Matiyut 16:21 - Ala Wone Peenok Peebi Mbanak

²¹ Inaruk wareegerak ti eyom paga nen at Yetut nogo at oone waganggwi yorage logonet, “An o Yerutalem time noorak agaarak me mondok nage agarik o. Nage neenok, It aap inanggok inom, it Ala unde inoweewi inom, it Ala wone liiru mbanak unde inom, nen noba aaninggin-paaninggin agago paninuk, noorugun o. Nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, paganogo yoragagerak.

Matiyut 16:21 ပူးပေါင်းရင်းမြစ်များ

Nekemiya 12:7

Talu, Amok, Kilikiya, Yeraya. It aap yi, aap Ala unde inowe Yetuwa wonage kagak, aap Ala unde inoweewi inoreewi inom wogogwaarak ti aret.

Matiyut 12:40

At Yunut nogo, ikan nggwok inikime yonggolak kagak, nogo mbere yinuk, ko'lu kilirogo wumbereegerak nogo kokwak, an aap aret nda'nagagirak yi, nggween abu'na wonage logominggirik, nogo mbere yippunuk, ko'lu neenik a'nuk, mi'narigin o.

Matiyut 16:22

Yorage mbareegi, at Peterut nen Yetut nomorogon wonok nage nagagerik, mberege logonet, “Mage o. Togop eekkaburak mondok lek o, nogoba.”

Matiyut 16:28

Kit ando yime wonogwe nogo nen an aap aret nda'nagagirak yi, it aakumi nabu'me piya woroorak nogo awo kinigen neega'lek kiigak, kambumunggup mondok lek o, yinuk, abet aret yokkiragi o,” yoragagerak.

Matiyut 17:12

Eliya nogo muk wage mbareegi, it aakumi at yelok kaga'lek logonet, iniki mba'nuk aret eeppereegwaarak nogo ndak-ndak, an aap aret nda'nagagirak nogo noba aaninggin-paaninggin agago panugun o, yinuk, yokkiragi o.”

Matiyut 17:9

Puurom paga nen wambi wogo logonet, Yetut nen, “An aap aret nda'nagagirak yi, kambunuk nogo menggam nen awo mippanega'lek kagak, eeke kinigen neegotak nogo aakumi abu yoraagup o,” yinuk, inaruk wareegerak.

Matiyut 26:2

“Nogo mbere yippunuk, laago Obaga Mbo Nagagerak lariyak kineenu me, lakwi eyom paga an aap aret nda'nagagirak yi, eyo karo-karo paga nabembanuwak nduk, neebe pigogo aakumi wogoraagin o,” yinuk, yoragagerak.

Matiyut 26:47

At Yetut awo yorage kagak, it Ala unde inoweewi inom, it aakumi inogobamini inom, nen aap ambi aago paloowi waganggwi, mbim mbanak waganggwi, ee'nuk, Yetut wa nawak nduk, nappiyareegwaarak nogo it aap 12 mendek yendennagagerak Yurat nogo inom aret nogogwaarak.

Matiyut 27:12

Yoreegerak kwe, it aap Ala unde inoweewi inom, aap inanggok inom, nen wone at oba lenggenogo pugwi iigak, at onggo ambi abu yoroolik puk aret wonagagerak.

Matiyut 27:63

“Ninogoba wae. At aakumi nomoninake menggerak nogo nen awo eenik logonet, Nogo mbere yippunuk, mi'narigin o, yereegerak nogo nineenu me,

Matiyut 28:6

At nen yokkirage nagaarak nogo ndak-ndak aret eenik a'nuk mi'nagaarak me, eebe yime lek o. Kinogoba windak wonagam mban kinigen kaabagip nduk, wa'nip o.

Marakut 8:31

Inaruk wake nagagerik, wone yorage logonet, “An aap aret nda'nagagirak yi, mondok noba aaninggin-paaninggin agago panugun o. It aap inanggok inom, it Ala unde inoweewi inom, it Ala wone liiru mbanak unde inom, ineebi nen nooko mbaremengga, nogo mbere yippunuk, ko'lu neenik arigin o,” yinuk,

Marakut 9:12

Kin wokkogo mbareegwa, at nen, “Eliya aa'nduk aret wage logomenggerik, yi eekwi ndi eekwi ndegeni woraagin o, yogwe nogo ti, abet aret yogwe kwe, an aap aret nda'nagagirak nogo noba aaninggin-paaninggin agago panugwi, miyuk-meya eerogo panugwi, eeriyak liiru mbaneegerak nogo ti, nonggop nduk mbaneegerak mbakop?

Lukat 17:25

Togop aret eerigin kwe, aa'nduk, aakumi nen mondok noba aaninggin-paaninggin agago panugwi, aakumi yogondak wonogwe nogo nen an mbo panugwi, eerugun aret o.

Lukat 24:46

Iniki eya eeppiige nagagerik, yorage logonet, “At Ala nen leenogo mippereegerak Mesias nogo aaninggin-paaninggin oba pugwi iinok, nogo mbere yinuk, kanggo menggam nen eenik age logomenggerik, mi'narigin o.