Matiyut 16:18 - Ala Wone Peenok Peebi Mbanak

¹⁸ Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Matiyut 16:18 ပူးပေါင်းရင်းမြစ်များ

Wakkagagerak 22:17

an nen abet aret nale'nggen nggwok togon oba pege logonet, ombowologwe laaluguragan mbogut paga wonage inom, mbini kale'ngga niyo aa'nggi paga wonage inom, ti pogom abu ngginu-ngginu eerogo wogorigin o. Ombowologwe nda'naremenggaarak nogo nen inawim tebenogo piinok, inawi time aret unde a'nuk logogun o.

2 Tamuwen 18:4

Yogo mbareegwa, aap endagembogut Ndawut nen it yorage logonet, “Kit eeriyak nombakotak nogo mban eeke logokit o.” Yorage nagagerik, o kota tu unggwogo menggam taati mi'ndak wonage kagak, awuri ineebe 100 aago nogo aret wundi nogwe, seribu aago nogo aret wundi nogwe, eerit-eerit age yubuneegwaarak.

Ayup 38:17

Kambunuk nogo menggam tu titikkereegerak kenegen kage, Kambunuk o apit aago me ari nogo menggam tu maloppege,

Ndawi 107:18

Yi mendek ndi mendek noorak abok aret peyak wuriyak mban aganake, Kambunuk nogo menggam tungga'nggi paga panggo yi nogwe, Eeko logonet,

Ndawi 127:5

Aap ambi omaale ta'mbanak Eenggime wonok nege menggi kwak, At apuri ambik inom nage kenok, Ale'nggen aret menggerak me, Tu unggwage menggim awim imbirak abuk age kenok, At enggali arigin lek ayuk wuko logogun o.

Ndawi 129:2

“Lek o. An aa'nduk tawe paga Piyak-payak ee'nabit nogo nogogwaarak nogo kwe, It nen an tebenogo panulik aret o.

Ndawi 69:12

It wone mbangga tu unggwogo menggam kwi'ndak logonet, An nabok nggarik-nggarek yogwe, Aap amburu kumili aganaka nunggo logonet, Ndawi paga an nanep tenok-mbenok yogwe, Eeko agaarik o.

Ndawi 9:13

Ndi, Kaliku ALA wae. It an ineebi nombakwi nogo nen Andi-pandi eerogo panugwi yi, iyet o. An o Tiyon Aagalukwe kota tu unggwogo menggam logonet, Kat eeke kabok paganogo yorage, Nagap ndaremenggendak paga nale'nggen mbake, Eerikit nduk, Kambunuk tu unggwi nogo menggam pani wanggwi me, Nabuwa mbake, waganogo nippani wage, Eeru o.

Kini Wuppiige 24:7

Aap iniki warak nen wone yogo menggaarak nogo ti, iya lombok me, aap iniki lek nen liippuurak meek aret o. Tu unggwogo menggam aap kuwak eerak inenggela'me aap iniki lek wi nen wone yuurak meek aret o.

Yetaya 28:16

At Aliku Itok Menggerak ALA nen yegerak yi aret. “An nen ogowa pugu mondok nu'lek logowak nduk, Yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, iniki yungguppegak eeke logogin lek o.

Yetaya 28:6

At aap inowak loongga nen a'me nggelok mban inowak loongge logowak nduk inikime eeppiige, O kota nogome inawim nen inoori unggwi wogwe iinok, mugogo nappiyaawak nduk, iniki wakaa'ngget agago piige, Eerigin o.

Yetaya 38:10

An nen ari logonet, “Nda'nagagirak awo obate paga kagak aakumi kambunuk nogo menggam tu ambe pan ari logonet wiinege, Neenik ambinom logokit mbake neegak, an mondok wo'neren pani nage, Eeke kenok,

Yetaya 54:17

At wariyak nduk yi mendek ndi mendek ogobakkigirogo pemenggaarak kwe, abe eerigin lek o. Ndi, aakumi inowak loonggo menggam it yi aap ndi aap nen, Kat ndogop eekendak o, yinuk, Inoone yoremenggaarak kwe, inoone lek eerogo piige logogin o. Aap apuri eyate wogorage menggi kwak, Naliku ALA nen nayeloman mini eeppiyareegirak nogo ti, It aakumi togop eeppiigo logowak nduk eeppiige, Ndi, It aap ti, Aap abe o, yinuk, inaana'le mbangge, Eereegirak ti aret o,” yinuk, Aliku ALA yegerak me, yokkigi o.

Yunut 2:6

Puut-puut iyok niyo inikime yarak me, ari wangge, Nggween o'luwam lombok wangge neegak, mondok-mondok logorak nduk, nambokan tu narogo panege, Eeke me, Kaliku nogoba Ala o. Niyo kiiniki paga lombok wonage me, pilanogo nippanu o, yinuk, yokkigirak o.

Matiyut 10:2

It aap 12 nappiyareegerak nogo inendage yi aret. Aa'nduk ti, Timon endage ambi Peterut toonak nogo awot Andereyat imbirak nappiige, Tebereyut aput Yakobut awot Yaya imbirak nappiige,

Matiyut 11:23

Ndi, kit aakumi Kaperenawum mendek yi, Nit mbogut paga nagawan me, tiyappinanigin o, yinuk, yogo ogotik? Mondok lek o. Eerubok mendek kit kiname eeke kogotak nogo, o Torom time eeke logonetak en, o eebe nogo lek eeppega'lek, o yogondak kuli yi paga logonetak kwe, eeke inigen kaga'lek me, inomaluk mbo pega'lek wonogo mbareegwa, Ala nen lek eerogo piyareegerak nogo ndak-ndak, kit kunduk lek eerogo pinagagin lek nduk yogo ogotik? Lek o. Ala nen it aap kambunuk nogo menggam time aret mondok wuppinanigin, mbako logonip o.

