Matiyut 16:25 - Ala Wone Peenok Peebi Mbanak

²⁵ Kineebe kinili yikkolamonggotak kenok, kineebe kobak aret arumunggup o. Ndi, an nendage tiya yuwak nduk kineebe wondet eerogo patit namonggotak kenok, kineebe kinili aago aret logomunggup o.

Matiyut 16:25 ပူးပေါင်းရင်းမြစ်များ

Etet 4:14

Kat yori naga'lek puk mban wonage keenok, nit aakumi Yakuri mendek ninagap ndariyak nduk aap alik nen yeenggwa nira wogwe iigak, kat inom, kiriwi inom, kinenggaawak lek arumunggup o. Togop me, wone agaarak yi, kat nen aret kooniyak nduk, aap endagembogut akwe, kwe nggwok agandak kero!”

Etet 4:16

“It aakumi Yakuri mendek o Tutan wonogwe nogo abok aret kuwak eeppiya nage logomenggendik, ko'lu-kii'me niyo inom, mbi inom, nengga'lek kinambe mage negen logonet, an nake tamban eekwi kiigak, nogo kenagan yumunggup o. Ti eekwi kiigak, an togon, it an ndegennako menggaarak kumi tawe togon, togop ndak-ndak aret eeko logogun o. Eeko logomonggoorik, wone yugu nogo an taganogo punuk, aap endagembogut owagam unggwi naminggirak me, Kambuwak o, yo'nugwi iinok ti, an kambuurak op aret o,” yinuk, wone eerogo nappereegerak.

Wone Alom Kibingga 3:6

Kwaariyak eyom wonage, kwaaka'lek mbo puurak eyom wonage, Patogo logorak eyom wonage, mbo puurak eyom wonage,

Matiyut 10:39

Kineebe kinili eekkolamonggotak kenok, kineebe kobak aret arumunggup o. Ndi, an nendage nggwok aruwak nduk, kineebe wondet eerogo patit namonggotak kenok perak, kinili aago aret logomunggup o,” yinuk, yoragagerak.

Matiyut 16:26

Kit yi awi ndi awi abok aret unde eekkologo logomonggotik, kineebe kobak arumonggotak kenok, ti paga nano eekkoloorak nduk agan nogo logomunggup mbakop? Kineebe kobak arumonggotak kenok, obaane'me nano patiyak?

Marakut 8:35

Kineebe kinili yikkolamonggotak kenok, kineebe kobak aret arumunggup o. Ndi, an nendage inom, obeelom wone inom, nggwok aruwak nduk, kineebe wondet agago patit namonggotak kenok perak, kineebe kinili aago aret logomunggup o.

Lukat 17:33

Kit kineebe kinili yikkolamonggotak kenok, kobak aret arumunggup o. Ndi, kineebe wondet agago patumonggotak kenok, kinili aago aret logomunggup o.

Yaya 12:25

Aap ambit ambi nen at eebe eenik logorak inikilom mbake kenok, at eebe kobak aret arigin o. Ndi, o nggween paga yime logonet, at eebe eenik logorak eebi mbake kenok, eenik mondok-mondok aret logogin o.

Wayu 12:11

It ninoreewi nogo nen Ndomba Aagaluk amiya wundeegerak abet mba'nuk, iniki ti paga panggombunuk logonet, Ninooriyak op aret o, yinuk, Inagabiti lek Ala wone wonok yoranet nugwi paga Tile tebenogo pugwi me,