Matiyut 16:4 - Ala Wone Peenok Peebi Mbanak

⁴ Kit aakumi o yogondak wonogwe nogo nen Ala mbo pogo nogootik, maluk lombok eerit nugwi yi, Nineenu ariyak mendek ambi eeke keyaawi o, yo'nugwi kwe, kineenu ariyak nduk, alik ambi eeke neyaamunggup lek o. Ata, at Ala yoge kagak yoraga Yunut nogo nen ineenu ariyak mendek eereegerak nogo mban eeke neyaamunggup o,” yinuk, yorage nagagerik, it aap nogo mbo piinok nagagerak.

Matiyut 16:4 ပူးပေါင်းရင်းမြစ်များ

Wakkagagerak 6:3

Ugun wogonabit nogwe iinok, at Aliku ALA nen, “It aakumi ti, kanggo menggaarak mendek me, iniki kooninakak yuwak nduk Aberiniki wogoragagirak nogo mondok-mondok inom logogin lek o. Ndi, ndarak iigak togon, ineenik logorak kuli tahun seratus dua puluh aret eerogo piyaagin o,” yinuk, yoragagerak.

Yetaya 57:3

“Togop kwe, it kumi tili mbangga inaagalogwe ti, Kumi ugun-ugun eeginabit nega mendek wiganak inom, kumi mbabilu paga ndarak inom, nogo aret me, it yime woraawak o.

Oteya 4:17

It Eparayim mendek ti, inagugi inom kunggologogwaarak wonogwe me, inobaalombok o!

Oteya 9:12

It inapuri ndappiinok, tawe aganabemenggaarak kwe, inenggaawak lek eerogo piyaminggirak paga leenggu maako logowak nduk, eerogo piyaagin o. An mbo piinok, mbagangge neenok, it inabuwa o.

Yunut 1:1

Aliku ALA nen aap Amitayi aput Yunut wone yoreegerak nogo yi aret.

Yunut 1:17

Ti eekwi iigak, Aliku ALA nen Yunut nogo ambeme yonggoluwak nduk, yikwe nggwok ambi nappi wagagerak yonggoleegerak inikime wonage kagak nogo kenagan aret yereegerak o.

Matiyut 15:14

It aap inigen mbuk mban-mban ineenggi pit-pit aago nogwe iinok ti, it imbirak aret yigeebu wambugun me, inigen mbuk logonet, tu niigiigwi iinok ti, inobaalombok me, teppiyaanip o.”

Matiyut 16:5

It Yetut oone waganggwi nogo, yi wunda nogo nogogwaarik, roti inami a'nuk nogogwaarak me,

Marakut 8:12

Yogo mbareegwa, at Yetut nen, “Aap yi yogwe, Ao,” mbake logonet, “Kit aakumi yogondak wonogwe yi, nonggop nduk, Nineenu ariyak mendek ambi eeke keyaawi, mban yo'nogo ogotik? Kineenu ariyak mendek ambi eeke neyaamunggup mondok lek o, yinuk, abet aret yokkiragi o.”

Marakut 8:38

It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naana'le mbangga'lek logomonggotak kenok, an aap aret nda'nagagirak yi, peebi an nogoba amindik-amendek li'luk ee'nuk, at ake eeko logorak leenogo piyareegirak malayikat nogo, ninom wogo logomonggoorik, an kunduk, aakumi nagabiti nen kinaana'le mbanigin lek o,” yinuk, yoragagerak.

Nappiigak 18:6

Yorage me, it nogo inom ogookkologo logonet, miyuk-meya eerogo pogo mbareegwa, Pawulut nen, “Kit lek eerogo pinagarak ti, an nobaalombok lek o. Kit kinobaalombok eekkolamonggotak paga lek eerogo pinagagin o. Ndi, an yogondak nen it aap endekem mendek yoranet nege logogin o,” yinuk, it liippuwak nduk, mbogoyum liirubu lenggenak nogo yumbunogo inoba nappereegerak.

Nappiigak 2:40

Yorage nagagerik, wone ando ambik aret yorage logonet, “It aap o yogondak ndarak maluk eekwi ti, kinom maluk eekkinabukwak kinagap ndakkolaabagip nduk, kinom mondok ogoorak logonip o,” yinuk, inaruk wake, oone nabek togon yorage, eeke nagagerak.