Matiyut 18:17

Ndi, it aap ti, kinom yorumonggotak aruk liirogon konengga'lek mbo pege kenok, it Ala apuri apit kuwak eeppiinok, yoruwak nduk, yoraanu o. Ndi, Ala apuri kuwak aago inoone kunduk konengga'lek kenok, it aap abet mbaka'lek endekem mendek ilik, it aap o unde inake wu kuwak eeka mendek a, nogo pogom, At aret, mba'nuk mbo punu o,” yinuk, yoragagerak.

Matiyut 4:18

Aap oweeluk-awuluk Timon endage Peterut toonak nogo, awot Andereyat imbirak ikan waganggo menggaarak me, at Yetut yi yenggenak Nggalileya aa'nggi paga nage logonet, ikan waawok nduk, yum ikan wagangga nogo yiime wuppugwi enegen iyareegerak.

Matiyut 7:24

Yorage nagagerik, ambinom yorage logonet, “Yi aap ndi aap an noone inaruk konembunuk, liirogon eeko menggaarak ti, aap iniki warak nen awi yugum paga wureegerak nogo pogom it aret.

Yaya 1:42

Yoge nagagerik, wonok Yetut owagam nage mbareegi, Yetut enegen kage nagagerik, at yoge logonet, “Yaya aput kat Timon aret kwe, kendage Kepat aret yokkogo logogun o,” yinuk, yoreegerak. (Endage Kepat yoreegerak nogo ti, it aap Yunani inoone paga, “Peterut o,” yoreegerak.)

Nappiigak 2:47

Ala alut eekwi iigak, aakumi abok nen it Ala apuri ti, iniki kunik aganako nogogwaarak. Ndi, ninogoba nogo nen ko'lu-kii'me it aakumi inagap ndarogo ambit nabek kuwak eeppiige nagagerak.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 8:1

At Tawulut kunduk Tepanut wakwi ti op aret mbareegerak. At wareegwaarak ti eyom paga, it Ala apuri o Yerutalem kuwak eerit nogo nogogwaarak nogo, inooruwok nduk, iya lombok ale-pale eeginabit nogo mbareegwa, o Yureya Tamariya enaagan-ambokan time kole ma'narit nogogwaarak kwe, it nappiigak nogo perak, mbaganulik aret puk ogogwaarak.

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.

Epetut 3:10

Ndi, wone koonak kumaapporogo wonagagerak nogo ti, nit Ala apuri yi awi ndi awi kuwak eerit nogo monggoorak nogo nen, wone ti woppunuk eerit nogwe paga, it mbogut paga menggaarak malayikat inom, it inayuk warak o oolo yayi menggaarak inom, it abok nen, “Ala iniki mondok warak logonet, yi wone ndi wone koonogo eeppiige menggerak nogo, yogondak yi aret kogo o,” yinuk, ineenu aruwak nduk, kumaapporogo wonagagerak.

Epetut 5:32

Ala nen wone yereegerak nogo ti, wone alom abu kumaarak negen aret yereegerak mbake logonet, Keritut apuri yi awi ndi awi monggoorak nogo ninom nonggop togon ambit kunik logorak wakkagak yokkirage kwe, ti mban yokkirage lek o.

Kolote 1:18

Ala apuri yi awi ndi awi kuwak eerit nogo menggaarak lambuk togon Keritut eebe negen nit aret me, ninanobak kwak ti, at aret. Ndi, yi eekwi ndi eekwi alom unde nogo ti, at mban aret me, yi mendek ndi mendek abok aret tebenak kagak, at mban tiyanak logowak nduk, kambunuk nogo menggam nen aa'nduk at aret eenik agago mippereegerak.

1 Timotiyut 3:15

ambi yiluk ari kagak eerukwak, Ala apuri inenggela'me logonet, nonggop eerit nege logorak keenu a'nok nduk, liiru yi mbanggege agarik o. Wone Ala ari menggerak wone o eyak nu'lek wuraberak ti, Ala mondok eenik menggerak apuri kuwak eeko menggaarak nogo aret.

1 Timotiyut 3:5

Aap ambi nen at apuri lombok liirogon kooninake logorak kobak menggerak kenok, Ala apuri ti, nonggop togon kooninake logogin mbakop?

Iberani 12:28

Togop me, Ala abu'me piige menggim nit unde logorak mbareegerak nogo ti, nuk-nuk ariilik me, “Ala wa,” yinuk, keyage wako logowok o. Ninogoba Ala ti, kani omoonuk nen iri'ngga mondok pup eerogo nenet nage menggi kwak aret me, ninagabiti nen ayuk wuko logonet, at eeriyak inikilom mbake nogo mban aret eerit nogo logowok o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 21:14

O wa'nagat wurik ogowa pugu yugum 12 wonage nogo paga at Ndomba Aagaluk awuri nappiigak mendek ineebe 12 inendage mbanak wonage kagarak.