Matiyut 16:28 - Ala Wone Peenok Peebi Mbanak

²⁸ Kit ando yime wonogwe nogo nen an aap aret nda'nagagirak yi, it aakumi nabu'me piya woroorak nogo awo kinigen neega'lek kiigak, kambumunggup mondok lek o, yinuk, abet aret yokkiragi o,” yoragagerak.

Matiyut 16:28 ပူးပေါင်းရင်းမြစ်များ

Matiyut 10:23

O kota ambime nen piyak-payak eekkinakwi iinok, kole mbaganit o kota alik ambime namunggup o. Kole mbaganit aap Iterali iname kota-kota ando awo unggwit naga'lek kiigak, an aap aret nda'nagagirak nogo, woraagin aret o, yinuk, abet aret yokkiragi o.

Matiyut 16:13

At Yetut o Kayitareya Pilipi unggwi nanuk, time nege logonet, at oone waganggwi nogo yorage, “Wologwe! An aap aret nda'nagagirak yi, it aakumi nen ta nomba'nuk yogo agaarik?”

Matiyut 24:3

Ti'nuk, puurom Tayitun paga lagangge nagagerik, alik taati kwi'ndak wonage me, at oone waganggwi nogo owagam ka nogo nogogwaarik, at yogo logonet, “Togop arigin o, yo'niragandak nogo, mandenom arigin o? Ndi, kat woroorak inom, o age yobok ariyak inom, panggoni wage kenok, nineenu ariyak mendek nano eeke kaagun? Yo'niret o.”

Matiyut 24:34

Kit yogondak wonogwe yi, awo lek aga'lek kiigak eeriyak abok yokkiragarak nogo, tigitogon a'me lik ari kaamunggup o, yinuk, abet aret yokkiragi o.

Matiyut 24:42

Togop me, kinogoba an nogo, o ngge eyom paga woroorak kineenggo'lek me, kiniki tum wako logonip o.

Matiyut 26:64

Yoge mbareegi, at Yetut nen, “Yagandak ti aret o. Togop me, kit abok aret an ambi yokkira o. O yogondak yi kuli paga nen an aap aret nda'nagagirak yi, at Omaawi Lombok Menggerak eenggi abe'nggan kwi'ndak wonage logominggirik, mbogut paga ndugwi enggela'me wambi wage neyaamunggup o, yinuk, yokkiragi o.”

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Marakut 13:26

Eeke mbaremenggi, an aap aret nda'nagagirak nogo nobanggi-nobangge li'luk eekko'nok, nayuk warak logonet, ndugwi enggela'me wambi wage neyaagun o.

Marakut 8:38

It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naana'le mbangga'lek logomonggotak kenok, an aap aret nda'nagagirak yi, peebi an nogoba amindik-amendek li'luk ee'nuk, at ake eeko logorak leenogo piyareegirak malayikat nogo, ninom wogo logomonggoorik, an kunduk, aakumi nagabiti nen kinaana'le mbanigin lek o,” yinuk, yoragagerak.

Marakut 9:1

Yorage nagagerik, ambinom yorage logonet, “Kit aakumi ando yime wonogwe nogo, at Ala oone omaawi paga lengganinake logonet, aakumi at abu'me piya wage kinigen kaga'lek kiigak, kambumunggup mondok lek o, yinuk, abet aret yokkiragi o,” yoragagerak.

Lukat 18:8

Lek o. Mbet-mbet aret inowak loonogo inawone amburu mbanigin o, yinuk, yokkiragi. Togop aret eeginaburak kwe, an aap aret nda'nagagirak wage neenok, it aakumi nggween paga yime iniki noba panggombunuk, abet nombakwi iyaamun ilik, lek a?” yinuk, yoragagerak.

Lukat 2:26

Aberiniki at oba wonage logonet, ninogoba Ala nen leenogo mippemenggerak Keritut nogo, enegen kaga'lek kagak kambigin lek eenu eeppereegerak me,

Lukat 9:27

Kit ando yime wonogwe nogo, aakumi Ala abu'me piya wage kinigen kaga'lek kiigak, kambumunggup mondok lek o, yinuk, abet aret yokkiragi o,” yoragagerak.

