, noreewi.

Pelaareegerak 32:5

It aakumi nda'nogogwaarak yi ti, Aliku ALA enggaanom paga eekulik mendek maluk lombok kagak eekwi, Ineraambe maluk me, at apuri ariyak kunduk, abu meek aret wonogwe, It ineraambe abu nggolo lombok logonet, yenenak-wanenak eekwi, Eeko menggaarak me,