Yaya 21:22

Yoge mbareegi, at Yetut nen, “An nage logominggirik, peebi wage eyom ti paga, At yime eenik nege logorak op o, mbake neenok ti, nege logorak aret. Ndi, lek kenok ti, lek aret. Ti eeriyak nogo ti, kat kobaalombok lek me, kat perak, nimbirak nawok mban o,” yoreegerak.

Yaya 8:51

Aap ambit ambi an noone liippunuk, mugurok nage kenok, at kambigin mondok lek o, yinuk, abet aret yokkiragi o.”

Yaya 8:52

Yorage mbareegi, it Yakuri mendek nen at Yetut yogo logonet, “Wone yagandak ti paga kugi kinikime liinik abet aret keego o. At Abarakam inom, Ala nen yorage kagak yoraga inom, kambeegwaarak kagak, kat nen, Aap ambit ambi an noone liippunuk, mugurok nage kenok, kambigin mondok lek o, yagandak ti,

Nappiigak 1:11

“Kit aap Nggalileya mendek yi wae. Nonggop nduk mbogut paga kina nigagik mban ogotik? At Yetut eebe kit kiigak mbogut paga wonok lagi nage kinigen kogotak ti, ndak-ndak peebi at eebe togop aret wambi wage kinigen kaamunggup o,” yinuk, yorogogwaarak.

1 Korindut 15:23

Ti eeke logonet, mondok peebi-aa'nduk mippinanigin o. At Keritut ti, anggen iyaalok mbanak kwak aa'nduk eenik eerogo mippereegerak me, at peebi wage logomenggerik, apuri ninom kunik monggoorak nogo, abok aret nineenik eerogo mippinanigin o.

1 Tetalonika 1:10

ndi, Ala nen at aput Yetut kambunuk nogo menggam nen eenik agago mippege mbareegi, peebi anini nen nit maluk eeppinanege kero, ninagap ndareegerak Yetut mbogut paga nen wambi woroorak nduk, kit tokkogo monggotak nogo inom, abok aret nit yo'nirogo menggaarak.

Iberani 2:9

At Yetut perak, tiyanak mondok ayuk warak wonage kogo ogoorik o. At Ala iniki kunik en eeppinanege menggerak me, malayikat tiyanak iigak, aput ninalitak lombok ninake kambuwak nduk, ne ambit luulu at tebeppege mbareegi, nggween paga wambi wage nagagerik, ninake kangge logonet, andi-pandi kagak waganeegerak ti paga, aap ambi amindik-amendek li'luk eeppogo mengga kwak, Ala nen at aput togop aret ayuk wurogo tiyappereegerak wonage agaarik o.

Yakobut 5:7

Togop me, nowe-nawot o. Ti eeppinagagwi nogo koonikit nduk, ninowe woraagin me, kiniki kwippunuk logonip o. Aap ambi nen mbi awi yaketak nogo mayu kage, kibi kage, eeke kagak, kole aruwak nduk iniki kwippunuk, tokkage menggerak nogo liippinip o.

2 Peterut 1:16

Nit ninowe Yetut Keritut, “Wi,” yinuk, pi wakwi iigak woroorak wone yokkirogogurak nogo ti, it aakumi nen timbayok wone mbininggo logonet, inoone amburu ndik-ndik yogo menggaarak nogo paga niniki panggombunuk yokkirogo logolik o. Ata, at Yetut Keritut mondok tiyanak lombok menggerak ninigen abe nen kogogurak nogo aret yokkirogogurak o.

1 Yaya 2:28

Ndi, napuri niniki kunik yi wae. Peebi at woroorak nogo eyom paga nit ninenggali lek niniki teeluk logowok nduk, yogondak nen niniki ambit a'nuk Yetut ninom kunik aret logowok o.